កីឡា

សហព័ន្ធខ្មែរកីឡាហែលទឹក ចង់រុញកម្មវិធីប្រកួតធំៗទៅធ្វើនៅអាងទឹកឯកោះធំ និងបាត់ដំបង

បានផុស

៣ នាទី មុន

នៅ

ថ្ងៃសុក្រ ២៦ មិថុនា ២០២៦

ដោយ

អគ្គលេខាធិការសហព័ន្ធខ្មែរកីឡាហែលទឹក ថានៅពេលខាងមុខនេះសហព័ន្ធចង់យកកម្មវិធីប្រកួតធំៗទៅរៀបចំនៅឯខេត្តវិញម្ដង ដូចជាអាងទឹកនៅឯស្រុកកោះធំ ខេត្តកណ្ដាល និងអាងទឹកឯខេត្តបាត់ដំបងដើម្បីបំផុសការផ្សព្វផ្សាយបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម គីរី

លោក ហែម គីរី អគ្គលេខាធិការបានឲ្យដឹងថា កន្លងទៅកម្មវិធីធំៗដូចជាការប្រកួតជើងឯកថ្នាក់ជាតិជារៀងរាល់ឆ្នាំ និងការប្រកួតពានរង្វាន់ផ្សេងៗគឺរៀបចំតែនៅអាងទឹកក្នុងពហុកីឡដ្ឋានជាតិនោះទេដោយសារទីនេះជួយសម្រួលបានច្រើនលើការកាត់បន្ថយចំណាយ។

យ៉ាងណាជំហានបន្ទាប់ទៅទៀតនេះសហព័ន្ធចង់ផ្លាស់ប្ដូរការរៀបចំការប្រកួតធំៗមួយចំនួនទៅបណ្ដាខេត្តវិញ ដូចជានៅអាងទឹកកោះធំ ក្នុងខេត្តកណ្ដាល និងអាងទឺកសកលវិទ្យាល័យជាតិបាត់ដំបង ខេត្តដំបងជាដើម។ ការចង់លើកទៅរៀបចំនៅទីនោះគឺចង់បំផុស និងផ្សព្វផ្សាយវិស័យកីឡាហែលទឹកឲ្យបានកាន់តែទូលំទូលាយបន្ថែមទៀត ព្រោះបណ្ដាខេត្តទាំងនោះសុទ្ធតែមានអាងទឹកសមស្រប និងអំណោយផងដែរ។

រូបភាពសហព័ន្ធ

ចំពោះគម្រោងផែនការនេះកំពុងស្ថិតលើការពិភាក្សានៅឡើយទេ ព្រោះពាក់ព័ន្ធនិងការចំណាយ។ ដូចដឹងស្រាប់ហើយថាការប្រកួតម្ដងៗសហព័ន្ធត្រូវការចំណាយច្រើនពិសេសបើរៀបចំនៅតាមខេត្តទៅទៀតគឺទំហំថវិកាអាចនឹងកើនឡើងជាងនៅរាជធានីភ្នំពេញ។

រូបភាពសហព័ន្ធ

បញ្ជាក់ដែរថា សហព័ន្ធខ្មែរកីឡាហែលទឹកគឺជាសហព័ន្ធមួយដែលឈានមុខគេ និងចាត់ចូលជាសហព័ន្ធមួយដែលមានការអភិវឌ្ឍន៍ខ្លាំងលើហេដ្ឋារចនាសម្ព័ន្ធពិសេសគឺអាងទឺកនេះតែម្ដង។ គិតមកដល់ពេលនេះសហព័ន្ធមានអាងហែលទឹកបែបស្ដង់ដារហ្វឹកហាត់ និងប្រកួតរហូតដល់ទៅ ៤កន្លែងឯណោះគឺអាងទឹកក្នុងពហុកីឡដ្ឋានជាតិ អាងទឹកនៅកំពង់ចាម អាងទឹកនៅខេត្តបាត់ដំបង និងអាងទឹកនៅស្រុកកោះធំ ខេត្តកណ្ដាល៕

អត្ថបទដោយ៖ នួន ស៊ីណា

Related Topics:កីឡាហែលទឹក