កូវីដ-១៩

អាជ្ញាធរស្រុកអន្លង់វែង ចុះបិទផ្ទះសំណាក់ «សោភា» ពាក់ព័ន្ធករណីជំងឺកូវីដ-១៩

បានផុស

៥ years មុន

នៅ

ថ្ងៃអាទិត្យ ១៦ ឧសភា ២០២១

ដោយ

កាលពីយប់ថ្ងៃទី១៥ ខែឧសភា ឆ្នាំ២០២១ បន្ទាប់ពីមន្ត្រីសុខាភិបាលខេត្តប៉ៃលិន បានរកឃើញអ្នកវិជ្ជមានកូវី-១៩ចំនួន០១នាក់ ឈ្មោះ គេង រ៉ាវី ភេទប្រុស មុខរបរអ្នកលក់សំបកកង់រថយន្ត ក្រុមហ៊ុន wing force ធ្លាប់បានធ្វើដំណើរពីខេត្តសៀមរាប កាលពីថ្ងៃទី១២ ខែឧសភា ឆ្នាំ២០២១ មកកាន់ខេត្ត ព្រះវិហារ និងបានស្នាក់នៅផ្ទះសំណាក់ «ម៉ាលីម៉ា» ក្រុងព្រះវិហារ និងចូលពិសារអាហារពេលល្ងាច និងព្រឹក នៅតុបាយ១កន្លែងទល់មុខសាលាក្រុងព្រះវិហារ ព្រមទាំងបានចេញ ពីខេត្តព្រះវិហារ ឆ្ពោះទៅកាន់ស្រុកអន្លង់វែង ខេត្តឧត្តរមានជ័យ ស្នាក់នៅផ្ទះសំណាក់ «សោភា» នៅក្នុងស្រុកអន្លង់វែង និងបន្តទៅកាន់ខេត្តប៉ៃលិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខេត្ត បានដាក់ចេញនូវវិធានការចំពោះអ្នកប៉ះពាល់ផ្ទាល់ ឬប្រយោលបានយកសំណាករហ័ស និងយកទៅធ្វើចត្តាឡីស័កក្នុងមណ្ឌលចតា្តឡីស័ក ស្រុកអន្លង់វែង។

រដ្ឋបាលខេត្តសូមអំពាវនាវដល់បងប្អូន ដែលមានប្រវត្តិស្នាក់នៅ និងពិសារអាហារនៅផ្ទះសំណាក់ខាងលើ មេត្តាអញ្ជើញមកយកសំណាក និងធ្វើចត្តាឡីស័ក នៅតាមមណ្ឌលចត្តាឡីស័ក នៅជិតលោកអ្នក ។

រដ្ឋបាលស្រុក ខេត្ត សូមអំពាវនាវដល់បងប្អូនប្រជាពលរដ្ឋទាំងអស់ ឲ្យបន្តអនុវត្តតាមការណែនាំរបស់រាជរដ្ឋាភិបាល វិធានការរបស់ក្រសួងសុខាភិបាលនិងសេចក្តីណែនាំរបស់ខេត្តឲ្យបានម៉ឺងម៉ាត់និងត្រូវប្រកាន់ខ្ជាប់នូវ ការរក្សាគម្លាត រក្សាអនាម័យ លាងដៃឲ្យបានជាប្រចាំ៕

អត្ថបទ ៖ ចាន់ ធី