៨ថ្ងៃទៀត! ស្រីនាឌ នឹងតំណាងកម្ពុជាប្រកួតក្នុងកម្មវិធី Miss Charm នៅវៀតណាម ខណៈសន្យានឹងនាំទង់ជាតិខ្មែរឱ្យបានចូល Top

ក្រោយកាន់តំណែងម្ចាស់មកុដ Miss Lakamo Cambodia 2025 និងត្រូវបានជ្រើសរើសក្លាយជាបវរកញ្ញាតំណាងកម្ពុជា នៅសល់ត្រឹមតែ៨ថ្ងៃទៀតប៉ុណ្ណោះ បវរកញ្ញា ដេត ស្រីនាឌ នឹងចេញដំណើរទៅប្រកួត Miss Charm 2025 នៅប្រទេសវៀតណាម ។

ដោយហេតុនេះ កញ្ញាអំពាវនាវដល់អ្នកគាំទ្រវិស័យបវរកញ្ញានៅកម្ពុជាទាំងអស់ ចូលរួមគាំទ្រ និងលើកទឹកចិត្តខ្លួន ក្នុងដំណើរទៅកាន់ការប្រកួតនៅប្រទេសវៀតណាម ឆាប់ៗនេះ។

ស្របពេលដែលកំពុងត្រៀមខ្លួនទៅកាន់ការប្រកួតលើឆាកអន្តរជាតិ Miss Charm 2025 រូបនេះ សន្យាថា នឹងព្យាយាមខិតខំប្រឹងប្រែងឱ្យអស់ពីសមត្ថភាពក្នុងការតំណាងប្រទេសកម្ពុជា ជាពិសេសគឺលើកទង់ជាតិកម្ពុជា ឱ្យបានខ្ពស់ដើម្បីចូលទៅកាន់ Top កំពូលណាមួយនៃកម្មវិធី Miss Charm 2025″ ។

សូមជម្រាបដែរថា កញ្ញា ដេត ស្រីនាឌ បានសម្រេចក្ដីស្រមៃរបស់ខ្លួនម្ដងទៀត លើវិស័យបវរកញ្ញា ដោយនាងចូលខ្លួនប្រកួតដណ្ដើមបានជ័យលាភី និងគ្រងមកុដជាលើកដំបូង ក្នុងកម្មវិធី Miss Lakamo Cambodia 2025 កាលពីថ្ងៃទី ១៣ ខែកក្កដា ឆ្នាំ២០២៥ កន្លងទៅ។ បន្ទាប់ពីមានឱកាសគ្រងមកុដបវរកញ្ញា នាងកំពុងតែសាងកេរ្តិ៍ឈ្មោះជាថ្មីឡើងវិញលើវិស័យមួយនេះ៕ អត្ថបទ៖ចាន់រ៉ា