ព័ត៌មានអន្ដរជាតិ

ថៃអនុម័តគម្រោងវិនិយោគជិត ៧០០ លានដុល្លារ របស់ក្រុមហ៊ុនផលិតអង្គផ្ទុកទិន្នន័យ Western Digital

បានផុស

២ years មុន

នៅ

ថ្ងៃចន្ទ ២៦ សីហា ២០២៤

ដោយ

ក្រុមប្រឹក្សាវិនិយោគថៃ (BOI) បានឱ្យដឹងនៅថ្ងៃចន្ទនេះថា ថៃបានអនុម័តលើគម្រោងវិនិយោគរបស់ក្រុមហ៊ុនWestern Digital ដែលមានទំហំទឹកប្រាក់ប្រមាណ ២៣,៥ ប៊ីលានបាត (៦៩៣ លានដុល្លារ) ដើម្បីពង្រីកការផលិតអង្គផ្ទុកទិន្នន័យ (Hard Disk) នៅក្នុងប្រទេសថៃ ខណៈតម្រូវការបច្ចេកវិទ្យាពពក និងមជ្ឈមណ្ឌលទិន្នន័យកើនឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ BOI បាននិយាយថា ការវិនិយោគនេះនឹងជំរុញសេដ្ឋកិច្ចថៃដោយបន្ថែមការនាំចេញដែលមានតម្លៃ ២០០ ប៊ីលានបាតក្នុង១ឆ្នាំ និងបង្កើតការងារចំនួន ១០ ០០០ កន្លែងបន្ថែមទៀត។

BOI បន្តថា បច្ចុប្បន្ន រោងចក្រនៅថៃរបស់ក្រុមហ៊ុន Western Digital មានបុគ្គលិកចំនួន ២៨ ០០០ នាក់ ខណៈថៃរួមចំណែក ៨០ ភាគរយនៃការផលិតអង្គផ្ទុកទិន្នន័យទូទាំងពិភពលោក។

ក្នុងរយៈពេល១ទសវត្សរ៍នេះ ប្រទេសថៃបានអនុម័តការវិនិយោគចំនួន ៨២,៦ ប៊ីលានលើឧស្សាហកម្មអង្គផ្ទុកទិន្នន័យ។ កាលពីឆ្នាំមុន ក្រុមហ៊ុន Seagate ដែលជាគូប្រជែងរបស់ Western Digital បានពង្រីកផលិតកម្មរបស់ខ្លួនដោយបន្ថែមការវិនិយោគប្រមាណ ១៦ ប៊ីលានបាត៕