រ៉េត សារីតា អាចគ្រងមកុដបវរកញ្ញាចក្រវាលកម្ពុជា ដោយសារមានសមត្ថភាពពូកែបែបនេះ – Kampuchea Thmey Daily
Connect with us

ជីវិតកម្សាន្ដ

រ៉េត សារីតា អាចគ្រងមកុដបវរកញ្ញាចក្រវាលកម្ពុជា ដោយសារមានសមត្ថភាពពូកែបែបនេះ

Published

on

ម្ចាស់មកុដបវរកញ្ញាចក្រវាលកម្ពុជា ប្រចាំឆ្នាំ២០២០ កញ្ញា រ៉េត សារីតា មានសមត្ថភាពខ្លាំងមិនធម្មតា បូករួមនិងការឆ្លើយសំណួរប្រកបដោយភាពជឿជាក់ព្រមទាំងចំណេះដឹងផងនោះ ទើបនាងអាចដណ្ដើមបានជយលាភីនារដូវកាលនេះ។

កម្មវិធីប្រកួតប្រជែងបវរកញ្ញាចក្រវាលកម្ពុជា រដូវកាលទី៤  ដែលផ្សាយបន្តផ្ទាល់ពីកញ្ចក់ទូរទស្សន៍បាយ័ន កាលពីថ្ងៃទី ២៦ ខែវិច្ឆិកា  បានរកឃើញម្ចាស់មកុដថ្មីរបស់ខ្លួន ដោយបានទៅលើបេក្ខនារីពាក់ស្លាកលេខ ១៨ កញ្ញា រ៉េត សារីតា។

តើកញ្ាឯកកម្ពុជារូបនេះមានលក្ខណៈអ្វីខ្លះគួរឲ្យទាក់ទាញ?

ម្ចាស់គ្រងមកុដថ្មី រ៉េត សារីតា ក្នុងវ័យ ២៤ ឆ្នាំ បានបញ្ចប់បរិញ្ញាបត្រភាសាអង់គ្លេស និងកំពុងបន្តការសិក្សាថ្នាក់អនុបណ្ឌិតផ្នែក ទំនាក់ទំនងអន្តរជាតិ។ បវរកញ្ញាសម្បុរស្រអែមរូបនេះ ចេះនិយាយភាសាបរទេស ៣ យ៉ាងស្ទាត់គឺ ​ភាសាអង់គ្លេស ថៃ និងបារាំង។

កាលវ័យ ១៩ ឆ្នាំ បវរកញ្ញារូបនេះទទួលបានពានរង្វាន់ជើងឯក CHAMPION AWARD ដំបូងគេនិងក្មេងជាងគេ បន្ទាប់ពីការចាក់ផ្សាយតាមកញ្ចក់ទូរទស្សន៍ BBC Cambodiaដែលមានឈ្មោះថា Love9 ដែលជាកម្មវិធីជួយលើកកម្ពស់ការយល់ដឹងអំពីការអប់រំសុខភាពផ្លូវភេទនិងសុខភាពបន្តពូជសម្រាប់យុវជន។  បន្ថែមពីលើនោះ កញ្ញាធ្លាប់ចូលរួមជាមួយអង្គការក្រៅរដ្ឋាភិបាលមួយចំនួនដើម្បីនិយាយអំពីសុខភាពផ្លូវភេទសម្រាប់យុវជនថែមទៀតផង។

រ៉េត សារីតា មានចំណូលចិត្តលេងបាល់ទាត់ ហែលទឹក និងចម្អិនអាហារ។ កញ្ញាចាប់ផ្តើមធ្វើដំណើរតាំងពីអាយុ ៨ ឆ្នាំ រហូតមកទល់ពេលនេះ នាងបានទៅដល់ប្រទេសមួយចំនួនដូចជា សហរដ្ឋអាមេរិក វៀតណាម ថៃ តៃវ៉ាន់ ហុងកុង ម៉ាឡេស៊ី ឥណ្ឌូនេស៊ី សិង្ហបុរី និងហ្វីលីពីន។

បវរចក្រវាលកម្ពុជា ២០២០ រូបនេះ ក៏ត្រូវបានគេស្គាល់ផងដែរថាជាពិធីការិនីទូរទស្សន៍ដែលបានចូលរួមព្រឹត្តិការណ៍ធំៗនៅក្នុងប្រទេសដូចជា កម្មវិធីប្រកួតអន្តរជាតិពានរង្វាន់រាត្រី និងព្រឹត្តិការណ៍សាជីវកម្មជាច្រើនដែលមានគេស្គាល់ទូទាំងពិភពលោក។ មួយវិញទៀត កញ្ញាជាឯកអគ្គរដ្ឋទូតម៉ាកយីហោរមួយចំនួនផងដែរ។ កញ្ញាក៏ជាតារាសម្តែង អ្នកផលិតខ្សែភាពយន្ត អ្នកអានស្គ្រីប និងទើបតែបញ្ចប់វគ្គសិក្សារបស់ខ្លួនក្នុងការនិពន្ធរឿងថ្មីៗនេះ។

អ្វីកាន់តែភ្ញាក់ផ្អើល រ៉េត សារីតា ក៏ជាអ្នកហ្វឹកហាត់ក្បាច់គុនល្បុក្កតោ ឬ L’bokator ដែលជាក្បាច់ប្រយុទ្ធចំណាស់ជាងគេមួយនៅក្នុងប្រទេសកម្ពុជា៕

អត្ថបទ៖ សន្យា

ចុចអាន៖ ឈុតតំណាងជាតិ​បវរកញ្ញាចក្រវាល និមិត្តរូបវប្បធម៌ដ៏សំបូរបែបនៃព្រះរាជាណាចក្រកម្ពុជា

ចុច Like Facebook កម្ពុជាថ្មី

ព័ត៌មានជាតិ11 mins ago

លោក ហ៊ុន ម៉ា​ណែ​ត ​៖ ការងារ​ហ្វឹកហ្វឺន គឺជា​កិច្ចការ​អាទិភាព ដែល​កងទ័ព​ត្រូវធ្វើ​ដូច​ភ្លៀងរលឹម ដើម្បី​ចូលរួម​អនុវត្ត​គោលនយោបាយ​របស់​រាជ​រដ្ឋាភិបាល

ព័ត៌មានជាតិ1 hour ago

ផ្ទះ​៨​ខ្នង ប្រគល់​ជូន​ អតីតយុទ្ធជន នៅ​ខេត្តបាត់ដំបង និង​កំពុង​បន្ត​សាងសង់​ជាង​៧០​ខ្នង​ទៀត

ព័ត៌មានជាតិ1 hour ago

ព្រះសង្ឃ​ខ្មែរ ៦ អង្គ ត្រូវ​ថៃ​ចាប់​ផ្សឹក ពេល​និមន្ត​បិណ្ឌបាត​យក​បច្ច័យ​ខុសច្បាប់

ព័ត៌មានជាតិ1 hour ago

តម្លៃ​ត្រី​គ្រប់​ប្រភេទ ​មានការ​កើនឡើង ខណៈ​ក្រសួងកសិកម្ម​ផ្អាក​ការ​នាំ​ចូល​ពី​ខាងក្រៅ​ប្រទេស

ព័ត៌មានជាតិ2 hours ago

បណ្តុះបណ្តាល​បច្ចេកទេស​ស្នងការ​ប្រកួត​មុន​បើក​ការប្រកួត​ជើងឯក​កីឡា​ទោចក្រយាន​

ព័ត៌មានពេញនិយម