ជីវិតកម្សាន្ដ
អស្ចារ្យ!!! ក្រុមហ៊ុន ហនុមានប៊ែវើរីជីស បន្ថែមទូតសុច្ឆន្ទៈដ៏ល្បីមួយរូបទៀត
ក្រុមហ៊ុន ហនុមានប៊ែវើរីជីស (Hanuman Beverages) ដែលជាក្រុមហ៊ុនផលិតភេសជ្ជៈលំដាប់ស្តង់ដារអន្តរជាតិ និងកំពុងពេញនិយមយ៉ាងខ្លាំងពីសំណាក់បងប្អូនប្រជាជនខ្មែរ និងកាន់តែមានសន្ទុះនៃការគាំទ្រយ៉ាងខ្លាំងពីមួយថ្ងៃទៅមួយថ្ងៃ បានចាប់ដៃគូជាមួយសិល្បការនីដ៏ល្បីល្បាញមួយរូប គឺកញ្ញា ទេព បូព្រឹក្ស ជាទូតសុច្ឆន្ទៈរបស់ក្រុមហ៊ុនហនុមាន ប៊ែវើរីជីស។
នៅក្នុងពិធីស្វាគមន៍ កញ្ញា ទេព បូព្រឹក្ស ជាទូតសុច្ឆន្ទៈផ្លូវការរបស់ក្រុមហ៊ុនហនុមាន ប៊ែវើរីជីស កាលពីថ្ងៃទី៨ មីនា នៅផ្សារទំនើប អ៊ីអនម៉លសែនសុខនេះដែរ លោក Keekong ONG ជានាយកផ្នែកពាណិជ្ជកម្ម និងជាតំណាងលោក Chas Geschke បានមានចំណាប់អារម្មណ៍ថា “ខ្ញុំមានមោទនភាពយ៉ាងក្រៃលែងក្នុងការប្រារព្ធទិវាអន្តរជាតិនារី និងគាំទ្រស្ត្រីនៅទូទាំងពិភពលោក ហើយជាថ្ងៃដ៏ពិសេសដែលខ្ញុំសូមឆ្លៀតឱកាសណែនាំដល់អ្នកទាំងអស់គ្នា និងអតិថិជនរបស់យើងនូវទូតសុច្ឆន្ទៈទី ២ របស់យើងគឺ កញ្ញាទេព បូព្រឹក្ស។ ខ្ញុំតែងតែនិយាយថា “ភេទមិនមែនជាបញ្ហាចោទនោះទេ ភេទរបស់អ្នកមិនកំណត់នូវជំនាញវិជ្ជាជីវៈរបស់អ្នកឡើយហើយក៏មិនអាចកំណត់ថា តើអ្នកពូកែប៉ុណ្ណាដែរ”។
កញ្ញា ទេព បូព្រឹក្ស គឺជាកំពូលតារាដ៏ល្បី នៅក្នុងព្រះរាជាណាចក្រកម្ពុជាហើយគាត់ក៏តំណាងឲ្យស្ត្រីខ្មែរជំនាន់ថ្មីដ៏ខ្លាំងផងដែរ។” ចំណែកឯ កញ្ញា ទេព បូព្រឹក្ស ក្នុងនាមជាទូតសុច្ឆន្ទៈទី២ របស់ ក្រុមហ៊ុន ហនុមានប៊ែវើរីជីស បានបញ្ចេញចំណាប់អារម្មណ៍ថា “នាងខ្ញុំរីករាយក្នុងការទទួលតំណែង ជាទូតសុច្ឆន្ទៈ របស់ក្រុមហ៊ុនហនុមានហើយកាន់តែសប្បាយរីករាយជាងនេះ ទៅទៀតនោះគឺការស្វាគមន៍យ៉ាងកក់ក្តៅ ពីក្រុមហ៊ុនហនុមាន ដោយឈរលើឆន្ទៈនិងការទុកចិត្តស្រលាញ់គាំទ្រយ៉ាងពេញទំហឹងមកលើនាងខ្ញុំ”
គួរកត់សំគាល់អោយឃើញថា បច្ចុប្បន្ននេះ កញ្ញា ទេព បូព្រឹក្ស មានការគាំទ្រយ៉ាងខ្លាំងពីសំណាក់ស្រទាប់យុវវ័យ ទៅលើបទចម្រៀងល្បីៗ និងក្បាច់រាំដ៏ពិសេសៗជាច្រើនរបស់គាត់ ជាពិសេសបទចម្រៀង “វីរនារី” ឬ “Top of The Lady” ដែលមានការចូលទស្សនា រាប់លានដងនៅក្នុងបណ្តាញសង្គម Facebook និង ឆានែល YouTube។
ហើយគួរបញ្ជាក់ផងដែរថា ចាប់តាំងពីឆ្នាំ ២០២០ មក ក្រុមហ៊ុន ហនុមានប៊ែវើរីជីស បានកំណត់ផែនការជាចក្ខុវិស័យវែងឆ្ងាយ ក្នុងការកសាងស្លាកសញ្ញាហនុមាន ដែលផ្តោតសំខាន់លើគុណភាពផលិតផលស្របតាមស្តង់ដារអន្តរជាតិជាចម្បង ក៏ដូចជាយុទ្ធសាស្ត្រផ្សេងៗ ដែលនឹងនាំស្លាកសញ្ញានៃផលិតផលខ្មែរទៅលើឆាកអន្តរជាតិ។ នៅក្នុងផែនការនោះដែរ ក្រុមហ៊ុន មានបំណងរួមសហការជាមួយអ្នកដែលមានទេពកោសល្យកំពូលៗនៅក្នុងប្រទេស ដូចជា កញ្ញា ទេព បូព្រឹក្ស ដើម្បីនាំមកនូវប្រណិតភាពគ្រប់ពេលវេលាជូនដល់អ្នកគាំទ្រក៏ដូចជាអតិថិជនទាំងអស់របស់ ក្រុមហ៊ុន ហនុមាន ប៊ែវើរីជីស៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល