ជីវិតកម្សាន្ដ

ទៀង បូរមី បវរកញ្ញាតំណាងកម្ពុជាកាន់ទង់ជាតិខ្មែរទៅប្រកួតនៅសហរដ្ឋអាមេរិក

បានផុស

១ year មុន

នៅ

ថ្ងៃសុក្រ ១១ វិច្ឆិកា ២០២២

ដោយ

បវរកញ្ញាតំណាងកម្ពុជា ទៀង បូរមី ដែលជាម្ចាស់មកុដ Miss Teen Universe Cambodia 2022 កាលពីថ្ងៃទី១០ ខែវិច្ឆិកា ឆ្នាំ២០២២ បានធ្វើដំណើរចាកចេញពីប្រទេសកម្ពុជាដើម្បីចូលរួមការប្រកួតMiss Teen Universe 2022 នៅទីក្រុង Miami រដ្ឋ Florida សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ ទៀង បូរមី គឺជាបវកញ្ញាយុវតីចក្រវាលនៃកម្ពុជាឆ្នាំ2022 ដែលត្រូវបានជ្រើសរើសជាយុវតីដំបូងគេតំណាងឲ្យកម្ពុជាចូលរួមក្នុងការប្រកួតលើឆាកអន្តរជាតិ MissTeen Universe ក្នុងឆ្នាំ២០២២នេះនាទឹកដីប្រទេសសម្បូរដុល្លារសហរដ្ឋអាមេរិក។ ការចេញទៅប្រកួតនេះ នឹងនាំយកប្រទេសកម្ពុជាទង់ជាតិរបស់កម្ពុជាវប្បធម៌ និងអរិយ្យធម៌ដ៏ស្រស់ផូរផង់របស់កម្ពុជាទៅបង្ហាញនៅលើឆាកនអន្តរជាតិ។

បើតាមការការកត់សម្គាល់នៅក្នុងការចេញដំណើរទៅចូលរួមការប្រកួតMiss Teen Universe នេះ គេឃើញមានវត្តមានបងប្អូនសាច់ញាតិ និងមិត្តភក្តិឪពុកម្តាយរបស់ស្រីស្អាត ទៀង បូរមី ក៏បានបង្ហាញវត្តមានទៅចូលរួមជូនដំណើរ និងជូនពរដល់នាងផងដែរ។

លើសពីនេះមុនពេលចេញទៅប្រកួត ទៀង បូរមី ក៏បានត្រៀមខ្លួនរួចជាស្រេច និងធ្វើការហ្វឹកហាត់យ៉ាងសកម្មពោរពេញដោយភាពជឿជាក់ក្លាហានក្នុងនាមជាយុវតីដំបូងដែលតំណាងឱ្យកម្ពុជាចូលប្រកួតលើឆាកអន្តរជាតិនាពេលនេះ។ ក្នុងនោះដែរក៏មានអ្នកគាំទ្រ និងលេងបណ្ដាញសង្គមហ្វេសប៊ុកបាននាំគ្នាលើកកម្លាំងចិត្តជូនពរឱ្យកញ្ញា ទៀង បូរមី ត្រឡប់មកវិញដោយទទួលបានលទ្ធផលល្អ៕

អត្ថបទ៖ ចា ន់រ៉ា