Angelina Jolie បដិសេធចចាមអារ៉ាមណាត់ជួបមហាសេដ្ឋីម្នាក់

ក្រោយពីមានពាក្យចចាមអារ៉ាមជាច្រើនថាអ្នកស្រី Angelina Jolie ត្រូវគេឃើញទទួលទានអាហារថ្ងៃត្រង់ជាមួយមហាសេដ្ឋី David Mayer de Rothschild បានផ្ទុះឡើង ភ្លាមៗនោះតារាស្រីរូបនេះបដិសេធថាមិនមែនណាត់ជួបស្នេហានោះទេ ដោយសារតែបញ្ហាការងារ។

លើសពីនេះ ប្រភពពីភោជនីដ្ឋានក៏បានបង្ហើបថាអ្នកទាំងពីរមិនបានទទួលទានអាហារថ្ងៃត្រង់ដោយឡែកពីគ្នានោះទេ គឺបានណាត់ជួបជាមួយមនុស្សមួយក្រុមទៀត។ ប្រភពនេះក៏បាននិយាយដែរថា នេះមិនមែនជាការណាត់ជួបដូចពាក្យចចាមអារ៉ាមៗជាច្រើនបានផ្ទុះឡើងនោះទេ។

ប្រភពជាច្រើនផ្សេងទៀតជឿថា អ្នកទាំងពីរបានជួបគ្នាដើម្បីពិភាក្សាអំពីគម្រោងបរិស្ថាននាពេលខាងមុខ។ ព្រោះតែមហាសេដ្ឋីជនជាតិអង់គ្លេស គឺជាអ្នកតស៊ូមតិផ្នែកបរិស្ថាន និងធ្លាប់ធ្វើជាទូតសុឆន្ទៈរថយន្តអគ្គិសនី Hyundai IONIQ ដូច្នេះហើយ វាអាចទៅរួចដែលថាកិច្ចប្រជុំ បញ្ហាការងារបរិស្ថាននា ។

ជាក់ស្តែង ចាប់តាំងពីបែកគ្នាជាមួយអតីតស្វាមី Brad Pitt កាលពីឆ្នាំ ២០១៦ មកអ្នកស្រី Angelian Jolie មិនបានប្រកាសជាសាធារណៈអំពីទំនាក់ទំនងស្នេហាផ្សេងទៀតឡើយ។ ក្នុងឆ្នាំ២០១៩ អ្នកទាំងពីរត្រូវបានតុលាការប្រកាសថានៅលីវជាផ្លូវការ ទោះបីជាយ៉ាងនេះក្តីនៅមានបញ្ហាទាក់ទងនឹង ទ្រព្យសម្បត្តិមិនអាចដោះស្រាយទាន់សម្រេច ៕

ប្រែសម្រួល៖នាងតូច

ចុចអាន៖ទ្រព្យសម្បត្តិរបស់ Hailey កើនឡើង ១០ ដង ក្រោយរៀបការជាមួយ Justin Bieber