ជីវិតកម្សាន្ដ

ជា ចារិនី ខំប្រឹងពង្រឹងសមត្ថភាព ត្រៀមចេញទៅប្រកួត Miss International នាប្រទេសជប៉ុនខាងមុននេះ

បានផុស

៣ years មុន

នៅ

ថ្ងៃអង្គារ ២៥ មករា ២០២២

ដោយ

បវរកញ្ញាដ៏ស្រស់សោភា គឺកញ្ញា ជា ចារិនី ដែលជាម្ចាស់មកុដ Miss Cambodia បន្ទាប់ពីជាប់ឈ្មោះជាម្ចាស់មកុដ មកបច្ចុប្បន្ននាងបាននិងកំពុងព្យាយាមបង្វឹកខ្លួនយ៉ាងខ្លាំង ដើម្បីឱកាសឆ្ពោះទៅកាន់ឆាកអន្តរជាតិនាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការគ្រោងទុកបវរកញ្ញាដ៏ផូរផង់កញ្ញា ជា ចារិនី កំពុងត្រៀមខ្លួនដើម្បីចាកចេញទៅកាន់ប្រទេសជប៉ុននាពេលឆាប់ៗនេះ ក្នុងគោលដៅឆ្ពោះទៅដណ្តើមមកុដជាមួយស្រីស្អាតជាច្រើននាក់ទៀតមកពីបណ្តាប្រទេសនានានៅលើពិភពលោក។ បវរកញ្ញា ជា ចារិនី បានថ្លែងឲ្យដឹងថា ទោះជានាងបានក្លាយជាម្ចាស់មកុដកញ្ញាឯកអន្តរជាតិតំណាងប្រទេសកម្ពុជាពិតមែន តែសម្រាប់សន្ទុះនៃការហ្វឹកហាត់និងស្វែងយល់ពីរបៀបប្រកួតលើឆាកអន្តរជាតិ នាងបានពិនិត្យតាមដានជាប្រចាំ។

ស្រីស្អាត ជា ចារិនី បញ្ជាក់ថា សម្រាប់ពេលនេះពោលគឺអំឡុងពេលមុនឡើងទៅប្រកួតនៅប្រទេសជប៉ុន នាងបានព្យាយាមពង្រឹងរកចំណុចសំខាន់បំពេញភាពខ្វះខាតដូចជា, បង្កើនរបៀបដើរ ការរក្សារូបរាង របៀបធ្វើបទសម្ភាសន៍និងចំណុចខ្លះទៀត ដើម្បីឲ្យមានទុនបន្ថែម។ ដោយឡែងនាងបន្ថែមថា ក្រៅពីក្លាយខ្លួនជាបវរកញ្ញាដូចក្តីសុបិន ជា ចារិនី ក៏មានក្តីស្រមៃចង់ក្លាយជាពិធីការិនីឲ្យបានលេចធ្លោដូចរៀមច្បងឯទៀតផងដែរ។

សូមជម្រាបដែរថា បើគិតពីវិស័យប្រឡងបវរកញ្ញា កញ្ញា ជា ចារិនី បានខិតខំតស៊ូលើវិស័យមួយនេះ មិនដែលបោះបង់នោះទេ ព្រោះសង្ឃឹមថានាងនឹងទទួលបានភាពជោគជ័យថ្ងៃណាមួយមិនខាន។ ភាពមិនចុះចាញ់នេះហើយបានកែប្រែឲ្យ ចារិនី ប្រឹងប្រែងរហូតដណ្តើមបាន មកុដល្អដាច់គេតំណាងជាតិកម្ពុជាឆ្ពោះទៅកាន់ប្រទេសប្រទេសជប៉ុនឆាប់ៗនេះ៕