ជីវិតកម្សាន្ដ

តារាសម្តែងភេទទី៣ ចែ រ៉ូហ្សា បង្ហាញការហួសចិត្តលើសេវារថយន្តសង្គ្រោះមួយ

បានផុស

៤ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

តារាសម្តែងភេទទី៣ លោក គន់ រៀមរតន: ហៅចែ រ៉ូហ្សា ដែលទស្សនិកជនភាគច្រើនស្គាល់តាមរយ:ការសម្តែងភាពយន្តខ្មែរជាច្រើនបានបង្ហាញអារម្មណ៍រន្ធត់ និងហួសចិត្តខ្លាំងលើសេវារថយន្តសង្គ្រោះមួយ ដែលបានដឹកសពសាច់ញាតិរបស់ខ្លួនស្លាប់ដោយសារគ្រោះថ្នាក់ចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះភ្ជាប់ជាមួយរូបភាពដ៏សោកសង្រេង លោក គន់ រៀមរតន: បានរៀបរាប់ថាឡានពេទ្យដឹកពីកន្លែងគ្រោះថ្នាក់ទៅដល់ពេទ្យទា៨០ដុល្លារ ដល់ពេទ្យដឹងថាមនុស្សបានស្លាប់ហើយដឹកសពពីពេទ្យមកកន្លែងគ្រោះថ្នាក់វិញ និងបន្តដឹកពីកន្លែងគ្រោះថ្នាក់ទៅព្រៃវែងចម្ងាយជាង៩០គីឡូយក៣០០ដុល្លារ។

តារារូបនេះបញ្ជាក់ថា ដល់ពេលដឹកសពដល់ផ្ទះ ចាក់ថ្នាំរក្សាសពយក១៧០ដុល្លារទៀត សុំចុះបាន២០ដុល្លារ លើកទី១អត់ដែលបានដឹងទីផ្សារតម្លៃឡានដឹកសព។ លោកមិនបានបញ្ជាក់ទេថា រថយន្តខាងលើជារបស់ខាងមន្ទីរពេទ្យណាឡើយ ខណ:លោកប្រាប់បានកម្ពុជាថ្មីដោយខ្លីថា លោកទៅទាន់ត្រឹមឡានដឹកសពចេញពីពេទ្យវិញ អ្នកបើកឡានពេទ្យថា ឡានដឹកសពគេអត់ដាក់យីហោពេទ្យទេ។

ដោយឡែកនៅលើគណីហ្វេសប៊ុករបស់តារារូបនេះដដែលក៏បានបង្ហោះដែរថា អាំងប៉ាវឆ្នាំថ្មីសម្រាប់ក្រុមគ្រួសារលោក ០២.០២.២០២២ ? ម្តាយចូរពេទ្យ កូនប្រុសគ្រោះថ្នាក់ចរាចរណ៍ស្លាប់ ទុកអោយកូនមិនទាន់ដឹងក្តីកំព្រាឪពុក។ យប់ថ្ងៃទី០២.០២.២០២ ម៉ោង១០និង៣០នាទី សូមវិញ្ញាណក្ខន្ធប្អូនប្រុស សុខ ម៉េង បានទៅកាន់សុគតិភពកុំបីឃ្លាតឡើយ។

លោកបន្ថែមថា នេះគឺជាការជូនដំណឹងដល់បងប្អូនសាច់ញាតិនឹងញាតិអ្នកស្រុកភូមិបានដឹង។ជាមួយ គ្នានៃដំណឹងមរណ:ទុក្ខដ៏ក្រៀមក្រំនិងសោកសៅនេះគេឃើញមានអ្នកគាំទ្រនិងមហាជនជាច្រើនបា នផ្ញើសារចូលរួមរំលែកទុក្ខផងដែរ៕

អត្ថបទ៖ ចាន់រ៉ា

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា