កូវីដ-១៩
អង់គ្លេសចាប់មានសេរីភាពថ្ងៃនេះ ទាំងក្តីបារម្ភវីរុសបំប្លែងខ្លួនឥណ្ឌាមិនទាន់ស្បើយ
ជីវិតនៅចក្រភពអង់គ្លេសចាប់ផ្តើមមានសេរីភាព និងប្រក្រតីវិញចាប់ពីថ្ងៃចន្ទ ទី១៧ ខែឧសភានេះ បន្ទាប់ពីបំរាមកូវីដ-១៩ត្រូវបានដកឈានដល់ដំណាក់កាលទី៣ ពោលគឺស្ទើរតែទាំងស្រុងហើយ ដូច្នេះពលរដ្ឋអាចជួបជុំគ្នា ដើរកម្សាន្តទាំងយប់ថ្ងៃ ទៅមើលព្រឹត្តិការណ៍កីឡា ចូលហាង ក្លឹបកម្សាន្ត បារ ភោជនីយដ្ឋាន មង្គលការជាដើម។
គិតត្រឹមថ្ងៃចន្ទនេះទៅ មនុស្សចាប់ពី៦នាក់ ឬពីរគ្រួសារត្រូវបានអនុញ្ញាតឲ្យជួបជុំគ្នានៅតាមផ្ទះជាលើកដំបូងនៅក្នុងរយៈពេលប៉ុន្មានខែចុងក្រោយនេះ ហើយការដើរកម្សាន្តពេលយប់ក៏ត្រូវបានអនុញ្ញាតដែរ។
ការដកបំរាមនេះបានធ្វើឡើងចំពេលដែលមានក្តីកង្វល់នៃចំនួនករណីវីរុសកូវីដ-១៩បំប្លែងខ្លួនថ្មីមកពីឥណ្ឌាកំពុងកើនឡើងនៅចក្រភពអង់គ្លេស ខណៈរដ្ឋាភិបាលបានទទួចថា ខ្លួនមិនបានយកអ្វីចេញពីតុក្នុងការប្រយុទ្ធប្រឆាំងនឹងវីរុសបំប្លែងខ្លួនឥណ្ឌានេះទេ។
ចំណែកការជួបជុំគ្នានៅខាងក្រៅត្រូវបានអនុញ្ញាតឲ្យមានមនុស្សកើនឡើងរហូតដល់៣០នាក់ដែលនេះជាការបន្ធូរបន្ថយខ្លាំងបំផុត ហើយប្រជាជនក៏អាចហោះហើរទៅកាន់បណ្តាប្រទេសដែលស្ថិតនៅក្នុងបញ្ជីពណ៌បៃតងដែរ។
អ្នកដើរកម្សាន្តមួយពិតជាសប្បាយរីករាយចំពោះគោលការណ៍បន្ធូរបន្ថយដែលពួកគេអាចទៅកន្លែងដែលពួកគេចូលចិត្តដូចក្លឹបកម្សាន្ត និងបារ នាពេលយប់ជ្រៅដែលនេះជាសេរីភាពថ្មីរបស់ពួកគេ។
ប្រការនេះត្រូវបានគេមើលឃើញពីភាពធូរស្បើយសម្រាប់វិស័យកម្សាន្ត ខណៈរោងភាពយន្ត និងទស្សនីយភាពសិល្បៈត្រូវបានបើក ប្រសិនបើមនុស្សពាក់ម៉ាស់ ហើយសណ្ឋាគារ និងផ្ទះសំណាក់ជាដើមដែលមិនមានកន្លែងផ្គត់ផ្គង់ម្ហូបអាហារក៏ត្រូវបានអនុញ្ញាតបើកដែរ។
កម្មវិធីបុណ្យសព និងអ្នកចូលរួមក៏ត្រូវបានអនុញ្ញាតដោយគ្មានកំណត់ចំនួនមនុស្ស ខណៈពិធីមង្គលការត្រូវបានអនុញ្ញាតឲ្យមានមនុស្ស៣០នាក់ ហើយសកម្មភាពសង្គមផ្សេងៗទៀតក៏ត្រូវបានអនុញ្ញាតដែរ។
កាលពីសប្តាហ៍មុនលោកនាយករដ្ឋមន្ត្រីអង់គ្លេស Boris Johnson បានអរគុណដល់សាធារណជនសម្រាប់ការប្តេជ្ញាចិត្តរបស់ពួកគេចូលរួមជាមួយរដ្ឋាភិបាលដើម្បីទប់ស្កាត់កូវីដ-១៩។ លោកបានបញ្ជាក់ថា ករណីឆ្លងឥឡូវនេះគឺឈានដល់កម្រិតទាបបំផុតគិតចាប់តាំងពីខែកក្កដា ឆ្នាំមុនមក។
លោកថា ៖«ទិន្នន័យឥឡូវនេះគាំទ្រដល់ការដកបំរាមឈានដល់ដំណាក់កាលទី៣នៅអង់គ្លេសដែលចាប់ផ្តើមពីថ្ងៃទី១៧ ខែឧសភានេះ»៕
ប្រែសម្រួល៖ វីរបុត្រ
ប្រភព៖ Dailymail
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ