Connect with us

ជីវិតកម្សាន្ដ

ពេជ្រ វត្តីសារ៉ាវឌ្ឍី ប្រឹងហ្វឹកហាត់ត្រៀមសម្តែង​ក្នុងមហាព្រឹត្តិការណ៍វប្បធម៌«រាត្រីចងចាំ»

បានផុស

នៅ

កញ្ញា ពេជ្រ វត្តីសារ៉ាវឌ្ឍី ម្ចាស់មកុដ MissGrand Cambodia ២០២២ បានប្រឹងប្រែងហ្វឹកហាត់​ត្រៀមចូលរួមសម្តែងក្នុងព្រឹត្តិការណ៍​វប្បធម៌«រាត្រីចងចាំ »នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីបង្ហាញក្តីរំភើបបវរកញ្ញា ពេជ្រ វត្តីសារ៉ាវឌ្ឍី បានប្រាប់អ្នកគាំទ្រខ្លួនឲ្យចូលរួមទស្សនានិងផ្តល់កំលាំងចិត្តដល់​នាងសម្រាប់មហាព្រឹត្តិការណ៍វប្បធម៌«រាត្រីចងចាំ»។ កញ្ញា សារ៉ាវឌ្ឍី បានលើកឡើងថា «បងប្អូនដែលនៅគ្រប់ខេត្តក្រុង ជាពិសេសបងប្អូនហ្វេនអូនតី ដែលជាអ្នកសៀមរាបកុំភ្លេចមកចូលរួម និងផ្តល់កំលាំងដល់អូនតីផ្ទាល់ផងណា»។

បន្ថែមពីនេះកញ្ញា ពេជ្រ វត្តីសារ៉ាវឌ្ឍី បានបញ្ជាក់ថា «ខ្ញុំស្រលាញ់វប្បធម៌ខ្មែរ “ចេញតែ Posterមកក៏ព្រឺសម្បុរដែរ ជាកិត្តិយសណាស់ដែលនាងខ្ញុំជាសិល្បៈជំនាន់ក្រោយមានឱកាសចូលរួមជាចំណែកមួយក្នុងមហាព្រឹត្តិការណ៍វប្បធម៌ដ៏អស្ចារ្យរបស់ខ្មែរយើង ជួបគ្នានៅសៀមរាបណាគ្នាយើងថ្ងៃ១៣-១៤ធ្នូ២០២៣»។

សូមបញ្ជាក់ថា នាថ្ងៃទី១៤ខែ ធ្នូឆ្នាំ ២០២៣ខាងមុខនេះ ក្រសួងវប្បធម៌ និងវិចិត្រសិល្ប:នឹងរៀបចំមហា​ព្រឹត្តិការណ៍​វប្បធម៌«រាត្រីចងចាំ»លើកទី៤ ក្នុងឆ្នាំ២០២៣ ដែលធ្វើឡើងនៅលើទឹកដីប្រវត្តិសាស្រ្តខេត្តសៀមរាបអង្គរ។

មហាព្រឹត្តិការណ៍វប្បធម៌អស្ចារ្យទៀតនោះ ក៏មានការចូលរួមសម្តែងដោយសិល្បករ-សិល្បការិនីល្បីៗជាង ៣០០នាក់ ត្រៀមខ្លួនអង្រួនឲ្យកក្រើកព្រឹត្តិការណ៍វប្បធម៌នេះផងដែរ។

នៅក្នុងមហាព្រឹត្តិការណ៍ទស្សនីយភាពសិល្ប:វប្បធម៌ដ៏អស្ចារ្យ”រាត្រីចងចាំលើកទី៤” ឆ្នាំ២០២៣ ក៏មានការបង្ហាញ​ជូននូវសម្បត្តិបេតិកភណ្ឌវប្បធម៌រូបី និងអរូបីព្រមទស្សនីយភាពសិល្ប:ចម្រុះជាច្រើនទម្រង់។ មហាព្រឹត្តិការណ៍​ដ៏អស្ចារ្យនេះ នឹងមានការចូលរួមសម្តែងពីសិល្បករ-សិល្បការិនីទាំងក្នុង និងក្រៅប្រព័ន្ធជាង ៣០០នាក់។ ក្នុងនោះ មហាជនជនក៏អាចចូលរួមទស្សនាបានដោយសេរីនៅក្នុងបរិវេណព្រះលានជល់ដំរីវេលាម៉ោង១៧:០០ ល្ងាចតទៅ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៩ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ៤៥ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម