Connect with us

ព័ត៌មានជាតិ

ប្រមុខការពារជាតិ សរសើរចំពោះជោគជ័យនាឆ្នាំកន្លងមក ដែលកងយោធពលខេមរភូមិន្ទសម្រេចបាន

បានផុស

នៅ

ក្នុងឱកាសឆ្លងឆ្នាំថ្មី ឆ្នាំសកល ២០២៤ ប្រមុខការពារជាតិកម្ពុជា នាយឧត្តមសេនីយ៍ ទៀ សីហា បានផ្ញើសារជូនពរនាយទាហាន នាយទាហានរង និងពលទាហានទាំងអស់នៃកងយោធពលខេមរភូមិន្ទ និងបានកោតសរសើរចំពោះជោគជ័យនាឆ្នាំកន្លងមក ដែលកងយោធពលខេមរភូមិន្ទសម្រេចបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសារជូនពរនេះ លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សម្តែងនូវមោទនភាព និងកោតសរសើរយ៉ាងស្មោះចំពោះជោគជ័យដ៏ត្រចះត្រចង់នូវសមិទ្ធផលដ៏ធំធេងក្នុងឆ្នាំកន្លងមក ដែលកងយោធពលខេមរភូមិន្ទសម្រេចបាន។ លោកឧបនាយករដ្ឋមន្ត្រី ចាត់ទុកជោគជ័យនេះ គឺកើតចេញពីការលះបង់ និងការខិតខំពុះពារជម្នះគ្រប់ឧបសគ្គ និងការលំបាកធ្វើពលិកម្មគ្រប់បែបយ៉ាង ដើម្បីការពារជាតិមាតុភូមិ ការពារសន្តិសុខជាតិ ស្ថិរភាពនយោបាយ ឯករាជ្យ អធិបតេយ្យ បូរណភាពទឹកដីបានយ៉ាងគង់វង្សគ្រប់កាលៈទេសៈ ពង្រឹងខឿនការពារជាតិ និងសុខក្សេមក្សាន្តរបស់ប្រជាជន។

លោកឧបនាយករដ្ឋមន្ត្រី ទៀ សីហា បានកោតសរសើរ និងវាយតម្លៃខ្ពស់ចំពោះកងយោធពលខេមរភូមិន្ទ ដែលបានចូលរួមចំណែកយ៉ាងសកម្មក្នុងប្រតិបត្តិការសង្គ្រោះគ្រោះមហន្តរាយ និងជំនួយមនុស្សធម៌ផ្សេងៗ ហើយកងទ័ពត្រូវបានចាត់ទុកជាកម្លាំងនាំមុខក្នុងយុទ្ធនាការផ្សេងៗទូទាំងប្រទេសដែលជាមោទនភាពបំផុត ជាពិសេសក្នុងការសង្គ្រោះអាយុជីវិតរបស់ប្រជាពលរដ្ឋពីការឆ្លងរីករាលដាលនៃជំងឺដ៏កាចសាហាវនានា។

ក្រៅពីកិច្ចការពារជាតិមាតុភូមិ កងយោធពលខេមរភូមិន្ទ ក៏បានចូលរួមអនុវត្តប្រកបដោយជោគជ័យនូវភារកិច្ចអន្តរជាតិ លើវិស័យមនុស្សធម៌សកលលោក តាមរយៈការបំពេញបេសកកម្មជាកម្លាំងរក្សាសន្តិភាពក្រោមឆត្ររបស់អង្គការសហប្រជាជាតិ ដើម្បីបុព្វហេតុសន្តិភាព និងកិច្ចសហប្រតិបត្តិការអន្តរជាតិល្អ ដែលជាមោទនភាព និងជាកិត្តិយសដ៏ខ្ពង់ខ្ពស់ឧត្តុង្គឧត្តមយ៉ាងក្រៃលែងរបស់កងយោធពលខេមរភូមិន្ទ ក៏ដូចជាប្រជាជាតិកម្ពុជាទាំងមូល នេះធ្វើឱ្យកិត្យានុភាពរបស់កម្ពុជាកាន់តែល្បីរន្ទឺនៅលើឆាកអន្តរជាតិ។ នេះជាការបញ្ជាក់បន្ថែមរបស់លោកឧបនាយករដ្ឋមន្ត្រី ទៀ​ សីហា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម