កូវីដ-១៩

មន្ទីរពេទ្យចំនួន៥ ត្រូវបានរៀបចំឡើងដោយក្រុមគ្រូពេទ្យស្ម័គ្រចិត្ត TYDA ដើម្បីព្យាបាលអ្នកជំងឺកូវីដ-១៩

បានផុស

៥ years មុន

នៅ

ថ្ងៃសៅរ៍ ៨ ឧសភា ២០២១

ដោយ

លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានឲ្យដឹងនៅព្រឹកនេះថ្ងៃទី០៨ ខែឧសភា នេះថា នៅក្នុងដំណាក់កាលនៃរីករាលជំងឺកូវីដ-១៩ នៅក្នុងព្រឹត្តិការណ៍២០កុម្ភៈ នេះ មន្ទីរពេទ្យចំនួន៥ ត្រូវបានរៀបចំដោយក្រុមគ្រូពេទ្យស្ម័គ្រចិត្តសម្តេចតេជោ(TYDA)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកស្រី ពេជ ចន្ទមុន្នី មន្ទីរពេទ្យទាំង៥នោះរួមមាន ទី១. Great Duke ទី២. មន្ទីរពេទ្យហ្លួងម៉ែ ទី៣មណ្ឌលព្យាបាលកូវីដ១៩ កម្រិតស្រាលកោះពេជ្រទី១ ទី៤. មណ្ឌលព្យាបាលកូវីត១៩ កម្រិតស្រាលកោះពេជ្រទី២ ទី៥. មណ្ឌលព្យាបាលកូវីដ១៩ កម្រិតស្រាលទួលពង្រ។

លោកស្រី ពេជ ចន្ទមុន្នី បញ្ជាក់ថា មន្ទីរពេទ្យទាំង៥នេះបានរៀបចំដោយហ្មត់ចត់ ហើយអ្នកជំងឺដែលកំពុងតែព្យាបាលនៅក្នុងពេទ្យទាំង៥នេះ ត្រូវបានទទួលការព្យាបាលនិងថែទាំយ៉ាងយកចិត្តទុកដាក់ពីសំណាក់ក្រុមគ្រូពេទ្យសម្តេចតេជោប្រឆាំងកូវីដ១៩។ មកដល់ថ្ងៃនេះ ចំនួនអ្នកជំងឺដែលបានចូលព្យាបាលក្នុងមន្ទីរពេទ្យទាំង៥នេះ មានចំនួនសរុប៥៦២៨នាក់ និងអ្នកជំងឺដែលបានជាសះស្បើយសរុបចំនួន២៣១០នាក់។

លោកស្រី ពេជ ចន្ទមុន្នី បានថ្លែងអំណរគុណដល់ក្រុមគ្រូពេទ្យ TYDA ជួរមុខ, ក្រុមសេវាជួរមុខនិងកងកម្លាំងប្រដាប់អាវុធទាំងអស់ ដែលបានជួយសហការណ៍គ្នា ថែទាំអ្នកជំងឺដោយមិនគិតពីភាពនឿយហត់៕

អត្ថបទ ៖ កោះកែវ