សេដ្ឋកិច្ច
ថៃ គ្រោងចំណាយ ១៦ លានដុល្លារ ដើម្បីជំរុញវិស័យទេសចរណ៍
ក្រសួងទេសចរណ៍ និងកីឡាថៃគ្រោងប្រើប្រាស់ថវិកាចំនួន ៦០០ លានបាត ប្រហែល ១៦ លានដុល្លារ ដើម្បីលើកកម្ពស់វិស័យទេសចរណ៍ក្នុងរដូវកាលឈប់សម្រាក ខណៈដែលការបញ្ចេញថវិកាសារពើពន្ធឆ្នាំ ២០២៤ រំពឹងនឹងពន្យារពេលរហូតដល់ខែមេសាឆ្នាំក្រោយ ។
រដ្ឋមន្ត្រីក្រសួងទេសចរណ៍ និងកីឡាលោកស្រី Sudawan Wangsuphakijkosol បាននិយាយថា ថវិកាដែលបានស្នើឡើងនឹងត្រូវបែងចែកទៅឲ្យអាជ្ញាធរទេសចរណ៍ថៃ (TAT) សម្រាប់ការផ្សព្វផ្សាយរបស់ខ្លួន ដោយចាប់ផ្តើមពីត្រីមាសទី ៤ ក្នុងឆ្នាំនេះរហូតដល់ត្រីមាសទី ១ ឆ្នាំក្រោយ ។
ទន្ទឹមនោះ គម្រោងផ្សព្វផ្សាយសំខាន់ៗរួមមាន Amazing Thailand Passport Privileges ត្រូវការថវិកាជាង ៤ លានដុល្លារ ដើម្បីផ្សព្វផ្សាយទៅកាន់ប្រទេសដែលជាគោលដៅចូលចិត្តទិញទំនិញ ខណៈដែល ៤ លានដុល្លារផ្សេងទៀតត្រូវបានបែងចែកសម្រាប់យុទ្ធនាការសម្រាប់ទីផ្សារអន្តរជាតិទាំងអស់ ។
ដោយឡែក ថវិកាប្រហែល ៥.៥ លានដុល្លារផ្សេងទៀត សម្រាប់យុទ្ធនាការនៃពិធីបុណ្យប្រទេសថៃ ដោយផ្សព្វផ្សាយពិធីបុណ្យធំៗនៅទូទាំងតំបន់ចំនួន ៥ ។ ចំណែកថវិកានៅសល់គឺសម្រាប់យុទ្ធនាការក្នុងស្រុកដែលមានឈ្មោះថា “The Link Local to Global” ដែលមានបំណងជំរុញការធ្វើដំណើរឆ្លងតំបន់ ។
យោងតាមលោកស្រី Sudawan បានឲ្យដឹងទៀតថា គម្រោងទាំងនោះអាចត្រូវបានចងភ្ជាប់ទៅនឹងពិធីបុណ្យសំខាន់ៗមួយចំនួនក្នុងរដូវកាលទេសចរសម្រាក រួមទាំងពិធីបុណ្យ Loy Krathong ការរាប់ថយក្រោយឆ្នាំថ្មី និងបុណ្យចូលឆ្នាំចិន ហើយថែមទាំងអាចបន្តដល់ថ្ងៃបុណ្យសង្ក្រាន្តចូលឆ្នាំថ្មីក្នុងខែមេសាផងដែរ ។
ស្របពេលជាមួយគ្នានេះ ក្រសួងក៏បានពិភាក្សាអំពីលទ្ធភាពនៃការអនុញ្ញាតឲ្យប្រជាពលរដ្ឋប្រើប្រាស់លុយពីកញ្ចប់ឌីជីថល ១០,០០០ បាតរបស់ពួកគេ ដែលគ្រោងនឹងដាក់ឲ្យប្រើប្រាស់ក្នុងខែកុម្ភៈ សម្រាប់ការចំណាយលើវិស័យទេសចរណ៍ផងដែរ ៕
ប្រែសម្រួល៖ នាង រតនៈ
ប្រភព៖ VN Express
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ