Connect with us

ព័ត៌មានជាតិ

ក្រុមហ៊ុន​អភិវឌ្ឍព្រលានសៀមរាប ប្រកាស​រៀបចំវេទិកាទាក់ទាញអ្នកវិនិយោគនៅក្នុងខេត្តសៀមរាប

បានផុស

នៅ

នៅក្នុង​ជំនួបសម្តែងការគួរសម និងពិភាក្សាការងារជាមួយ​រដ្ឋមន្ត្រីក្រសួងសាធារណការ និងដឹកជញ្ជូន ប្រធានក្រុមប្រឹក្សាភិបាលក្រុមហ៊ុនអភិវឌ្ឍ​ព្រលាន​ខេត្ត​សៀមរាប បាន​​បង្ហើប​ពី​គម្រោង​​រៀបចំ​វេទិកាទាក់ទាញអ្នកវិនិយោគងាកមកបណ្តាក់ទុននៅក្នុងខេត្តសៀមរាប។

ថ្លែងនៅក្នុងជំនួប​ពិភាក្សាជាមួយ​លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន លោក លូ វៃ ប្រធានក្រុមប្រឹក្សាភិបាលក្រុមហ៊ុនវិនិយោគអាកាសយានដ្ឋានអន្តរជាតិសៀមរាប-អង្គរ (Angkor International Airport Investment (Cambodia) បានស្នើសុំការគាំទ្រពីលោក​រដ្ឋមន្ត្រីក្រសួងសាធារណការ​និង​ដឹកជញ្ជូន​ក្នុងការ​លើកទឹកចិត្តដល់​វិនិយោគិនឯកជនដើម្បី​វិនិយោគ​អភិវឌ្ឍ​​ហេដ្ឋារចនាសម្ព័ន្ធពាក់ព័ន្ធជុំវិញអាកាសយានដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ចំពោះមុខ​លោក​រដ្ឋមន្រ្តី​ លោក លូ វៃ ក៏​បាន​លើក​​ពី​គម្រោង​រៀបចំវេទិកាទាក់ទាញអ្នកវិនិយោគឲ្យ​ងាកមកបណ្តាក់​ទុន​នៅក្នុងខេត្តសៀមរាបឱ្យបានកាន់តែច្រើនឡើង។ ជាមួយគ្នានេះនៅ​ក្នុង​ជំនួបពិភាក្សា ​ភាគី​ទាំងពីរ​ក៏​បានឯកភាព​ដើម្បី​ពិនិត្យលទ្ធភាព​រៀបចំដំណើរទស្សនកិច្ចទៅកាន់អាកាសយានដ្ឋានអន្តរជាតិសៀមរាប-អង្គរ នាពេលអនាគត។

អាកាសយានដ្ឋានអន្តរជាតិសៀមរាប-អង្គរ បានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (AIAI) ក្រោមទុនវិនិយោគប្រមាណ ១ ១០០ លានដុល្លារអាម៉េរិក អភិវឌ្ឍន៍​ជា​ព្រលាន​​​កម្រិត​លំដាប់ថ្នាក់ 4E ដែល​អាច​ឲ្យ​យន្តហោះធំៗគ្រប់ប្រភេទហោះឡើងនិងចុះចតបាន។

អាកាសយានដ្ឋានថ្មី​នេះមានទីតាំងស្ថិតនៅភូមិក្រៀលពង ឃុំពពេល និងភូមិប្រវ៉ាល ឃុំតាយ៉ែក ស្រុកសូទ្រនិគម ចម្ងាយពីប្រាសាទអង្គរវត្ត ៤០ គីទ្បូម៉ែត្រនិង ៥១ គីទ្បូម៉ែត្រពីក្រុងសៀមរាប។

ក្នុង​គម្រោង​អភិវឌ្ឍ ក្រុមហ៊ុន​បានត្រៀម​បម្រុង​ដីទំហំ ១ ០០០ ហិកតា អភិវឌ្ឍ​ជា​ទីក្រុងថ្មី​​ដែល​ហៅថាទីក្រុងអាកាសយានដ្ឋាន ដែលមានទាំងការ​កសាង​តំបន់សេដ្ឋកិច្ចពិសេស តំបន់ឧស្សាហកម្មរណបឱ្យអាកា​សយានដ្ឋាន រួមទាំងការអភិវឌ្ឍផ្លូវល្បឿន​លឿនតភ្ជាប់ត្រង់ពីទីរួមខេត្តសៀមរាបទៅកាន់អាកាសយានដ្ឋាន​ផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម