ខកខានជិត ៥ឆ្នាំ កម្មវិធី Victoria’s Secret ប្រកាសត្រឡប់មកវិញ និងប្ដូរឈ្មោះថ្មី

កម្មវិធីបង្ហាញម៉ូដឈុតប៊ីគីនីដ៏ធំ និងពេញនិយម Victoria’s Secret ដែលធ្លាប់ល្បីល្បាញលើពិភពលោកអស់ពេលជាច្រើនឆ្នាំ បានប្រកាសវិលត្រឡប់មកវិញម្ដងទៀត ក្រោយលុបចោលការសម្ដែងអស់ជិត ៥ឆ្នាំ ព្រោះតែរឿងអាស្រូវផ្ទៃក្នុង។

កាលពីឆ្នាំ២០១៩ កម្មវិធី Victoria’s Secret បានធ្វើសេចក្តីប្រកាសជាផ្លូវការអំពីការលុបចោលកម្មវិធី Victoria’s Secret Fashion Show 2019 រហូតមកដល់ពេលនេះ ក្រុមហ៊ុនបានបញ្ជាក់ថា ខ្លួនត្រឡប់មកលើឆាកបង្ហាញម៉ូដជាថ្មី ដោយប្ដូរឈ្មោះពី Victoria’s Secret Fashion Show ទៅជា Victoria’s Secret World Tour វិញម្ដង។

ចំពោះព្រឹត្តិការណ៍ Victoria’s Secret World Tour នេះដែរ ត្រៀមនឹងត្រឡប់មកវិញនៅចុងឆ្នាំ២០២៣ ជាមួយនឹងការបង្ហាញដ៏ធំ ទាន់សម័យ និងទូលំទូលាយជាងមុន ដែលនឹងប្រព្រឹត្តទៅជាដំណើរទេសចរណ៍ជាសកល ជាជាងការដើរបង្ហាញម៉ូដសម្លៀកបំពាក់ខោអាវក្នុងតែមួយមុខ។

Victoria’s Secret World Tour 2023 នឹងធ្វើឡើងនៅទីក្រុងចំនួនបួនធំៗរួមមានទីក្រុងតូក្យូ (ប្រទេសជប៉ុន) បូហ្គោតា (កូឡុំប៊ី) ទីក្រុងឡុងដ៍ (ចក្រភពអង់គ្លេស) និងទីក្រុងឡាហ្គោស (ប្រទេសនីហ្សេរីយ៉ា)។

ព័ត៌មាន​នេះ​បាន​ធ្វើ​ឲ្យ​អ្នក​គាំទ្រ​មាន​ការ​ភ្ញាក់​ផ្អើលយ៉ាងខ្លាំង ប៉ុន្តែ​ស្របពេលជាមួយគ្នា ព្រឹត្តិការណ៍ Victoria’s Secret World Tour បានបាត់បង់ចំណាប់អារម្មណ៍ពីសាធារណជន ហាក់លែងមានអ្នកចង់ទស្សនាការបង្ហាញម៉ូដនេះតទៅទៀតហើយ៕

ប្រែសម្រួល៖ សន្យា

ចុចអាន៖ បុគ្គលល្បីលំដាប់ពិភពលោក ៦ រូប មិនសេពគ្រឿងស្រវឹងដាច់ខាត

ចុចអាន៖ អាថ៌កំបាំងសម្រស់មិនចេះចាស់របស់ ហ្វាន ពីងពីង ទោះមានវ័យ ៤១ ឆ្នាំក្ដី