Connect with us

ព័ត៌មានជាតិ

សម្តេច ហេង សំរិន៖ ព្រលានយន្តហោះសៀមរាបអង្គរ ជាសមិទ្ធផលរំលេចពីទំនាក់ទំនងល្អកម្ពុជា-ចិន

បានផុស

នៅ

សម្តេចពញាចក្រី ហេង សំរិន ប្រធានកិត្តិយសក្រុមឧត្តមប្រឹក្សាផ្ទាល់ព្រះមហាក្សត្រ បានលើកឡើងអំឡុងពេលធ្វើទស្សនកិច្ចនៅព្រលានយន្តហោះអន្តរជាតិសៀមរាបអង្គរនាព្រឹកថ្ងៃទី១៥ ខែមករា ថា ព្រលានយន្តហោះសៀមរាបថ្មីនេះ គឺជាសមិទ្ធផលថ្មីមួយរបស់កម្ពុជា និងជាការបង្ហាញពីកិច្ចសហប្រតិបត្តិការល្អរវាង កម្ពុជា និងចិនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចបានមានប្រសាសន៍ថា៖ “ព្រលានថ្មីនេះ ជាសមិទ្ធផលរបស់កម្ពុជាមួយដែលបានរីកចម្រើនយ៉ាងខ្ពស់ ដើម្បីនាំមកនូវអ្នកទេសចរឱ្យបានច្រើននូវកិច្ចសហប្រតិបត្តិការរវាងប្រទេសយើងទាំង២ គឺកម្ពុជា និងចិន ដែលជារដ្ឋាភិបាលនៃប្រទេសទាំង២មានកិច្ចទំនាក់ទំនងសហប្រតិបត្តិការជាមួយគ្នា។ ឥលូវព្រលានយន្តហោះនេះ គឺសម្រាប់ទាក់ទាញភ្ញៀវទេចរមកឱ្យកាន់តែច្រើន”។ សម្តេចបានបញ្ជាក់បន្ថែមថា នេះ គឺជាមោទនភាពមួយសម្រាប់កម្ពុជា ដែលកម្ពុជាមានព្រលានយន្តហោះអន្តរជាតិខ្នាតធំ ដែលទាក់ទាញភ្ញៀវទេសចរបានច្រើន។

សម្តេចយល់ថា ព្រលានយន្តហោះថ្មីនេះ គឺយន្តហោះធំៗអាចចុះចតបាន និងដឹកជញ្ជូនភ្ញៀវទេសចរបានរាប់លាននាក់ មានការអភិវឌ្ឍច្រើនជាងព្រលានយន្តហោះចាស់ដែលមិនសូវមានការអភិវឌ្ឍ ហើយក៏មិនសូវមានយន្តហោះធំៗចុះចតច្រើនដែរ។ សម្តេច ហេង សំរិន ក៏បានណែនាំថា ដើម្បីអាចទាក់ទាញភ្ញៀវទេចរបានកាន់តែច្រើន គឺត្រូវមានការអនុវត្តតាមកិច្ចសន្យានៃគម្រោង និងច្បាប់នៅកម្ពុជាផង។

សូមជម្រាបថា អាកាសយានដ្ឋានអន្តរជាតិសៀមរាបអង្គរ ស្ថិតនៅឃុំតាយ៉ែក ស្រុកសូទ្រនិគម មានចម្ងាយប្រមាណជាង ៥១គីឡូម៉ែត្រពីក្រុងសៀមរាប និងប្រហែល ៤០គីឡូម៉ែត្រពីប្រសាទអង្គរវត្ត។ អាកាសយានដ្ឋាននេះ ត្រូវបានបើកសម្ពោធឱ្យប្រើប្រាស់ជាផ្លូវការដោយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា កាលពីថ្ងៃទី ១៦ ខែវិច្ឆិកា ឆ្នាំ២០២៣ កន្លងទៅ។ អាកាសយានដ្ឋានអន្តរជាតិសៀមរាបអង្គរ មានលំដាប់ថ្នាក់នៃការហោះហើរប្រភេទ4E ដែលអាចផ្តល់លទ្ធភាពឱ្យយន្តហោះធុនធំ Boeing747 និង Airbus A340 ធ្វើការចុះចតបាន ដោយនឹងអាចមានលទ្ធភាពទទួលអ្នកដំណើរចំនួន ៧លាននាក់ក្នុងមួយឆ្នាំសម្រាប់ផែនការរយៈពេលខ្លី និង២០លាននាក់ក្នុងមួយឆ្នាំសម្រាប់ផែនការរយៈពេលវែង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៩ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម