កូវីដ-១៩
មន្ត្រីរាជការសាលាខេត្តកណ្តាល ១១នាក់រកឃើញឆ្លងជំងឺកូវីដ១៩
លោក គ្រុយ ម៉ាឡែន នាយករដ្ឋបាលសាលាខេត្តកណ្តាល បានឱ្យដឹងនៅព្រឹកថ្ងៃទី០៣កក្កដានេះថាក្រុមការងារបានយកសំណាកអ្នកពាក់ព័ន្ធទៅធ្វើតេស្តរកជំងឺកូវីដ១៩ ហើយជាលទ្ធផលរកឃើញ វិជ្ជមានសរុប ១៦នាក់ក្នុងនោះមានមន្ត្រីសាលាខេត្តចំនួន ១១នាក់ផងដែរ។
លោក បានបន្តថា លោកក៏មិនទាន់ដឹងថាតើមន្ត្រីសាលាខេត្តទាំងនោះឆ្លងជំងឺកូវីដ១៩មកពីប្រភពណាឱ្យពិតប្រាកដនោះដែរដោយគ្រាន់តែជាការសន្និដ្ឋានថាមន្ត្រីយើងធ្វើការជាមួយមូលដ្ឋាន នេះអាចជាមូលហេតុប្រភពឆ្លង។
យ៉ាងណាក៏ដោយ លោក បានបន្ថែមថាបច្ចុប្បន្ននេះស្ថានភាពសុខភាពរបស់ពួកគាត់នៅពេលនេះគឺមានលក្ខណៈល្អប្រសើរជាធម្មតាទេ។
កាលពីរសៀលថ្ងៃទី០២ខែកក្កដាឆ្នាំ២០២១ លោក គ្រុយ ម៉ាឡែន បានចុះសាកសួរសុខទុក្ខនិងលើកទឹកចិត្តមន្ត្រីរាជការដែលកំពុងធ្វើចត្តាឡីស័ក នៅមណ្ឌលចត្តាឡីស័កមជ្ឈមណ្ឌលគរុកោសល្យភូមិភាគ ហ៊ុន សែន ខេត្តកណ្ដាល។
នាយករដ្ឋបាលសាលាខេត្តបានធ្វើការណែនាំដល់បងប្អូនមន្ត្រីរាជការដែលកំពុងធ្វើចត្តាឡីស័កឲ្យបន្តយកចិត្តទុកដាក់ឲ្យបានខ្ពស់ក្នុងខណ:ពេលកំពុងអនុវត្តធ្វើចត្តាឡីស័ក ដោយត្រូវប្រកាន់ខ្ជាប់នូវការពាក់ម៉ាសជាប្រចាំ ការលាងដៃដោយសាប៊ូ សំអាតដៃជាមួយអាល់កុលឬជែល និងការរក្សាគម្លាតជាប្រចាំនិងបាននាំយកសម្ភារៈមួយចំនួនចែកប្រគល់ជូនពរបងប្អូនទាំងអស់គ្នា និងបានជូនពរឲ្យមានសុខភាពល្អ ជៀសផុតពីការឆ្លងជំងឺកូរីដ-១៩គ្រប់ៗគ្នា។
បន្ទាប់ពីមានមន្ត្រីសាលាខេត្តកណ្តាលមានឆ្លងជំងឺកូវីដ១៩រដ្ឋបាលខេត្តកណ្ដាល បានប្រកាសផ្អាកដំណើរការជាបណ្ដោះអាសន្នអង្គភាពច្រកចេញចូលតែមួយខេត្តកណ្តាល ក្នុងការផ្ដល់សេវាគ្រប់ប្រភេទជូនដល់ប្រជាពលរដ្ឋ គិតចាប់ពីថ្ងៃជូនដំណឹងនេះតទៅរហូតដល់ថ្ងៃទី១២ ខែកក្កដា ឆ្នាំ២០២១។
បើតាមរដ្ឋបាលខេត្តកណ្ដាល បានបញ្ជាក់ថា ការផ្អាកដំណើរការជាបណ្ដោះអាសន្នអង្គភាពច្រកចេញចូលតែមួយនេះដោយសាររដ្ឋបាលខេត្តត្រូវត្រួតពិនិត្យតាមដាននិងអនុវត្តវិធានការទប់ស្កាត់ការឆ្លងរាលដាលជំងឺកូវីដ១៩ដែលអាចប្រឈមនឹងហានិភ័យដល់ប្រជាពលរដ្ឋដែលអញ្ជើញមកទទួលសេវា៕ អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ