Connect with us

ព័ត៌មានជាតិ

អាកាសចរណ៍ស៊ីវិល៖ ការចុះផ្សាយរិះគន់ព្រលានសៀមរាបថ្មី​ជាចេតនាវាយប្រហារ​បំផ្លាញកេរ្តិ៍ឈ្មោះ

បានផុស

នៅ

រដ្ឋលេខាធិការដ្ឋានអាកាសចរណ៍ស៊ីវិល (រ.ល.អ.ស) បានធ្វើការបកស្រាយបំភ្លឺអំពីករណីទំព័រហ្វេសប៊ុក និងគណនី​ហ្វេសប៊ុកមួយចំនួន ដែលបានចុះផ្សាយព័ត៌មានញុះញង់ដោយយកការសរសេររិះគន់ ឬការបញ្ចេញ​មតិរបស់ភ្ញៀវ​ទេសចរ អំពីអាកាសយានដ្ឋានអន្តរជាតិសៀមរាប(ចាស់)  មកបង្ហោះភ្ជាប់ជាមួយនឹងខ្លឹមសារដូច្នេះថា «ភ្ញៀវទេស​ចរ អន្តរជាតិរិះគន់យ៉ាងចាស់ដៃទៅលើ​អាកាសយានដ្ឋានអន្តរជាតិសៀមរាបអង្គរ (ដែលជាអាកាសយានដ្ឋានអន្តរជាតិថ្មី)» ដែលធ្វើឱ្យប៉ះពាល់យ៉ាងខ្លាំងដល់ការគ្រប់គ្រង និងប្រតិបត្តិការរបស់អាកាសយានដ្ឋានអន្តរជាតិសៀមរាបអង្គរ(ថ្មី)ដែលតែងតែយកអតិថិជនជាធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ីន ចាន់សេរីវុត្ថា អ្នកនាំពាក្យអាកាសចរណ៍ស៊ីវិល បានលើកឡើងថា ការសរសេររិះគន់អំពីការគ្រប់គ្រង​អាកាសយានដ្ឋានអន្តរជាតិសៀមរាបអង្គរ​(ថ្មី) ដោយលើកយកការបញ្ចេញមតិ ដែលមានកាលបរិច្ឆេទតាំង​ពី៣ទៅ​៩ខែមុនមកម្លេះ ជាព័ត៌មានបំភ្លៃការពិតទាំងស្រុង ពីព្រោះអាកាសយានដ្ឋានអន្តរជាតិសៀមរាបអង្គរ(ថ្មី) ទើបតែ​សាងសង់រួច និងសម្ពោធដាក់ឱ្យប្រើប្រាស់ជាផ្លូការកាលពីថ្ងៃទី១៦ ខែវិច្ឆិកា ឆ្នាំ២០២៣ តែប៉ុណ្ណោះ​(ដែលមាន​រយៈពេលមិនដល់២ខែផង)។

លើសពីនេះទៀតលោកថា ការសរសេររិះគន់អំពីបុគ្គលិកអាកាសយានដ្ឋានសុំលុយធិបពីភ្ញៀវទេសចរ ជាការចោទប្រកាន់ដែលគ្មានមូលដ្ឋាន។ ទោះយ៉ាងណាក៏ដោយ ក្នុងនាមជាស្ថាប័ន ក៏ដូចជាអាជ្ញាធរពាក់ព័ន្ធ យើងបានសហការជាមួយក្រុមហ៊ុនប្រតិបត្តិករអាកាសយានដ្ឋាន ដើម្បីណែនាំផ្សព្វផ្សាយនិងក្រើនរំលឹក​បន្ថែមដល់បុគ្គលិករបស់អាកាសយានដ្ឋានទាំងអស់ឱ្យគោរពប្រកាន់ខ្ជាប់នូវក្រមសីលធម៌ វិន័យ វិជ្ជាជីវៈ និងគោលការរណ៍ស្តង់ដារប្រតិបត្តិឱ្យបានខ្ជាប់ខ្ជួនក្នុងការផ្តល់​សេវាដល់អតិថិជនឱ្យកាន់​តែល្អប្រសើរដូច​ប្រទេសជឿនលឿនផងដែរ។

បើតាមលោក ស៊ីន ចាន់សេរីវុត្ថា ចំពោះការរិះគន់ ឬការបញ្ចេញមតិ ក្នុងការផ្តល់ពិន្ទុ និងវាយតម្លៃថា អាកាស​យានដ្ឋានអន្តរជាតិសៀមរាបអង្គរនេះមានកម្រិតផ្កាយប៉ុន្មាននោះ គឺមិនអាស្រ័យទៅលើអារម្មណ៍ និងការ​សន្និដ្ឋាន​ដោយគ្មានមូលដ្ឋានរបស់បុគ្គលទាំងនោះឡើយ។ ដោយសារ ស្កាយត្រាក (Skytrax) គឺជាស្ថាប័នអន្តរជាតិ ធ្វើការវាយតម្លៃការដឹកជញ្ជូនតាមផ្លូវអាកាសឈានមុខគេ ដែលធ្វើការស្រាវជ្រាវ និងវាយតម្លៃក្រុមហ៊ុនអាកាសចរណ៍ និងអាកាសយានដ្ឋាន ដោយផ្អែកលើគុណភាពនៃសេវាកម្ម និងកិច្ចដំណើរការរបស់អាកាសយានដ្ឋានទាំងនោះ។ ស្កាយត្រាក(Skytrax) មានប្រព័ន្ធវាយតម្លៃកម្រិតផ្កាយ ដោយផ្កាយ៥គឺជាចំណាត់ថ្នាក់ខ្ពស់បំផុត​ដែលអាកាស​យានដ្ឋានអាចទទួលបាន។ ប្រព័ន្ធវាយតម្លៃគឺផ្អែកលើកត្តាជាច្រើន រួមទាំងឋបនីយភ័ណអាកាសយានដ្ឋាន អនាម័យ សេវាកម្មបុគ្គលិក និងបទពិសោធន៍របស់អ្នកដំណើរ។

ដោយឡែការសរសេររិះគន់អំពីក្រដាសប្រាក់ដុល្លារ ដែលយកទៅចាយមិនដាច់ ​(អាចជាក្រដាសប្រាក់ចាស់ ឬមានស្នាមប្រឡាក់ រហែក )  បន្ទាប់ពីទទួលលុយអាប់ក្រោយពីបង់ថ្លៃតាក់ស៊ី ករណីនេះគឺមិនមានការពាក់ព័ន្ធ ឬស្ថិតនៅក្នុងយុត្តាធិការរបស់អាកាសយានដ្ឋានអន្តរជាតិសៀមរាបអង្គរឡើយ។ នេះជាការបន្ថែមរបស់​អ្នកនាំ​ពាក្យអាកាសចរណ៍ស៊ីវិល។

ជាមួយគ្នានេះ ការសរសេររិះគន់អំពីមន្ត្រីអន្តោប្រវេសន៍អាកាសយានដ្ឋាន ពាក់ព័ន្ធទៅនឹងអំពើពុករលួយ គឺជាព័ត៌មាន​ដែលគ្មានប្រភពច្បាស់លាស់ ហើយអគ្គនាយកដ្ឋានអន្តោប្រវេសន៍ក៏បានចេញសេចក្តីបំភ្លឺព័ត៌មាននេះរួចហើយដែរ កាល​ពីថ្ងៃទី០៩​ ខែមករា ឆ្នាំ២០២៤ ។

អ្នកនាំពាក្យអាកាសចរណ៍ស៊ីវិល បានសង្កត់ធ្ងន់ថា ការលើកយកសារបញ្ចេញមតិ​របស់ភ្ញៀវទេសចរ ប៉ុន្មាននាក់តាម​បណ្តាញសង្គមដែលបានកើតឡើងតាំងពីមុនពេលបើកដំណើរការអាកាសយានដ្ឋានអន្តរជាតិសៀមរាបអង្គរ មកចុះ​ផ្សាយដើម្បីវាយប្រហារលើអាកាសយានដ្ឋានថ្មីនេះ គឺជាចេតនាទុច្ចរិតដ៏អាក្រក់ដើម្បីបំផ្លាញ​កេរ្តិ៍ឈ្មោះ និងបំផ្លាញ​កិច្ចខិតខំប្រឹងប្រែងបម្រើអតិថិជន(អតិថិជនជាធំ) របស់អាកាសយានដ្ឋានតែប៉ុណ្ណោះ។

រដ្ឋលេខាធិការដ្ឋានអាកាសចរណ៍ស៊ីវិល អះអាងថា បាននិងកំពុងខិតខំប្រឹងប្រែងក្នុង​ការសហការជាមួយស្ថាប័ន​ជំនាញពាក់ព័ន្ធ ដើម្បីពង្រឹងនិងធ្វើឱ្យប្រសើរឡើងដល់ការផ្តល់សេវាដល់អ្នកដំណើរ ភ្ញៀវទេសចរក៏ដូចជា​អតិថិជន​ទាំងអស់ ដែលប្រើប្រាស់សេវាអាកាសយានដ្ឋានអន្តរជាតិសៀមរាបអង្គរ ក៏ដូចជាអាកាសយានដ្ឋានផ្សេងទៀត ស្របតាមគោលនយោបាយរបស់រាជរដ្ឋាភិបាល ដែលបានខិតខំប្រឹងប្រែងក្នុងការអភិវឌ្ឍន៍ហេដ្ឋារចនាសម្ព័ន្ធនានា ក្នុងគោលបំណងទាក់ទាញភ្ញៀវទេសចរ បង្កើតការងារជូនប្រជាពលរដ្ឋទាំងបរិមាណ និងគុណភាព ក៏ដូចជាទាក់​ទាញវិនិយោគិន សំដៅជំរុញកំណើនសេដ្ឋកិច្ចជាតិ និងការអភិវឌ្ឍលើកស្ទួយវិស័យទេសចរណ៍ វិស័យអាកាសចរណ៍ ដើម្បីបម្រើផលប្រយោជន៍ប្រទេសជាតិ និងប្រជាពលរដ្ឋ។

សូមបញ្ជាក់ថា បន្ទាប់ពីការដាក់សម្ពោធឱ្យប្រើប្រាស់ជាផ្លូវការអាកាសយានដ្ឋានអន្តរជាតិសៀមរាបអង្គរ អាកាសយានដ្ឋាននេះ បានបង្ហាញសមត្ថភាព និងលទ្ធភាពរបស់ខ្លួនក្នុងការជំរុញកំណើនភ្ញៀវទេសចរ ចេញ-ចូលខេត្តសៀមរាបមានការកើនឡើងគួរជាទីកត់សម្គាល់។ ហេដ្ឋារចនាសម្ព័ន្ធថ្មីនេះមានការ​មមាញឹកក្នុងការទទួលជើងហោះហើរទាំងក្នុងស្រុក និងអន្តរជាតិ ក៏ដូចគ្នាទៅនឹង​ប្រតិបត្តិការដឹកជញ្ជូន​ទំនិញតាមផ្លូវអាកាសផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ វិនាទី មុន

រដ្ឋបាលរាជធានី រៀបចំរថយន្ដ៥គ្រឿងសម្រាប់ដឹកជញ្ជូនកម្មករកម្មការិនីរោងចក្រ Y & W ដើម្បីងាយស្រួលក្នុងការមកបើកប្រាក់ឈ្នួល

ជីវិតកម្សាន្ដ១១ នាទី មុន

ចាប់ខ្លួនមន្ត្រីជាន់ខ្ពស់មួយរូប ក្រោមការសង្ស័យលេចធ្លាយព័ត៌មានស៊ើបអង្កេតសព Lee Sun Kyun

ព័ត៌មានអន្ដរជាតិ១១ នាទី មុន

ឡាវ ត្រៀមដំឡើងអាករលើតម្លៃបន្ថែមដល់ ១០ ភាគរយ

ព័ត៌មានជាតិ២៦ នាទី មុន

អង្គការ​អន្តរ​ជាតិ​ហ្វ្រង់កូហ្វូនី ចង់ពង្រឹងពង្រីកកិច្ចសហប្រតិបត្តិការជាមួយ កម្ពុជា

ព័ត៌មានអន្ដរជាតិ៥៥ នាទី មុន

ការផ្គត់ផ្គង់ស្ករលើពិភពលោកនឹងឡើងលើសតម្រូវការ ដោយសារកំណើន​ផលិតនៅ ថៃ និងឥណ្ឌា

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម