Connect with us

កូវីដ-១៩

អគ្គនាយកដ្ឋានពន្ធនាគារ ត្រៀមចាក់វ៉ាក់សាំង Astrazeneca ដល់ជនជាប់ឃុំ ជាង ៦,៧០០នាក់ទៀតក្នុងខែនេះ

បានផុស

នៅ

អគ្គនាយកដ្ឋានពន្ធនាគារនៃក្រសួងមហាផ្ទៃ ត្រៀមចាក់វ៉ាក់សាំងកូវីដ-១៩ ជូនជនជាប់ឃុំ ជាង ៦,៧០០ នាក់ទៀត ក្នុងអំឡុងខែមិថុនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នុត សវនា អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ ថ្លែងប្រាប់ “កម្ពុជាថ្មី” ថា ក្រសួងត្រៀមចាក់វ៉ាក់សាំងប្រភេទ Covishield (AstraZeneca) ជូនអ្នកកំពុងជាប់ឃុំ ជាង ៦៧០០នាក់ទៀត ក្នុងអំឡុងខែមិថុនានេះ សម្រាប់ចាក់ពន្ធនាគារដែលកំពុងមានហានិភ័យខ្ពស់នៃការឆ្លងជំងឺកូវីដ-១៩។

លោក នុត សវនា មានប្រសាសន៍ថា ក្នុងនោះក្រសួងត្រៀមចាក់ជូនជនជាប់ឃុំបន្ថែមទៀតនៅពន្ធនាគារខេត្តកណ្តាល ខេត្តកំពង់ស្ពឺ ស្វាយរៀង បន្ទាយមានជ័យ និងកំពត។

គិតត្រឹមដើមសប្ដាហ៍នេះ មានជនជាប់ឃុំជាង១១,០០០នាក់ហើយបានទទួលចាក់វ៉ាក់សាំងកូវីដ-១៩ ដូសទី២។ ក្រុមទណ្ឌិតដែលទទួលបានចាក់វ៉ាក់សាំងរួចមានដូចជានៅ មណ្ឌលអប់រំកែប្រែទី១ “ម១” មណ្ឌលអប់រំកែប្រែទី២ “ម២” ពន្ធនាគារភ្នំពេញ “PJ” និងពន្ធនាគារខេត្តព្រះសីហនុ។

គួររំលឹកថា ដើមខែមិថុនានេះ អគ្គនាយកដ្ឋានពន្ធនាគារនៃក្រសួងមហាផ្ទៃ ទទួលវ៉ាក់សាំង ៦,០០០ដូស ពីក្រសួងសុខាភិបាល ដោយគ្រោងនឹងដំណើរការចាក់វ៉ាក់សាំងកូវីដ១៩ ទៅដល់អ្នកជាប់ឃុំនៅក្នុងពន្ធនាគារដែលប្រឈមការឆ្លងកូវីដ-១៩ខ្ពស់៕


អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម