ជីវិតកម្សាន្ដ

ប៉ែន ចំរុង អំពាវនាវសប្បុរសជនចូលរួមឧបត្ថម្ភជួយកុមារខ្វះខាតតាមបន្ទាត់ព្រំដែនកម្ពុជា-វៀតណាម

បានផុស

២ years មុន

នៅ

ថ្ងៃព្រហស្បតិ៍ ៧ វិច្ឆិកា ២០២៤

ដោយ

ពិធីករល្បីឈ្មោះលោក ប៉ែន ចំរុង បានអំពាវនាវដល់សប្បុរសជនចូលរួមជាថវិកា និងសម្ភារៈមួយចំនួនដើម្បីជួយដល់កុមារ(សិស្ស) ដែលកំពុងជួបការខ្វះខាតនៅតាមបណ្ដាដំបន់ព្រំដែននៃកម្ពុជាវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីលោក ប៉ែន ចំរុង បានបញ្ជាក់ថា លោកនិងក្រុមការងារមានគម្រោងចុះចែកសម្ភារៈសិក្សាដល់សិស្សនាពេលឆាប់ៗខាងមុខនេះ ខណៈពេលនេះក៏កំពុងខ្វះខាតនូវសម្ភារៈដូចជា,ប៊ិច ,បន្ទាត់ និងខ្មៅដៃ ជាដើម។

ពិធីករលោក ប៉ែន ចំរុង បានលើកឡើងថា «ត្រៀមរួចរាល់ហើយតែពួកយើងនៅខ្វះ ប៊ិច បន្ទាត់ ខ្មៅ ដៃអរគុណបងប្អូនលោកអ្នកទាំងអស់គ្នាដែលបានគិតគូរជួយដល់កុមារក្រីក្រតាមបន្ទាត់ព្រំដែនកម្ពុជាវៀតណាមពួកយើងមានគោលបំណងជួយកាត់បន្ថយអត្រាបោះបង់ការសិក្សារបស់កុមារដែលកង្វះសម្ភារៈសិក្សាក្នុងសហគមន៍ក្រីក្រ។

លោក ប៉ែន ចំរុង បានបន្តទៀតថា យើងក៏នៅតែបន្តចែកច្រើនតំបន់ទៀតបើអស់លោកលោកស្រី មានជាសម្ភារៈសិក្សា មេត្តាចូលរួមជាមួយនឹងយើងខ្ញុំដោយក្តីអនុគ្រោះផង ហើយក៏ដូចជាចូលរួមចំណែកក្នុងវិស័យអប់រំផងដែរ សិស្សប្រមាណជា ៥០០ នាក់បើលោកអ្នកចាប់អារម្មណ៍ចូលរួមឧបត្ថមសូមទំនាក់ទំនងមកTelegramខ្ញុំផ្ទាល់។

តាមរយៈការអំពាវនាវនេះដែរ គេឃើញមានទស្សនិកជនមួយចំនួនបានបង្ហាញការគាំទ្រ និងលើកទឹកចិត្តឲ្យមានការចូលរួមជាមួយសកម្មភាពមនុស្សធម៌ចែករំលែកក្តីស្រលាញ់ជាមួយពិធីករល្បីឈ្មោះលោក ប៉ែន ចំរុង ផងដែរ ៕

អត្ថបទ៖ ចាន់រ៉ា