Taylor Swift ត្រៀមចេញចម្រៀងថ្មី ៤ បទ មុនការប្រគំតន្ត្រីទេសចរណ៍ពិភពលោក

Taylor Swift បានប្រកាសកាលពីពេលថ្មីៗនេះថា នាងនឹងធ្វើឲ្យអ្នកគាំទ្រភ្ញាក់ផ្អើលជាមួយនឹងការចេញបទចម្រៀងចំនួន ៤ បទ មុនការប្រគំតន្ត្រីទេសចរណ៍ពិភពលោកនាពេលខាងមុខរបស់នាង ។

Taylor Swift បានចែករំលែកក្នុងការបង្ហោះនៅលើគណនី Instagram ផ្ទាល់ខ្លួនរបស់នាងដែលបង្ហាញពីរូបភាព ៣ សន្លឹក និងបានសរសេរថា “ក្នុងកម្មវិធីការប្រគំតន្ត្រីទេសចរណ៍ Eras Tour ខ្ញុំនឹងចេញចម្រៀង ៤ បទក្នុងអាល់ប៊ុម Midnight “។

យោងតាមការបង្ហោះរបស់នាង បទថ្មីទាំង ៤ នោះនឹងរួមបញ្ចូលការថតឡើងវិញនូវបទចម្រៀង “Eyes Open” និង “Safe & Sound” ដែលបង្ហាញពី Joy Williams និង John Paul White ជាអតីតក្រុមតន្រ្តី The Civil Wars ដែលបានរំសាយក្រុមនៅឆ្នាំ ២០១៤ ។ ជាមួយគ្នានេះ នឹងមានការ ថតឡើងវិញនូវបទ “If This Was a Movie” ឆ្នាំ ២០១០ របស់នាង និងបទចម្រៀងមួយទៀតដែលមានចំណងជើងថា “All of the Girls You Loved Before” ។

ទន្ទឹមនឹងនោះ អ្នកគាំទ្រ Taylor Swift ក៏កំពុងរង់ចាំយ៉ាងអន្ទះសារ ក៏ដូចជាត្រៀមបង្ហាញការភ្ញាក់ផ្អើលចំពោះការចេញបទចម្រៀងថ្មីចំនួន ៤ បទ មុនពេលនាងចេញដំណើរប្រគំតន្ត្រីទេសចរណ៍ពិភពលោក ៕

ប្រែសម្រួល៖នាងតូច

ចុចអាន៖Cha Joo Young លាតត្រដាងការពិតនៃឈុតឆាកស្រាតននលគកក្នុងរឿង “The Glory”