ជីវិតកម្សាន្ដ

លោក វ៉ាត់ លីម៉េង រម្លឹកស្នាដៃចម្រៀងជិត ៤០បទ ធ្លាប់ដឹកនាំថត MV ឱ្យលោក សិរីមន្ត កាល១៥ឆ្នាំមុន

បានផុស

៨ ខែ មុន

នៅ

ថ្ងៃសុក្រ ២៤ តុលា ២០២៥

ដោយ

អតីតអ្នកនាំសម្តែងល្បីឈ្មោះ លោក វ៉ាត់ លីម៉េង បានបង្ហាញអារម្មណ៍សប្បាយចិត្តភ្ជាប់ជាមួយការរម្លឹកស្នាដៃបទចម្រៀងជាច្រើនបទដែលលោកធ្លាប់ដឹកនាំសម្តែង អំឡុងពេលនៅប្រចាំផលិតកម្មសាន់ដេ កាលពី១៥ឆ្នាំមុន ខណ:មានបចម្រៀងជិត ៤០បទ ដែលដឹកនាំថត MV ឱ្យកំពូលតារាចម្រៀង ខេមរៈ សិរីមន្ត កន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ លីម៉េង បានបញ្ជាក់ថា កាលលោកធ្វើជាអ្នកដឹកនាំសម្តែងឱ្យផលិតកម្មសាន់ដេនាអំឡុងឆ្នាំ២០០៩ ដល់ ២០១៣ លោកបានដឹកនាំថត MV ឱ្យតារាចម្រៀងឧកញ៉ា ខេមរៈ សិរីមន្ត ជិត៤០បទដែលមានបទល្បីៗដូចជា,បទ”បើកលុយ”, “Sarang អូន”, ស្អែក ឡើងបែកគ្នា”, ” ពេលអូនមានអ្នកថ្មីបងធ្វើអ្វីក៏ខុស”, “ទើបដឹងមនុស្សស្មោះឈឺចាប់ខ្លាំងប៉ុណ្ណា”,”ព្រះវិហារសាក្សីស្នេហ៍”។ល។

លោក វ៉ាន់ លីម៉េង បានបង្ហោះរូបភាពទៀតថា “នេះជាលើកទីមួយហើយដែលពួកយើងអង្គុយញ៉ាំអាហារនិយាយរឿងក្នុងចិត្ត និងរំលឹកអនុស្សាវរីយ៍ការចងចាំល្អៗជាមួយគ្នាកាលពី១៥ឆ្នាំមុន ឆាប់ៗនេះពួកយើងនឹងចាប់ដៃគ្នាម្តងទៀតផលិត Short Film ថ្មីមួយជូនដល់ពុកម៉ែបងប្អូន”។

គួររម្លឹកដែរថា លោក វ៉ាត់ លីម៉េង គឺជាអ្នកដឹកនាំសម្ដែងដែលមានស្នាដៃដឹកនាំចម្រៀងទាំងបុរាណ និងសម័យហើយបទចម្រៀងជាច្រើនរបស់លោករមែងទទួលបាននូវកាគាំទ្រពីសំណាក់មហាជនអ្នកទស្សនាព្រោះ មានទាំងគុណភាពនិងសាច់រឿងដែលស៊ីទៅនឹងអត្ថន័យបទចម្រៀងធ្វើឱ្យអ្នកទស្សនាកាន់តែជក់ចិត្តដិតអារម្មណ៍នឹងបទចម្រៀងនោះខ្លាំងថែមទៀត៕ ចាន់រ៉ា