ជីវិតកម្សាន្ដ

សិល្បករ-សិល្បការិនីល្បីៗជិត ៣០០ នាក់ ត្រៀមអង្រួនឲ្យកក្រើកព្រឹត្តិការណ៍វប្បធម៌«រាត្រីចងចាំ»

បានផុស

១ year មុន

នៅ

ថ្ងៃអង្គារ ១៣ ធ្នូ ២០២២

ដោយ

នៅថ្ងៃទី ១៤ ខែធ្នូ ឆ្នាំ ២០២២ ស្អែកនេះ ក្រសួងវប្បធម៌ និងវិចិត្រសិល្បៈ នឹងរៀបចំព្រឹត្តិការណ៍វប្បធម៌ «រាត្រីចងចាំ» ក្នុងឆ្នាំ ២០២២ ដែលធ្វើឡើងនៅលើទឹកដីប្រវត្តិសាស្ត្រខេត្តសៀមរាបអង្គរ។ អ្វីកាន់តែអស្ចារ្យទៀតនោះ ក៏មានតារាប្រុស-ស្រីល្បីៗជិត ៣០០ នាក់ ត្រៀមខ្លួនអង្រួនឲ្យកក្រើកព្រឹត្តិការណ៍វប្បធម៌នេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះចែករំលែកអបជាមួយរូបភាពនៅលើទំព័រហ្វេសប៊ុកលោក ម៉ែន និមលរតន៍ បានឲ្យដឹងថា ពិធីក្រុងពាលីព្រឹត្តិការណ៍វប្បធម៌ : ដើម្បីចូលរួមអបអរសាទរខួបអនុស្សាវរីយ៍ ៣០ ឆ្នាំ នៃការដាក់បញ្ចូលតំបន់ប្រាសាទអង្គរជាសម្បត្តិបេតិកភណ្ឌពិភពលោក ក្រសួងវប្បធម៌ និងវិចិត្រសិល្បៈ នឹងរៀបចំកម្មវិធីដ៏ធំមួយគឺកម្មវិធី”រាត្រីចង់ចាំ” ដែលចូលរួមសម្ដែងដោយសិល្បករ-សិល្បការិនីជិត ៣០០ នាក់។ CIM Stars ពិតជាមានកិត្តិយសបានចូលរួមសម្តែងក្នុងមហាព្រឹត្តិការណ៍វប្បធម៌នេះជាមួយរៀមច្បង។

ប្រាកដណាស់ព្រឹត្តិការណ៍វប្បធម៌ «រាត្រីចងចាំ» ក្នុងឆ្នាំ ២០២២ នេះ គឺរៀបចំឡើងដើម្បីចូលអបអរខួបអនុស្សាវរីយ៍ ៣០ ឆ្នាំ នៃការដាក់បញ្ចូលតំបន់អង្គរចូលជាសម្បត្តិបេតិកភណ្ឌពិភពលោកនៅលើទឹកដីអង្គរខេត្តសៀមរាប។ ក្នុងការអបអរព្រឹត្តិការណ៍ដ៏អស្ចារ្យនេះដែរ នឹងមានការចូលរួមសម្ដែងដោយសិល្បករ-សិល្បការិនីល្បីៗជាច្រើននាក់។

ព្រឹត្តិការណ៍វប្បធម៌«រាត្រីចងចាំ» ដែលត្រៀមធ្វើឡើងនៅលើទឹកដីខេត្តសៀមរាប នាថ្ងៃទី ១៤ ខែធ្នូនេះ ក៏មានការបង្ហាញទស្សនីយភាពដូចជា, ការសម្ដែងរបាំបុរាណ ,ល្ខោនស្រមោលស្បែកធំ ,ល្ខោនខោល, គុនល្បុក្កតោ នាបរិវេណខាងកើតប្រាសាទអង្គរវត្ត។ ក្នុងនោះមហាជនក៏អាចចូលរួមទស្សនាបានដោយសេរីចាប់ពីវេលាម៉ោង ០៥ ល្ងាច៕

អត្ថបទ ៖ ចាន់រ៉ា