ព័ត៌មានជាតិ
លោក ប៊ុន រដ្ឋា អះអាងថា នឹងខំប្រឹងប្រែងលុបបំបាត់ភាពអវិជ្ជមាន នៅព្រលានយន្តហោះសៀមរាបអង្គរ
លោក ប៊ុន រដ្ឋា នាយកអាកាសយានដ្ឋានអន្តរជាតិសៀមរាបអង្គរ នៅក្នុងកិច្ចសម្ភាសជាមួយ «កម្ពុជាថ្មី» បានអះអាងថា នឹងខិតខំប្រឹងប្រែងលុបបំបាត់នូវអ្វីដែលជាភាពអវិជ្ជមាន និងសន្យាមិនឱ្យកើតមានបញ្ហានៅព្រលានយន្តហោះសៀមរាបអង្គរថ្មី។
នាយកអាកាសយានដ្ឋានអន្តរជាតិសៀមរាបអង្គរ លោក ប៊ុន រដ្ឋា បានអះអាងបែបនេះ បន្ទាប់ពីពេលថ្មីៗកន្លងទៅ មានការិរះគន់ចំពោះព្រលានយន្តហោះសៀមរាបអង្គរ(ថ្មី) ពាក់ព័ន្ធទៅនឹងសេវាកម្មផ្សេងៗនៅក្នុងព្រលាន។ លោកថា ដើម្បីឆ្លើយតបទៅនឹងការផ្តល់សេវាកម្មរួម នៅក្នុងអាកាសយានដ្ឋានអន្តរជាតិសៀមរាបអង្គរ លោកតែងតែធ្វើការប្រជុំប្រចាំខែ ដើម្បីរកនីតិវិធីរួមក្នុងការដោះស្រាយបញ្ហាដែលកើតមានឡើង។ លើសពីនេះ លោកថា នឹងខិតខំប្រឹងប្រែងបន្ថែមទៀត ដើម្បីលុបបំបាត់នូវអ្វីដែលជាភាពអវិជ្ជមានរបស់ព្រលានយន្តហោះ។
លោកបន្ថែមថា សម្រាប់ក្រុមហ៊ុនផ្ទាល់ក៏មិនចង់ឱ្យកើតមានបញ្ហា និងការលើកឡើងពីភាពអវិជ្ជមានផ្សេងៗរបស់អាកាសយានដ្ឋាននោះដែរ ព្រោះបើមានការលើកឡើងពីបញ្ហាជាច្រើនដែលកើតមាននៅក្នុងអាកាសយានដ្ឋានអន្តរជាតិសៀមរាបអង្គរ គឺអាចនឹងធ្វើឱ្យបាត់បង់ភ្ញៀវទេសចរ ខាតបង់ចំណូល ជាពិសេស ធ្វើឱ្យខូចមុខមាត់របស់ប្រទេសជាតិ។ ហេតុនេះ លោក ប៊ុន រដ្ឋា ក៏បានសន្យាថា នឹងខិតខំប្រឹងប្រែង ធ្វើយ៉ាងណាកុំឱ្យកើតមានបញ្ហាតទៅទៀត។
ជាមួយគ្នានេះ នាយកអាកាសយានដ្ឋានអន្តរជាតិសៀមរាបអង្គរដដែល បានបញ្ជាក់ថា បច្ចុប្បន្ននេះ ជារៀងរាល់ថ្ងៃព្រលានយន្តហោះសៀមរាបអង្គរ ទទួលភ្ញៀវពី ៤ពាន់ ទៅជាង ៥ពាន់នាក់ក្នុងមួយថ្ងៃ ដែលមានយន្តហោះចន្លោះពី ២០ ទៅ ២៥គ្រឿង។ ទន្ទឹងនោះ ជើងហោះហើរមកពីក្រៅប្រទេសមានការកើនឡើង និងច្រើនជាងជើងហោះហើរក្នុងស្រុក ដែលមានត្រឹមតែ ២ ទៅ ៣ជើងប៉ុណ្ណោះ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ