សេដ្ឋកិច្ច
លោក គួច សុខលី បង្កើតកសិដ្ឋានចិញ្ចឹមគោយកទឹកដោះជម្នះពាក្យថាផលិតផលខ្មែរគ្មានគុណភាព
ប្រជាពលរដ្ឋខ្មែរ ភាគច្រើនតែងឱ្យតម្លៃទៅលើគុណភាពផលិតផលនាំចូល ជាជាងផលិតផលក្នុងស្រុក។ កត្តាទាំងនេះហើយ ដែលធ្វើឱ្យអ្នកផលិតក្នុងស្រុកបាក់ទឹកចិត្ត បោះបង់អាជីពខ្លួន ដោយងាកទៅនាំចូលផលិតផលក្រៅប្រទេសយកមកលក់វិញ។ ប៉ុន្តែសហគ្រិនខ្មែរ មួយចំនួនក៏នៅតែក្រាញននៀល ប្រឹងប្រែងផលិតម៉ាកយីហោក្នុងស្រុក និងបង្កើនគុណភាពផលិតផល ដើម្បីលើកតម្កើងស្នាដៃផលិតផលរបស់ខ្មែរ។
លោក គួច សុខលី គឺជាស្ថាបនិកហាងកាហ្វេ T&C ជាម៉ាកយីហោហាងកាហ្វេក្នុងស្រុក ដែលបង្កើតឡើងខ្លួនឯង និងនាំចូលម៉ាកយីហោហាងអាហារអន្តរជាតិល្បីៗចំនួន ៤ ដូចជា TOUS les JOURS, Domino’s Pizza, Lotteria The Asian Kitchen និងជាស្ថាបនិកកសិដ្ឋានគិរីសួគ៌។
ដោយសារតែការមិនសូវឱ្យតម្លៃលើផលិតខ្មែរនេះហើយ ដែលនាំឱ្យលោក គួច សុខលី បង្កើតកសិដ្ឋានចិញ្ចឹមគោយកទឹកដោះ ដើម្បីជម្នះពាក្យថា ផលិតខ្មែរគ្មានគុណភាព។
លោក គួច សុខលី បានលើកឡើងនៅក្នុងកិច្ចសម្ភាសន៍កម្មវិធី Grow under peace របស់កម្ពុជាថ្មីថា «យើងបង្កើតកសិដ្ឋានចិញ្ចឹមគោយកទឹកដោះនេះ ដោយមើលឃើញកត្តាពីរ ទី១.កាត់បន្ថយផលិតផលនាំចូល និងទី២. ជម្នះទស្សនពលរដ្ឋដែលថា ផលិតផលក្នុងស្រុកមិនល្អ គុណភាពមិនស្តង់ដារដូចគ្នា»។
អ្នកជំនាញចំណីអាហាររូបនេះ បានបន្តដូច្នេះថា « យើងបង្កើតកសិដ្ឋានចិញ្ចឹមគោយកទឹកដោះហើយ យើងធ្វើឱ្យមានគុណភាពបែបស្តង់ដារ ពោលគឺល្អជាងអ្វីដែលយើងនាំចូល យើងធ្វើដូច្នេះបានដោយសារ យើងមានធនធាន ទីតាំងល្អ ហើយយើងសម្លឹងឃើញថា ទីផ្សារបស់យើងនឹងដើរ»។
លោកសង្កត់ធ្ងន់ថា នៅកម្ពុជា មិនទាន់មានកសិដ្ឋានណាមួយ ដែលបង្កើតម៉ាកយីហោក្នុងស្រុកឱ្យប្រជាពលរដ្ឋទទួលស្គាល់នោះទេ។ «ដែលនេះជាឱកាសសម្រាប់ខ្ញុំ ដែលខ្ញុំគិតថា វាជាចន្លោះប្រហោង ដែលមិនទាន់មានគេធ្វើ មានន័យថា មិនមែនក្រុមហ៊ុនគេផ្សេងមិនមានលទ្ធភាពធ្វើទេ តែគេមិនទាន់ធ្វើ»។ នេះជាការបន្ថែមរបស់លោក គួច សុខលី។
កសិដ្ឋានគិរីសួគ៌ គឺជាកសិដ្ឋានចិញ្ចឹមគោយកទឹកដោះ ដែលមានផ្ទៃដីទំហំ ៣០០ហិកតា ទីតាំងនៅខេត្តតាកែវ។ កសិដ្ឋាន បាននាំចូលប្រភេទពូជគោសុទ្ធហ៊ុលស្តាញ ចំនួន ៥៥០ក្បាល កាលពីដើមឆ្នាំ២០២០ ហើយបច្ចុប្បន្នបានកើនឡើងជាច្រើនក្បាល។ កសិដ្ឋាននេះ មានខ្យល់អាកាសបរិសុទ្ធ ដីសម្បូរជីវជាតិ និងមានភាពស្ងប់ស្ងាត់ល្អ ដែលអំណោយផលដល់ការចិញ្ចឹមគោ។
កសិដ្ឋានគិរិសួគ៌ បំពាក់ដោយ បរិក្ខារផលិតកម្មទំនើបបំផុតក្នុងប្រវត្តិសាស្ត្រវិស័យកសិកម្មនៅកម្ពុជា ស្របតាមបទដ្ឋានពិភពលោក គ្រប់យ៉ាងគឺដើម្បីផលិតទឹកដោះគោសុទ្ធ និងស្រស់បំផុត ១០០ភាគរយ ជូនប្រជាជនកម្ពុជា៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)