ប្រគេនទេយ្យទានព្រះសង្ឃជិត ៣០០ អង្គ កំពុងធ្វើចត្តាឡីស័កក្រោយអាជ្ញាធរបិទខ្ទប់វត្តស្ទឹងមានជ័យ

អាជ្ញាធររាជធានីភ្នំពេញ នៅថ្ងៃទី ១៨ ខែមិថុនា បាននាំយកទេយ្យទាន ជាង ៣០០ កញ្ចប់ ប្រគេនដល់ព្រះសង្ឃ និងចែកជូនដល់និស្សិត យាយជី តាជី ដែលកំពុងគង់ និងស្នាក់នៅក្នុងវត្តស្ទឹងមានជ័យ ដែលអាជ្ញាធរបានបិទខ្ទប់ បន្ទាប់ពីធ្វើតេស្រកកូវីដ១៩ទៅលើព្រះសង្ឃ និងនិស្សិត តាអាចារ្យ យាយជី ៣៧៣ អង្គ/នាក់។ ក្នុងចំណោមនៃអ្នកធ្វើតេស្តទាំង ជាង ៣០០ អង្គ/នាក់ អាជ្ញាធរបានរកឃើញ វិជ្ជមានចំនួន ៣៩ អង្គ/នាក់។

លោក នួន ផារ័ត្ន អភិបាលរងរាជធានីភ្នំពេញ នៅថ្ងៃទី ១៨ ខែមិថុនា​នេះ បានអញ្ជើញ​ចុះសួរសុខ​ទុក្ខ និងនាំយកទេយ្​យទានដ៍ ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រគេនជូនព្រះសង្ឃ និងចែកជូនតាជី យាយ​ជី សិស្ស និសិ្សត ក្មេងវត្ត ប្រជាពលរដ្ឋចំនួន​ ៣៣៤ អង្គ/នាក់ ដែល​កំពង់ធ្វើចត្តា​ឡីស័ក នៅវត្តចង្ក្រានតាព្រហ្ម ស្ទឹងមានជ័យនេះ។

លោកនួន ផារ័ត្ន បានពាំនូវការផ្តាំផ្ញើរសាកសួរសុខទុក្ខពីសណាក់ សម្តេច តេជោ ហ៊ុន សែន និង​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជានិច្ចកាលសម្តេចទាំងទ្វេ តែងតែយកចិត្តទុកដាក់ គិត​គូពីសុខទុក្ខ បងប្អូនប្រជាពលរដ្ឋ តាជី យាយជី សិស្ស និសិ្សត ក្មេងវត្ត ក៏ដូចជាព្រះសង្ឃ តាម​ទីវត្ត​អារាម នានាក្នុងព្រះរាជាណាចក្រកម្ពុជា។

លោកបានបន្តទៀតថា សម្ដេចទាំងទ្វេ បានយកចិត្តទុកដាក់ណាស់ ចំពោះបងប្អូនប្រជាពលរដ្ឋ​កម្ពុជា​ទាំងមូល ជាពិសេសតាជី យាយជី បញ្ញវ័ន្តក្មេងវត្ត និងព្រះសង្ឃ ដែលកំពង់ធ្វើចត្តាឡីស័ក។

ទេយ្យទាន ដែលប្រគេនព្រះសង្ឃ និងចែកជូនតាជី យាយជី សិស្ស និសិ្សត ស្នាក់នៅ​ក្នុងវត្ត និងប្រជាពលរដ្ឋ រួមមាន អង្ករ ២តោន មី ៣០កេសតូច ទឹកត្រី ១០យួរ ទឹកស៊ីអ៊ីវ ១០យួរ ទឹកសុទ្ធ ៣០កេស ត្រីខ ៥កេស ដើម្បីសម្រួលដល់ចង្ហាន់ និងជីវភាពប្រចាំថ្ងៃផងដែរ៕

អត្ថបទ៖ ស្រីរ័ត្ន