កូវីដ-១៩

ខេត្តស្វាយរៀងរកឃើញអ្នកឆ្លងកូវីដ-១៩កើនឡើងជិត៤០០នាក់និងស្លាប់៥នាក់

បានផុស

៥ years មុន

នៅ

ថ្ងៃអាទិត្យ ១៦ ឧសភា ២០២១

ដោយ

លោកបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅរសៀលថ្ងៃទី១៦ខែឧសភានេះថា គិតត្រឹមព្រឹកថ្ងៃទី១៦ ខែឧសភានេះ ខេត្តស្វាយរៀងបានយកសំណាកវិភាគនៅក្នុងព្រឹត្តិការណ៍សហគមន៍២០កុម្ភៈចំនួនជិត៧ពាន់នាក់ ស្រីជាង២៥០០នាក់ ទៅធ្វើវិភាគរកជំងឺកូវីដ ១៩ ក្នុងនោះរកឃើញអ្នកឆ្លងប្រមាណជិត៤០០នាក់ និងអ្នកស្លាប់ចំនួន៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត បានបន្តថា ក្នុងចំណោមសំណាកជិត៧ពាន់នោះ ក្នុងនោះយកលើកទី១ចំនួនសរុប៤៩០០នាក់ ស្រី១៧៤៩នាក់។ យកសំណាកលើកទី២សរុបចំនួន១៩៧១នាក់ ស្រី៧៤១នាក់។ យកសំណាកលើកទី៣សរុបចំនួន៤៦នាក់ ស្រី២៥នាក់ និងយកសំណាកតាមដានអ្នកជំងឺសម្រាកពេទ្យបានចំនួន៥នាក់ ស្រី៣៣នាក់។

លោកបណ្ឌិតបានបន្តទៀតថា ក្នុងសំណាកជិត៧ពាន់នាក់នោះ រកឃើញអ្នកវិជ្ជមានកូវីដ១៩ចំនួន ៣៩៤នាក់ ស្រី១៦១នាក់ ក្នុងនោះជនជាតិខ្មែរចំនួន៣៥៦នាក់ និងជនបរទេសចំនួន៣៨នាក់ និង អ្នកជំងឺកំពុងសម្រាកព្យាបាលចំនួន៧៩នាក់ស្រី៣៥នាក់និងអ្នកជំងឺជាសះស្បើយសរុប៣០៩នាក់ ស្រី១២៤នាក់និងអ្នកជំងឺស្លាប់ចំនួន៥នាក់នាក់។

លោកបណ្ឌិត កែរ រដ្ឋា បាបបន្ថែមថា បច្ចុប្បន្ននេះខេត្តស្វាយរៀងមានកន្លែងព្យាបាលជំងឺកូវីដ១៩ចំនួន៣កន្លែង ទី១.នៅមន្ទីរពេទ្យបង្អែកស្វាយជ្រំ ទី២.មន្ទីរពេទ្យបង្អែកសាមគ្គីរំដួល និងទី៣.មណ្ឌលព្យាបាលជំងឺកូវីដ១៩ក្រុងបាវិត។

គួរបញ្ជាក់ថា គិតត្រឹមព្រឹកថ្ងៃទី១៦ ខែឧសភា ឆ្នាំ២០២១ នេះកម្ពុជាមានអ្នកឆ្លងជំងឺកូវីដ១៩សរុបចំនួន២២១៨៤នាក់ អ្នកជាសះស្បើយចំនួន១២១២០នាក់ និងអ្នកស្លាប់ចំនួន១៥០នាក់៕

អត្ថបទ ៖ សំអឿន