ជីវិតកម្សាន្ដ

ទោះបែកគ្នាច្រើនឆ្នាំ កែវ កល្យាណ និង អម្ពរ ទេវី រក្សាមិត្តភាពមិនប្រួលប្រែ

បានផុស

៥ years មុន

នៅ

ថ្ងៃអង្គារ ២៧ កក្កដា ២០២១

ដោយ

ភ្នំពេញ ៖ ទោះបីបច្ចុប្បន្នការរស់នៅនិងមិត្តភាពហាក់នៅឆ្ងាយពីគ្នាបន្តិចមែន តែសម្រាប់តារាស្រី ២ដួងរួមជំនាន់សិល្បៈ គឺអ្នកនាងកែវ កល្យាណនិង អម្ពរ ទេវី នៅតែរក្សាបានទំនាក់ទំនងល្អជាមួយគ្នាដោយមិនប្រួលប្រែឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារហេតុផលនេះហើយ ទើបធ្វើឲ្យមហាជននិងអ្នកគាំទ្រថ្លែងការសរសើរគ្រប់គ្នា។ ជាក់ស្តែងថ្មីៗនេះ អ្នកនាង អម្ពរ ទេវី បានប្រារព្ធខួបកំណើតគម្រប់អាយុ៥១ឆ្នាំ គឺនាងទទួលបានសារពីអ្នកគាំទ្រជាច្រើនជូនពរឲ្យនាងមានសុខភាពល្អនិងសម្រស់នៅតែស្រស់ស្អាត ខណៈដែលស្វាមីនាងក៏បានបង្ហោះរូបភាពផ្អែមល្ហែមក្នុងថ្ងៃខួបកំណើតផងដែរ។

ដោយឡែកអ្នកនាង កែវ កល្យាណ ដែលធ្លាប់រួមអា ជីពជាមួយអ្នកនាង អម្ពរ ទេវី កាលពីឆ្នាំ១៩៨៧ ដល់២០០១គេក៏បានឃើញផ្ញើសារជូនពរអ្នកនាងអម្ពរ ទេវី នៅថ្ងៃពិសេសរបស់នាងដែរទើបធ្វើឲ្យអតីតកំពូលតារាសម្ដែងរូបនេះភ្ញាក់ផ្អើលនិងរីករាយជាខ្លាំង។

ខ្លឹមសារនោះអ្នកនាង កែវ កល្យាណក៏បានផ្ញើសារ ទៅអ្នកនាងអម្ពរ ទេវី ថា”យើងសូមជូនពរថ្ងៃខួបកំណើតពួកម៉ាក អម្ពរ ទេវី សូមឲ្យពួកម៉ាកមានសម្រស់ស្អាតជានិច្ចមានក្ដីសុខក្នុងក្រុមគ្រួសារឲ្យប្ដីកាន់ តែស្រលាញ់ថ្នាក់ថ្នមមើលថែរកស៊ីកាន់តែ មានលុយច្រើនៗជាពិសេសមានសុខភាពល្អ ជៀសផុតជំងឺកូវីដចង្រៃនេះ”។

ភ្លាមៗនោះដែរអ្នកនាងអម្ពរ ទេវី បានតបសារទៅអ្នកនាងកែវ កល្យាណថា”អរគុណសម្លាញ់កែវ កល្យាណ ដែលនៅតែនឹករលឹកដល់ខ្ញុំ ថ្ងៃនេះខ្ញុំ ទេវី ចង់ប្រាប់ថា”ស្រលាញ់ពេញបេះដូងស្រលាញ់ ខ្លាំងណាស់”។ដោយឃើញការឆ្លើយឆ្លងគ្នាតាមរយៈពាក្យពេចន៍ផ្អែមល្ហែមទើបឲ្យអ្នកគាំទ្រលើកឡើងថាសិល្បៈគំរូ៕

ដោយ ៖ ចាន់រ៉ា