ព័ត៌មានជាតិ
អាជ្ញាធរខេត្តសៀមរាប គ្រោងសាកល្បងបើកផ្សារលើធំថ្មីឡើងវិញក្រោមវិធានការរក្សាគម្លាត
លោក ទៀ សីហា អភិបាលខេត្តសៀមរាប នៅព្រឹកថ្ងៃទី០៩ខែសីហាឆ្នាំ២០២១នេះ បានដឹកនាំមន្រ្តីជំនាញ និងអ្នកពាក់ព័ន្ធចុះពិនិត្យ និងសិក្សាមើលផ្សារលើធំថ្មីខេត្តសៀមរាប ក្នុងគោលបំណងសាកល្បងបើកផ្សារលើធំថ្មីឡើងវិញ។
លោក អភិបាលខេត្ត បានឱ្យដឹងថា អាជ្ញាធរខេត្តសៀមរាប នឹងចាប់ផ្តើមសាកល្បងបើកផ្សារលើឡើងវិញនាពេលឆាប់ៗខាងមុខនេះ ប៉ុន្តែចាំបាច់ត្រូវរៀបចំសណ្តាប់ធ្នាប់ និងវិធានការមួយចំនួន ដើម្បីបង្ការឆ្លងមេរោគកូវីដ១៩។
ដូចជា សម្រាប់អ្នកលក់ជុំវិញផ្សារលើដែលមានប្រមាណជា៨០០នាក់ គឺត្រូវលក់ដូរប្តូរវេនគ្នាក្នុងមួយសប្តាហ៍ម្តង ដោយមានការរក្សាគម្លាត ហើយសម្រាប់អ្នកមិនទាន់ដល់វេន អាចទៅលក់នៅកន្លែងលក់បណ្តោះអាសន្ននៅផ្លូវ៦០ម៉ែត្រជិតផ្សារកុងទីន័របាន។ ដូច្នេះបងប្អូនអាចលក់ដូរបានរហូតគ្រាន់តែថា លក់នៅផ្សារលើមួយសប្តាហ៍ ត្រូវប្តូរទៅលក់នៅផ្លូវ៦០ម៉ែត្រមួយប្តាហ៍។
ដោយឡែកចំពោះអាជីវករដែលលក់នៅខាងក្នុងផ្សារលើ គឺអាចលក់បានរហូត ប៉ុន្តែត្រូវរក្សាគម្លាត និងចងខ្សែព័ន្ធជុំវិញ។
លោកអភិបាលខេត្តបញញជាក់ថា ការបើកផ្សារឡើងវិញវាមិនពិបាកទេ ប៉ុន្តែអ្វីដែលអាជ្ញាធរចង់បាននោះ គឺចង់ឱ្យអ្នកលក់ និងអ្នកទិញមានសុវត្ថិភាព។ បើសិនជាការបើកសាកល្បងនេះ អាជីវករមិនស្តាប់តាមការណែនាំរបស់អាជ្ញាធរ ធ្វើឱ្យផ្សារនេះមានភាពស្មុគស្មាញ និងប្រឈមការឆ្លងកូវិដច្រើនអាជ្ញាធរនិងបិទផ្សារនេះបន្តទៀត។
អភិបាលខេត្តបញ្ជាក់ថា ផ្សារលើនេះ និងបើកឡើងវិញឆាប់ៗនេះ គឺក្នុងរយៈពេល២ទៅ៣ថ្ងៃទៀត ដោយទុកពេលឱ្យអាជ្ញាធរក្រុងរៀបចំសណ្តាប់ធ្នាប់សិន។
ហើយការបើកផ្សារនេះ មិនមែនមានន័យថា ការឆ្លងកូវិដមានការថយចុះនៅទេ គឺចង់ឱ្យបងប្អូនអាចរកចំណូលសម្រាប់ជីវភាពក្នុងគ្រួសារ ហើយអ្វីដែលចាំបាច់បំផុតនោះបងប្អូនត្រូវអនុវត្តវិធានការសុខាភិបាលឱ្យបានល្អ៕ ដោយៈ គឿនវេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង