ឧត្តមសេនីយ៍ឯក រ័ត្ន ស្រ៊ាង ថ្លែងអំណរគុណចំពោះសប្បុរសជនដែលបានផ្ដល់អំណោយក្នុងពេលLockdowns

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានថ្លែងនូវអំណរគុណចំពោះសប្បុរសជនដែលបានផ្ដល់អំណោយដែលបាននាំអំណោយប្រគល់ជូនអាវុធហត្ថរាជធានីភ្នំពេញ ដើម្បីប្រើប្រាស់ជាប្រយោជន៍ពេលLockdown ក្នុងយុទ្ធនាការ បង្ការ ការពារ ទប់ស្កាត់ ការរីករាលដាលជំងឺកូវីដ-១៩ដែលបានឆក់យកអាយុជីវិតពលរដ្ឋខ្មែរជាង៨០នាក់និងឆ្លងជាងមួយមុឺននាក់ហើយគិតត្រឹមថ្ងៃទី២៧មេសាឆ្នាំ២០២១។

ក្នុងការទទួលអំណោយមនុស្សធម៏នោះលោកឧត្តមសេនីយ៍ឯក រ័ត្ន ស្រ៊ាងបាន ចាត់តំណាងទទួល អង្ករចំនួន១០០បាវ ស្មើនឹង ៥តោន ដែលបានការឧបត្ថម្ថពី លោកឧកញ៉ា យុន ប៊ុនលី និងលោកជំទាវ ហៀវ លន់ ជាសមាជិក និងសមាជិកា គាំទ្រសមាគមកាយឫទ្ធិនារីកម្ពុជា នាថ្ងៃនេះតាមរយៈ លោកជំទាវ ស៊ិន សិរី ទីប្រឹក្សារាជរដ្ឋាភិបាល និងជាប្រធានសមាគមកាយឫទ្ធិនារីកម្ពុជា ប្រគល់ជូន អាវុធហត្ថរាជធានីភ្នំពេញ ដើម្បីប្រើប្រាស់ជាប្រយោជន៍ ក្នុងយុទ្ធនាការ បង្ការ ទប់ស្កាត់ ការរីករាលដាលជំងឺកូវីដ-១៩។

ក្នុងឱកាសនោះ លោកវរសេនីយ៍ទោ ផៃ វ៉ាន់នាយការិយាល័យភស្តុភារ តំណាងលោកឧត្តមសេនីយ៍ឯក រ័ត្ន ស្រ៊ាង បានថ្លែងអំណរគុណយ៉ាងជ្រាលជ្រៅ ចំពោះសប្បុរសជនខាងលើ ដែលបានឧបត្ថម្ភ អង្ករ ដល់អាវុធហត្ថរាជធានីភ្នំពេញនាពេលនេះគឺជាការចូលរួមចំណែកជាមួយរាជរដ្ឋាភិបាលនិងកម្លាំងអាវុធហត្ថក្នុងការរួមគ្នាប្រយុទ្ធប្រឆាំង ការពារ ទប់ស្កាត់ ការរីករាលដាលជំងឺកូវីដ-១៩ ដ៍កាចសាហាវនេះតែម្ដង៕

អត្ថបទ ៖ វិមាន