Connect with us

សេដ្ឋកិច្ច

ធនាគារជាតិថៃស្នើឲ្យប្រើរូបិយប័ណ្ណក្នុងស្រុកជំនួសប្រាក់ដុល្លារក្នុងការធ្វើពាណិជ្ជកម្ម

បានផុស

នៅ

លោកស្រី Alisara Mahasantana អភិបាលរងនៃនិយតករសម្រាប់ស្ថិរភាពរូបិយវត្ថុថៃបាននិយាយថា ធនាគារជាតិថៃគាំទ្រការប្រើប្រាស់រូបិយប័ណ្ណក្នុងស្រុកជំនួសឲ្យប្រាក់ដុល្លារអាមេរិកសម្រាប់ការធ្វើពាណិជ្ជកម្មជាមួយដៃគូអន្តរជាតិ ។

មន្ត្រីរូបនេះលើកឡើងថា ការប្រើប្រាស់រូបិយប័ណ្ណក្នុងស្រុក គឺជាការកាត់បន្ថយហានិភ័យដែលបង្កឡើងដោយការប្រែប្រួលនៃប្រាក់ដុល្លារអាមេរិក ស្របពេលដែលថ្មីៗនេះបានកើនឡើងដល់ ៨ ទៅ ៩ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានគូសបញ្ជាក់ថា គោលដៅនៃការផ្លាស់ប្តូរនេះ គឺដើម្បីផ្តល់នូវជម្រើសមួយសម្រាប់អាជីវកម្មថៃក្នុងការទូទាត់ថ្លៃទំនិញ និងសេវាកម្មដែលអាចកាត់បន្ថយហានិភ័យដែលទាក់ទងនឹងអត្រាប្តូរប្រាក់ និងធ្វើឲ្យការចរចាពាណិជ្ជកម្មកាន់តែងាយស្រួល ។

កាលពីខែសីហា ប្រទេសឥណ្ឌូណេស៊ី ម៉ាឡេស៊ី និងថៃបានចុះហត្ថលេខាលើកិច្ចព្រមព្រៀងត្រីភាគីដើម្បីលើកកម្ពស់ការប្រើប្រាស់រូបិយប័ណ្ណក្នុងស្រុកនៅក្នុងប្រតិបត្តិការទ្វេភាគី ខណៈកិច្ចព្រមព្រៀងនេះមានគោលបំណងជំរុញពាណិជ្ជកម្មតាមរយៈការទូទាត់រូបិយប័ណ្ណក្នុងស្រុក ។

ខណៈកាលពីដើមឆ្នាំនេះ សមាគមប្រជាជាតិអាស៊ីអាគ្នេយ៍ (អាស៊ាន) គ្រោងនឹងពិភាក្សាអំពីការទម្លាក់ប្រាក់ដុល្លារអាមេរិក ប្រាក់អឺរ៉ូ ប្រាក់យ៉េន និងប្រាក់ផោនចេញពីប្រតិបត្តិការ និងការផ្លាស់ប្តូរទៅការទូទាត់ជារូបិយប័ណ្ណក្នុងស្រុកវិញ ។

ចំពោះការផ្លាស់ប្តូរ​រូបិយប័ណ្ណពីដុល្លារទៅកាន់រូបិយប័ណ្ណជាតិនីមួយៗនេះដែរ ត្រូវបានគេសន្មត់ថា ដោយសារតែគោលនយោបាយដាក់ទណ្ឌកម្មរបស់ទីក្រុងវ៉ាស៊ីនតោន រួមជាមួយប្រទេសលោកខាងលិចប្រឆាំងនឹងរុស្ស៊ី ដែលជាប្រទេសផលិត និងនាំចេញថាមពលដ៏សំខាន់មួយរបស់ពិភពលោក ៕

ប្រែសម្រួល៖ នាង រតនៈ

ប្រភព៖ RT

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម