ព័ត៌មានជាតិ

ទីក្រុងចំនួន ១៥ មានជើងហោះហើរតភ្ជាប់មកអាកាសយានដ្ឋានអន្តរជាតិសៀមរាប

បានផុស

១ នាទី មុន

នៅ

ថ្ងៃអង្គារ ២៦ មីនា ២០២៤

ដោយ

អាកាសយានដ្ឋានអន្តរជាតិខេត្តសៀមរាបដែលទើបតែបើកដំណើរការចាយទុនវិនិយោគអស់ជាង ១ ពាន់លានដុល្លារ បានកំពុងទទួលជើងហោះហើរតភ្ជាប់ទៅកាន់ទីក្រុងចំនួន ១៥ ក្នុងប្រទេសគោលដៅចំនួន ៨ នៅអាស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីសម្របសម្រួលអាកាសយានដ្ឋានអន្តរជាតិសៀមរាបអង្គរបានឲ្យកម្ពុជាថ្មីដឹងថា ក្រោយបើកដំណើរការបច្ចុប្បន្នព្រលានយន្តហោះថ្មីសៀមរាប បានតភ្ជាប់ជើងហោះហើរទៅកាន់ទីក្រុងចំនួន ១៥ ក្នុងប្រទេសគោលដៅចំនួន ៨ ក្នុងតំបន់អាស៊ី។

លោក យឹម សានីរាន មន្រ្តីសម្របសម្រួលនៅអាកាសយានដ្ឋានសៀមរាបបានឲ្យដឹងថា ទីក្រុងចំនួន ១៥ ដែលមានជើងហោះហើរតភ្ជាប់មកព្រលានយន្តហោះសៀមរាបរួមមាន ទីក្រុងគុនមីង ប្រទេសចិន ទីក្រុងភ្នំពេញ និងក្រុងព្រះសីហនុ ប្រទេសកម្ពុជា ទីក្រុងប៉ាក់សេ និងហ្លួងព្រះបាង ប្រទេសឡាវ ទីក្រុងកូឡាឡាំពួរ ប្រទេសម៉ាឡេស៊ី ទីក្រុងបាងកក ប្រទេសថៃ ទីក្រុងសិង្ហបុរី ប្រទេសសិង្ហបុរី ទីក្រុងហូជីមីញ ហាណូយ និងដាណាង ប្រទេសវៀតណាម និង ទីក្រុងអីងជុន ដេគូ ប៊ូសាន និងម៉ូន ប្រទេសកូរ៉េខាងត្បូង។

បើតាមមន្រ្តីរូបនេះ លំហូរអ្នកធ្វើដំណើរឆ្លងកាត់ព្រលានយន្តហោះសៀមរាបបច្ចុប្បន្នមួយថ្ងៃមានជាង ៥ ០០០ នាក់ ខណៈចំនួនជើងហោះហើរទាំងទៅទាំងមកមានជាង ៥០ ជើង។

ព្រលានយន្តហោះខេត្តសៀមរាបបានបើកដំណើរការជាផ្លូវកាលពីខែតុលា ឆ្នាំ ២០២៣ ជាការវិនិយោគក្រោមរូបភាព BOT។ ចាយទុនវិនិយោគអស់ជាង ១៣០០ លានដុល្លារ ព្រលានយន្តហោះថ្មីនេះស្ថិតនៅស្រុកសូត្រនិគម ចម្ងាយជាង ៥០ គីឡូម៉ែត្រពីក្រុងសៀមរាប ត្រូវបានអភិវឌ្ឍជាព្រលានយន្តហោះខ្នាត 4E ដែលអាចទទួលជើងហោះហើរឆ្លងទ្វីបហោះហើរនិងចុះចតបាន៕