កូវីដ-១៩
បុរសម្នាក់ដេកស្លាប់ក្បែររបង តេស្តឃើញវិជ្ជមានកូវីដ១៩ ខណៈមានអ្នកជាប់ពាក់ព័ន្ទជាច្រើន
សាកសពបុរសម្នាក់ ត្រូវបានគេប្រទះឃើញដេកស្លាប់ក្បែររបងអ្នកភូមិ គ្មានសំលៀកបំពាក់ ដែលមានតែខោលីអូរប៉ុណ្ណោះ ធ្វើឲ្យមានការភ្ញាក់ផ្អើលដល់ប្រជាពលរដ្ឋក្នុងនាំគ្នាទៅមើល ហើយនៅពេលមន្ត្រីជំនាញចុះត្រួតពិនិត្យរកឃើញផ្ទុកជំងឺកូវីដ ទើបមានការពាក់ព័ន្ធនឹងមនុស្សជាច្រើននាក់។
ហេតុការណ៍ភ្ញាក់ផ្អើលឆោឡោក្រោយពីមានអ្នកភូមិម្នាក់ បានប្រទះឃើញសាកសពជនរងគ្រោះដេកស្លាប់ កាលនៅវេលាម៉ោង០៥ និង៣០នាទី ព្រឹកថ្ងៃទី១៦ ខែសីហា ឆ្នាំ២០២១ ស្ថិតនៅភូមិទួលប្រាសាទ ឃុំត្រពាំងតាវ ស្រុកអន្លង់វែង ខេត្ដឧត្ដរមានជ័យ ដែលជនរងគ្រោះត្រូវបានគេស្គាល់ឈ្មោះ ឆាន់ ឆូន ភេទប្រុស អាយុ៣៨ឆ្នាំ រស់នៅភូមិឃុំកើតហេតុ ដោយដួលស្លាប់ក្បែររបង ស្លៀកខោលីអូពណ៌ប្រផេះ អត់ពាក់អាវ នៅខាងក្រោយផ្ទះរបស់ប្រជាពលរដ្ឋឈ្មោះ ហឿន ថាន ភេទស្រី អាយុ៤៣ឆ្នាំ។
ក្រោយពីមានសេចក្តីរាយការណ៍មានករណីឃើញសាកសពជនរងគ្រោះ សមត្ថកិច្ចនិងគ្រូពេទ្យនៃមន្ទីរពេទ្យបង្អែកស្រុកអន្លង់វែង បានចុះទៅទីតាំងកើតហេតុ ពិនិត្យសំណាកជនរងគ្រោះ ក្រោយពីធ្វើតេស្តសពមានផ្ទុកវិជ្ជមានកូវីដ១៩ ហើយតាមការស្រាវជ្រាវនិងពិនិត្យសាកសព របស់គ្រូពេទ្យជំនាញសន្និដ្ឋានថា ជនរងគ្រោះបានដើរដួលដាច់សរសៃឈាមស្លាប់ មិនមានជាករណីឃាតកម្មនោះឡើយ។
សមត្ថកិច្ច និងក្រុមគ្រូពេទ្យ បានយកសំណាក់ប្រពន្ធរបស់ជនរងគ្រោះឈ្មោះ គាំ សទ្ធី ភេទស្រី អាយុ៥១ឆ្នាំ រស់នៅផ្ទះជាមួយគ្នា ដែលលទ្ធផលតេស្តវិជ្ជមានកូវីដ១៩ ហើយក៏ស្រាវជ្រាវរកឃើញ អ្នកពាក់ព័ន្ធបន្ថែមទៀតជាមួយគ្រួសារសាកសពដែលវិជ្ជមានកូវីដ១៩ មានដូចជា៖ ១. ឈ្មោះគាំ សុទ្ធី ភេទស្រី អាយុ ៥១ឆ្នាំ (ប្រពន្ធរបស់សាកសពវិជ្ជមានកូវីដ១៩), ២. ឈ្មោះ មុយ សុផាត ភេទប្រុស អាយុ៦៤ឆ្នាំ, ៣. ឈ្មោះ លឹម គា ភេទស្រី អាយុ៦៣ឆ្នាំ, ៤. ឈ្មោះឃុត មករា ភេទស្រី អាយុ២៦ឆ្នាំ, ៥. ឈ្មោះ រុន នួន ភេទប្រុស អាយុ៣៦ឆ្នាំ, ៧. ឈ្មោះវន សាវ៉ុន ភេទស្រី អាយុ២៩ឆ្នាំ, ៨. ឈ្មោះ នួន ឆានុន ភេទប្រុស អាយុ៧ឆ្នាំ, ៩. ឈ្មោះ នួន ឆានី ភេទប្រុស អាយុ៨ឆ្នាំ ទាំងអស់គ្នារស់នៅភូមិទួលប្រាសាទ ឃុំត្រពាំងតាវ ស្រុកអន្លង់វែង។
បច្ចុប្បន្នសាកសពត្រូវបានក្រុមគ្រូពេទ្យយកទៅបូជា នៅខេត្តឧត្តរមានជ័យ ដោយឡែកអ្នកពាក់ព័ន្ធនឹងវិជ្ជមានកូវីដ-១៩ អាជ្ញាធរសមត្ថកិច្ច និងក្រុមគ្រូពេទ្យ បាននាំពួកគាត់ទៅមណ្ឌលព្យាបាលជំងឺកូវីដ-១៩ និងដាក់ពួកគាត់ឲ្យធ្វើចត្តាឡីស័កដាច់ដោយឡែក។
គួរបញ្ជាក់ថា គិតមកដល់ពេលនេះខេត្តឧត្តរមានជ័យ បានរកឃើញករណីវិជ្ជមានកូវីដ-១៩ ចំនួន៥,៦៩៧ ករណី ក្នុង នោះករណីនាំចូលពីក្រៅប្រទេសចំនួន ៤,៧៣១ករណី និងករណីឆ្លងក្នុងសហគមន៍ ២០កុម្ភៈ ចំនួន ៩៦៥ ករណី និងបានព្យាបាលជាសះស្បើយចំនួន ២,២៨៦ នាក់ កំពុងសម្រាកព្យាបាលចំនួន ៣,៤០២ នាក់ និងស្លាប់ចំនួន ១០នាក់៕
អត្ថបទ៖ ចាន់ ធី
រង្វាន់កាន់តែធំអស្ចារ្យពី Smart! បញ្ចូលលុយទូរសព្ទមានឱកាសឈ្នះខុនដូរបស់បុរីប៉េង ហួត ឈ្នះឡាន BYD
មន្ត្រីជំនាញព្រួយបារម្ភ មាន់ទាងាប់ប្រមាណជាង ១៥០ ក្បាល នៅក្រុងក្រចេះ ជាជំងឺផ្ដាសាយបក្សី
សប្ដាហ៍នេះ រដ្ឋមន្ត្រីការបរទេសទីម័រ នឹងធ្វើទស្សនកិច្ចនៅកម្ពុជា ដើម្បីពង្រឹងទំនាក់ទំនង
IU រកចំណូលបានជាង២៣លានដុល្លារ ពីអាជីពសិល្បៈមួយមុខ
សេចក្តីជូនដំណឹង ស្តីពី ការអញ្ជើញចូលរួមដេញថ្លៃការងារជួសជុល ផ្លូវបេតុងអារមេប្រវែង ៤៦៩ម ទទឹង ៥ម កម្រាស់ ០,១៥ម នៅសង្កាត់អូរជ្រៅ ក្រុងកំពង់សោម សម្រាប់ឆ្នាំ ២០២៥ ជូនមន្ទីរអភិវឌ្ឍន៍ជនបទខេត្តព្រះសីហនុ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៣ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី