ទីតាំង ៨ កន្លែងពាក់ព័ន្ធជំងឺកូវីដ-១៩ នៅភ្នំពេញ

អនុគណៈកម្មការស្រាវជ្រាវជំងឺកូវីដ១៩ បានបង្ហាញប្រាប់ទីតាំង៨ កន្លែងពាក់ព័ន្ធជំងឺកូវីដ១៩ នៅភ្នំពេញ ហើយអំពាវនាវ ដល់បងប្អូនប្រជាពលរដ្ឋ ដែលបានទៅទីតាំងទាំងនេះ ត្រូវបន្តតាមដានសុខភាព និងដាក់ខ្លួនឱ្យដាច់ដោយឡែក ១៤ ថ្ងៃ។

១. អ្នកជំងឺ កូវីដ១៩ ម្នាក់ដែលរស់នៅក្នុងសង្កាត់ព្រែកប្រា តែងតែទៅទិញម្ហូបនៅ ផ្សារចាម។

២. ហាងការហ្វេ Starbucks សាខាទួលទំពូង ដែលមានទីតាំងស្ថិតនៅផ្លូវ១៥៥ សង្កាត់ទួលទំពូង២ ខណ្ឌចំការមន មានអ្នកជំងឺ កូវីដ១៩ បានទៅហូបកាហ្វេ នៅទីតាំងនេះ។ ត្រូវដាក់ខ្លួឱ្យដាច់ដោយឡែក ប្រសិនបើបានទីតាំងខាងលើ នៅថ្ងៃទី៣០ ខែមិថុនា។

៣. បុគ្គលិក គ្រឹះស្ថានមីក្រូហិរញ្ញវត្ថុ ដាប់ប៊ែលយូប៊ី ហ្វាយនែន ឯ.ក​ (WB Finance) ​សាខា​បឹង​កក់​ ​​ដែលមានទីតាំងស្ថិតនៅផ្លូវលេខ៣៥៥ សង្កាត់បឹងកក់ទី១ ខណ្ឌទួលគោក ផ្នែកឥណទាន មានវិជ្ជមានកូវីដ១៩ ត្រូវប្រុងប្រយ័ត្នចាប់ពីថ្ងៃទី ២៥ ខែមិថុនា ដល់ថ្ងៃទី ២ កក្កដា។

៤. បុគ្គលិកធ្វើការផ្នែកសេវាកម្ម នៅភោនីយដ្ឋាន Wok King មានវិជ្ជមានកូវីដ១៩ សាខាទួលទំពូង ដែលមានទីតាំងស្ថិតនៅ ផ្លូវលេខ ​១៥៥ ​កែងផ្លូវលេខ ៤៧២ សង្កាត់ទួលទំពូងទី១ ខណ្ឌចំការមន

៥. អ្នកជំងឺកូវីដ១៩ ម្នាក់ រស់នៅភូមិគ្រោលគោ សង្កាត់គីឡូ៦ បានប្រាប់ឲ្យដឹងថា គាត់តែងតែទៅ ទិញម្ហូបជាប្រចាំនៅ ផ្សារគីឡូម៉ែត្រលេខ៦។

៦. បុគ្គលិកនៅហាង ធីធី ម៉ាស្សាថៃ និង សាឡន មានវិជ្ជមានកូវីដ១៩ ទីតាំងស្ថិតនៅ ផ្ទះ៩៥ ផ្លូវ៥៦០ សង្កាត់បឹងកក់២ ខណ្ឌទួលគោក។

៧. បុគ្គលិកនៅហាងលក់ខោអាវ ដឹ មេន (The Men’s Shop) មានវិជ្ជមានកូវីដ១៩ ទីតាំងហាងស្ថិតនៅ ក្បែរផ្សារទួលទំពូង ​ដែលមានទីតាំងស្ថិតនៅ ផ្ទះលេខ ១៧ ផ្លូវលេខ ៤៣២ សង្កាត់ទួលទំពូង២ ខណ្ឌចំការមន រាជធានីភ្នំពេញ។

៨. បុគ្គលិកផ្នែកប្រមូលឥណទាន នៅធនាគារហត្ថា (Hattha Bank) សាខាច្បារអំពៅ មានវិជ្ជមាន​កូវីដ១៩ សាខាធនាគារស្ថិតនៅផ្លូវ​ជាតិលេខ១ សង្កាត់ច្បារអំពៅ ខណ្ឌច្បារអំពៅ៕