Connect with us

សេដ្ឋកិច្ច

រដ្ឋមន្រ្តីទេសចរ៖ កម្ពុជា រំពឹងទទួលបាន​ភ្ញៀវទេសចរ ១០លាននាក់ ​នៅឆ្នាំ ២០២២

បានផុស

នៅ

រដ្ឋមន្ត្រីក្រសួងទេសចរណ៍ បានប៉ាន់ស្មានថា នៅឆ្នាំ២០២២នេះ កម្ពុជាអាចនឹងទទួលបានភ្ញៀវទេសចរអន្តរជាតិ ចន្លោះពី៨០ម៉ឺន ទៅ១លាននាក់ និងទេសចរផ្ទៃក្នុងប្រមាណ ៩លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថោង ខុន បានបញ្ជាក់ថា ចំនូនទេសចរអន្តរជាតិពិសេសទេសចរផ្ទៃក្នុងអាស៊ានអាចនឹងកើនឡើងជាងនេះ នៅពេលដែលរបាំងសុខាភិបាល សម្រួលការធ្វើដំណើរ និងការដឹកជញ្ជូនបានកាន់តែងាយស្រួល។

លោករដ្ឋមន្រ្តី ថោង ខុន ថ្លែងបែបនេះ នៅក្នុងកម្មវីធីប្រកាសដាក់ចេញជាផ្លូវការនូវគម្រោងសហហិរញ្ញប្បទានស្តារ និងជំរុញកំណើនទេសចរណ៍ ក្នុងទំហំទឹកប្រាក់ ១៥០លានដុល្លារ អាមេរិក កាលពីល្ងាចថ្ងៃទី ១៧ ឧសភា ២០២២។

លោក ថោង ខុន បានឱ្យដឹងថា វិស័យទេសចរណ៍កម្ពុជា កំពុងចាប់ផ្តើមងើបទ្បើងវិញជាបណ្តើរៗ ក្រោយរាជរដ្ឋាភិបាលប្រកាសបើកទទួលទេសចរអន្តរជាតិចាក់វ៉ាក់សាំងពេញលេញ ដោយមិនតម្រូវឱ្យធ្វើចត្តាទ្បីស័ក កាលពីថ្ងៃទី១៤ ខែវិច្ឆិកា ឆ្នាំ២០២១ ។ ត្រឹមតែរយៈពេល៤ខែ ឆ្នាំ២០២២នេះ កម្ពុជាទទួលបានទេសចរអន្តរជាតិ ចំនួន២៤ម៉ឺននាក់ (២៤១,៤៨៥ នាក់) កើនទ្បើង១៩១.៥៥% ប្រៀបធៀបរយៈពេលដូចគ្នាឆ្នាំ២០២១។ រីឯទេសចរណ៍ផ្ទៃក្នុងក៏មានការកើនឡើងផងដែរ ដោយគ្រាន់តែក្នុង ៤ ខែ ដើមឆ្នាំនេះ មានទេសចរផ្ទៃក្នុង ( ទេសចរជាតិ និងបរទេសផ្ទៃក្នុង) ប្រមាណជិត ៥លាននាក់ ធ្វើដំណើរកម្សាន្តពាសពេញផ្ទៃប្រទេស ខណៈដែលនៅចុងសប្តាហ៍ ក្នុងខែឧសភានេះ ទេសចរណ៍ផ្ទៃក្នុងបានវិលត្រឡប់មករកស្ថានភាពមុនកូវីដ ១៩ វិញហើយ។

ប៉ុន្តែទោះជាមានការងើបទ្បើងជាបណ្តើរៗនៃទេសចរយ៉ាងនេះក្តី លោករដ្ឋមន្ត្រីបានថ្លែងថាបើគិតត្រឹមថ្ងៃទី៣១ ខែមីនា ឆ្នាំ២០២២នេះ មានអាជីវកម្មទេសចរណ៍ចំនួន ១,៤២៨ទីតាំងកំពុងបន្តបិទ/ព្យួរនៅទ្បើយ ដោយសារជួបបញ្ហាលំហូរសាច់ប្រាក់ និងកង្វៈខាតហិរញ្ញប្បទាន សម្រាប់ជួសជុលនិងដំណើរការអាជីវកម្មទ្បើងវិញ។

ដោយបានចាត់ទុកថា វិស័យទេសចរណ៍នៅតែជាសរសរស្តម្ភមួយយ៉ាងសំខាន់ក្នុងការអភិវឌ្ឍន៍សេដ្ឋកិច្ចជាតិ និងដើម្បីជួយសម្រួលដោះស្រាយដល់ការលំបាកទាំងឡាយរបស់មូលដ្ឋានអាជីវកម្មទេសចរណ៍ រាជរដ្ឋាភិបាល បានផ្តល់ការយកចិត្តទុកដាក់ខ្ពស់ ដល់ការងើបទ្បើងវិញនៃវិស័យទេសចរណ៍កម្ពុជា តាមរយៈការដាក់ចេញកម្មវិធីគម្រោងសហហិរញ្ញប្បទានស្តារ និងជំរុញកំណើនទេសចរណ៍ ក្នុងទំហំទឹកប្រាក់១៥០លានដុល្លាអាមេរិក ជាមួយអត្រាការប្រាក់សម្បទានដ៏មានសារៈសំខាន់ និងទាន់ពេលវេលានេះ។

លោក ថោង ខុន សង្ឃឹមថា គម្រោងសហហិរញ្ញប្បទាននេះ នឹងជួយសម្រួលដល់អាជីវកម្មខ្នាតតូច និងមធ្យមថ្មី (New Startup) ក្នុងវិស័យទេសចរណ៍យ៉ាងមានប្រសិទ្ធភាព ដូចអ្វីដែលរដ្ឋមន្រ្តីក្រសួងសេដ្ឋកិច្ច បានលើកឡើងនូវ៣ចំណុចសំខាន់ៗ ដូចជាៈ (១). បើកដំណើរការអាជីវកម្មទ្បើងវិញ, (២). កែលម្អ និងធ្វើទំនើបកម្ម សេវាកម្មទេសចរណ៍បែបឌីជីថល (៣). ពង្រីកខ្លួន និងធ្វើពិពិធកម្មសេវាកម្ម ទេសចរណ៍ ដើម្បីត្រៀមទទួលភ្ញៀវទេសចរជាតិនិងអន្តរជាតិទ្បើងវិញ។

លោក ថោង ខុន ក៏បានអំពាវនាវឱ្យផ្នែកឯកជនក្នុងវីស័យទេសចរណ៍ ចូលរួមអនុវត្តន៍គម្រោងនេះ ដោយសកម្មទាន់ពេលវេលា និងមានប្រសិទ្ធភាព ដើម្បីឆ្លើយតបនឹងសំណូមពរនៃការងើបឡើងវិញនៃវិស័យទេសចរណ៍ ក្រោយវិបត្តិកូវិដ-១៩៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

ឯកឧត្តម ឌី វិជ្ជា ជួយសម្រួលការព្យាបាល និងឧបត្ថម្ភ១ពាន់ដុល្លារដល់កីឡាករ ម៉ើល ចាន់រ៉ា របួស

ព័ត៌មានជាតិ២ ម៉ោង មុន

លោក ទេសរដ្ឋមន្ត្រី លី ធុជ ៖ កម្ពុជា នឹង​ផ្តល់​ការ​គាំទ្រ​បច្ចេកទេស ចំណេះដឹង និង​ជំនាញ​ដល់​ប្រទេស​ម៉ុង​ហ្គោ​លី លើ​ការងារ​បោសសម្អាត​មីន និង​គាំទ្រ​ដល់​ម៉ុង​ហ្គោ​លី​អនុវត្ត​បទដ្ឋាន​របស់​អនុសញ្ញា​អូ​តា​វ៉ា

ព័ត៌មានជាតិ៣ ម៉ោង មុន

សិស្ស​ប៊ែ​ល​ធី​ថ្នាក់​ទី​១២ ជំនា​ន់ទី​១៨ ចំនួន ២,១១២​នាក់ ទទួល​សញ្ញាប័ត្រ​មធ្យមសិក្សា​ទុតិយភូមិ​ប៊ែ​ល​ធី

សន្តិសុខសង្គម៣ ម៉ោង មុន

ស្ត្រីម្នាក់​ទើប​ឆ្លង​ទន្លេ​បាន​កូនភ្លោះ​ ខ្ចីលុយ​គេ១ម៉ឺនទិញថ្នាំឱ្យកូនលេប ស្រាប់តែ​ត្រូវ​រថយន្ត​ដឹកដីបុកកិនស្លាប់

កីឡា៣ ម៉ោង មុន

គ្មានក្រុមណាអាចយកឈ្នះវិសាខាបានទេក្នុងតេជោលីគជុំទី១

ជីវិតកម្សាន្ដ៦ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម