ជីវិតកម្សាន្ដ

ប៉ែន ចំរ៉ុង ចាត់ទុកលោក ហ្វៃ សំអាង ជាអ្នកមានគុណដំបូងគេលើវិស័យភាពយន្ត

បានផុស

២ years មុន

នៅ

ថ្ងៃចន្ទ ២៤ មករា ២០២២

ដោយ

ភ្នំពេញ ៖ តារាសម្តែងនិងជាពិធីករលោក ប៉ែន ចំរ៉ុង សុខៗស្រាប់តែទម្លាយថាផលិតករភាពយន្តជើងចាស់ដ៏ល្បីឈ្មោះគឺលោក ហ្វៃ សំអាង ជាអ្នកមាន គុណដំបូងគេដែលជួយទ្រោះត្រាយផ្លូវលើវិថីសិល្បៈរហូតធ្វើឲ្យខ្លួនមានឈ្មោះល្បីដល់បច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ែន ចំរ៉ុង ត្រូវបានគេកត់សម្គាល់ថា កន្លងមកលោកមិនត្រឹមតែទាញបានការគាំទ្រនិងមានប្រជាប្រិយភាពនៅលើទីផ្សាសិល្បៈនោះទេ គឺតារាប្រុសរូបនេះថែមទាំងមានឱកាសការងារច្រើនជា បន្តបន្ទាប់ក្រោយចូលប្រឡូកសិល្បៈលើវិស័យសិល្បៈអស់រយៈកាលច្រើនឆ្នាំកន្លងទៅ។

ដោយឡែកបើងាកមកចាប់អារម្មណ៍ចំពោះរឿងរ៉ាវថ្មីទៀតនោះលោក ប៉ែន ចំរ៉ុង បានបង្ហោះរូបភាពអនុស្សាវរីយ៍មួយសន្លឹក ដែលថតរួមគ្នានឹងលោក សួន ពិសិដ្ធ, លោក ម៉េង ប៊ុនឡូ និងរូបលោកផ្ទាល់ កាលពីឆ្នាំ២០០៤ដោយរំលឹកថា រូបថតនេះគឺគ្រាដែលលោកបានចូលរួមថតកុនជាលើកដំបូងៗក្នុងរឿង “ ចៅពស់កេងកង” ដែលដឹកនាំសម្តែងដោយហ្វៃ សំអាំង ខណៈគិតមកដល់ពេលបច្ចុប្បន្ននេះមានរយៈ ពេលជិត២០ហើយ។

ជាមួយគ្នានេះ លោក ប៉ែន ចំរ៉ុង ក៏បានបញ្ជាក់យ៉ាងច្បាស់ៗដូច្នេះថា “នៅតែមិនភ្លេចលោកឈុំ អាឈុន លោកមុំ បូវីនិងក្រុមការងារទាំងអស់ជាគ្រូសម្តែងភាពយន្តខ្នាតធំលើកទី១របស់ខ្ញុំ។ ពិសេសបងប្រុស ហ្វៃ សំអាង ជាអ្នកមានគុណដំបូងដែលបាននាំខ្ញុំឲ្យស្គាល់ការសម្តែងដ៏អស្ចារ្យក្នុងពិភពភាយន្ត”៕

ដោយ ៖ ចាន់រ៉ា