ជើងខ្លាំង ៦ រូបប្រចាំ AGT 2021 ដែលទទួលបានប៊ូតុងមាសក្នុងវគ្គជម្រុះដំបូង

កម្មវិធីប្រឡងទេពកោសល្យពិសេសរបស់សហរដ្ឋអាមេរិកឆ្នាំ២០២១ ឬ American Got Talent (AGT) ក្នុងវគ្គជម្រុះដំបូង បានរកឃើញជើងខ្លាំងប៉ុន្មានរូបប្រចាំក​ម្មវិធីរបស់ខ្លួន។ ឆ្លងកាត់ការប្រកួតជាមួយបេក្ខជន បេក្ខនារីជើងខ្លាំង និងពោរពេញដោយសមត្ថភាពពិសេស​ជាច្រើននាក់នៅលើឆាក AGT មានបេក្ខជន-នារី តែ៥រូបប៉ុណ្ណោះដែលមានទេពកោសល្យលើសគេអាចទទួលបានប៊ូតុងមាសពីគណកម្មការ ដើម្បីឈានទៅដល់វគ្គពាក់កណ្ដាលផ្ដាច់ព្រ័ត្រដោយស្វ័យប្រវត្តិ។

ទាំងនេះជាម្ចាស់ប៊ូតុងមាសក្នុងវគ្គជម្រុះដំបូង!

១. Northwell Health Nurse Choir

ពួកគេជាក្រុមគិលានុបដ្ឋាក ១៨ រូបមកពីទីក្រុងញូយ៉ក ដែលមកឡើងច្រៀងចម្រៀងជាពួក (Choir)។ បទដែលបេក្ខជនក្រុមនេះលើកមកបកស្រាយគឺបទ “Stand by Me” ជាបទដែលពួកគេទទួកបានការចុចប៊ុតុងមាសពីគណកម្មការលោក Howie Mandel។

២. Jane

នាងជាបេក្ខនារីដែលច្រៀងចម្រៀង Original Song ចំណងជើង “It’s Okay”។ បទនេះជាស្នាដៃនិពន្ធរបស់នាងផ្ទាល់ ដែលអត្ថន័យរបស់វារៀបរាប់ពីជីវិតតស៊ូក្នុងអំឡុងប្រយុទ្ធជាមួយជំងឺមហារីកសួត ថ្លើម និងឆ្អឹងខ្នងរបស់នាង។ Jane ទទួលបានប៊ូតុងមាសពីគណកម្មការលោក Simon Cowell។

៣. World Taekwondo Demonstration Team

ពួកគេជាក្រុមសម្ដែងតៃហ្វាន់ដូពិភពលោក បានទទួលការចុចប៊ូតុងមាសពីពិធីករលោក Terry Crews។ មានសមាជិក ២២ នាក់ ក្រុមតៃហ្វាន់ដូនេះ ដើមឡើយបានអញ្ជើញឱ្យចូលរួមព្រឹត្តិការណ៍អូឡាំពិក តែដោយសារកូវីដ-១៩បង្អាក់ ទើបពួកគេចូលរួមប្រកួតក្នុងកម្មវិធី AGT តែម្ដង។

៤. Jimmie Herrod

បុរសវ័យ ៣០ ឆ្នាំរូបនេះ បានចូលប្រឡង AGT ដោយច្រៀងបទ “Tomorrow” ។ បទនេះត្រូវបានលោក Simon សុំមិនឱ្យច្រៀងនោះទេ តែដោយសារ Jimmie គ្មានចម្រៀងសម្រាប់ជំនួស ក៏បន្តច្រៀងដដែល រហូតចុងក្រោយគាត់បានប៊ូតុងមាសពីគណកម្មការ ​Sofia Vergara ។

៥. Léa Kyle

Léa Kyle ជាអ្នកសម្ដែងសៀករហ័ស្សកម្មជនជាតិបារាំង ដែលប្ដូរឈុតសម្លៀកបំពាក់លឿនបំផុតនៅលើឆាក AGT។ ទេពកោសល្យនេះ​ធ្វើឱ្យនាងឆក់បានប៊ូតុងមាសពី idol របស់នាងគឺ​ Heidi Klum។

៦. Victory Brinker

កុមារីវ័យ ៩ ឆ្នាំរូបនេះ បានបង្កើតប្រវត្តិសាស្ត្រកម្មវិធី AGT ដំបូងបង្អស់ ដោយនាងបានទទួលប៊ូតុងមាសពីគណកម្មការទាំង៤រូប រួមជាមួយពិធីករ។ តាមពិតក្នុងកម្មវិធីមានប៊ូតុងមាសតែ ៥ ប៉ុណ្ណោះ តែដោយសារ Victory មានសមត្ថភាពច្រៀងខ្លាំងទើបនាងក្លាយជាបេក្ខជនដែលអាចឈានទៅកាន់វគ្គពាក់កណ្ដាលផ្ដាច់ព្រ័ត្រដោយស្វ័យប្រវត្តិ៕

អត្ថបទ៖ សន្យា

ចុចអាន៖ បង្ហាញមុខតារាសម្ដែងកូរ៉េ ៨ រូបមានទ្រព្យសម្បត្តិច្រើនជាងគេ និងស៊ីថ្លៃខ្ពស់បំផុត

ចុចអាន៖ តារាសំដែងចាស់វស្សា Aum បរិច្ចាគឧបករណ៍ជំនួយអុកស៊ីសែន ជួយអ្នកជំងឺកូវីដ ខណៈថៃផ្ទុះករណីច្រើនឡើងៗ