សេដ្ឋកិច្ច
កសិករស្រុកថាឡាបរិវ៉ាត់ និយាយពីតម្លៃដំឡូងមីធ្លាក់ថ្លៃនៅខែតុលា
ប្រជាកសិករដាំដំឡូងមី ត្អូញត្អែរពីការខាតបង់ប្រាក់ចំណូលក្នុងមុខរបរកសិកម្មមួយនេះថា មកដល់សប្ដាហ៍ទី ៤ ខែតុលានេះ ដំឡូងមីស្រស់ ឈ្មួញបញ្ចុះតម្លៃទិញត្រឹមតែមួយគីឡូ ២៩០ ឬ ៣០០ រៀល តែប៉ុណ្ណោះ។
លោក វាសនា កសិកររស់នៅឃុំចំការលើ ស្រុកថាឡាបរិវ៉ាត់ ខេត្តស្ទឹងត្រែង បញ្ជាក់ថា ថៅកែមកប្រមូលទិញដំឡូងមីស្រស់ និងក្រៀម បានដល់ក្នុងភូមិតែម្ដង គ្រាន់តែឲ្យតម្លៃទាប ហាក់ដូចជាទីផ្សារដំឡូងនៅនឹងមាត់ឈ្មួញថាតែប៉ុណ្ណោះ។
លោកបន្តថា មកដល់ចុងខែនេះ ឈ្មួញមកទិញក្នុងមួយគីឡូក្រាម តែ ២៩០ ទៅ ៣០០ រៀលប៉ុណ្ណោះ ខុសតម្លៃកាលពីខែកញ្ញា មានតម្លៃ ៣៧០ ទៅ ៤២០ រៀល ខុសគ្នាជាង ១០០ រៀល។
លោកបញ្ជាក់ទៀតថា ដាំដំឡូងមីនៅសេសសល់ពីទឹកភ្លៀងលិច ខូច ត្រូវដណ្ដើមប្រមូលផលពីហ្វូងសត្វជ្រូកព្រៃចូលឈ្មុសស៊ីបំផ្លាញ។ ប្រមូលបានផលត្រឹមតែ ១០ តោនជាងតិចតួចប៉ុណ្ណោះ ហើយមកលក់មានតម្លៃទាបបន្ថែមទៀត។
ថៅកែដែលប្រមូលទិញដំឡូងមី សុំមិនឲ្យបញ្ចេញឈ្មោះ បានរៀបរាប់ថា នៅថ្ងៃនេះការប្រមូលទិញដំឡូងមីស្រស់តាមភូមិ ក្នុងមួយគីឡូក្រាមហ៊ានទិញត្រឹមតែ ២៩០ ទៅ ៣០០ រៀលប៉ុណ្ណោះ ដោយ សារចំណាយលុយលើកម្មករលីសែង ហើយជួលឡានកែច្នៃដឹកជញ្ជូនទៅសាងដាក់ឡានធំបន្ត ចំណុចផ្លូវបំបែក គួបផ្សំនឹងផ្លូវពិបាកចេញចូលផង។
តាមការអះអាងពីអ្នកប្រមូលទិញនេះបញ្ជាក់ថា ពេលនាំដំឡូងចេញទៅគោលដៅលក់ម្តងៗ ត្រូវការចំណាយលុយបង់ឲ្យសមត្ថកិច្ចដែលមានប៉ុស្តិ៍ត្រួតពិនិត្យតាមផ្លូវ ហើយនឹងប៉ុស្តិ៍ប៉ូលិសចរាចរណ៍ គ្រប់ចំណុចជាហូរហែ។ ទម្រាំទៅដល់ប្រទេសវៀតណាម ត្រូវចំណាយច្រើន ទើបធ្វើឲ្យទីផ្សារមានតម្លៃមិនស្ថិតស្ថេរបែបនេះ។
សូមបញ្ជាក់ថា ដំឡូងមីកសិករដែលដាំតាមវាលទំនាប ទទួលបានផលតិចតួចជាងអ្នកដាំនៅទីខ្ពង់រាប ព្រោះឆ្នាំនេះមានភ្លៀងធ្លាក់ច្រើនជាងរាល់ឆ្នាំ បង្កឲ្យដំឡូងខូចច្រើន ហើយតំបន់ខ្លះខូចខាតទាំងស្រុងតែម្ដង ក៏មាន។ នេះជាបញ្ហាចោទដែលកសិករដាំដំឡូងមីកំពុងជួបប្រទះ រួមទាំងវិបត្តិទីផ្សារកើតឡើងបន្ថែមទៀត៕
អត្ថបទ ៖ ងិន លីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ