Connect with us

ជីវិតកម្សាន្ដ

អាថ៌កំបាំងសម្រស់មិនចេះចាស់របស់ ហ្វាន ពីងពីង ទោះមានវ័យ ៤១ ឆ្នាំក្ដី

បានផុស

នៅ

ថ្មីៗនេះ ហ្វាន ពីងពីង បានក្លាយជាប្រធានបទនៃការចាប់អារម្មណ៍យ៉ាងខ្លាំង នៅពេលនាងបង្ហាញរូប​នៃមុខទទេស្អាត​ក្នុងអាយុ ៤១ ឆ្នាំ ខណៈអ្នក​គាំទ្រ​មានការ​ភ្ញាក់ផ្អើល​នឹង​សម្រស់​របស់​តារា​ចិនរូបនេះថា ស្អាត​ដូច​ធម្មជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ដើម្បីរក្សាភាពស្រស់ស្អាតនិងក្មេងជាងវ័យ ហ្វាន ពីងពីង​ តែងតែ​មាន​របបថែរក្សាស្បែកយ៉ាងប្រុងប្រយ័ត្ន។ ទម្លាប់ថែរក្សាស្បែករបស់នាង​គឺមាន​រហូតដល់ទៅ២៨ ជំហានក្នុងមួយថ្ងៃ នៅពេលព្រឹក តារា​ស្រី​ជើង​ចាស់​រូបនេះ​អនុវត្ត ១៣ ជំហាន នៅពេលល្ងាច ១៥ ជំហាន ហើយផ្តល់អាទិភាព​ដោយ​ប្រើ​គ្រឿងផ្សំ​សំខាន់ៗដើម្បី​កែលំអ​ស្បែក។ ជាដំបូងត្រូវយកចិត្តទុកដាក់លើជំហាននៃការ​លាង​សម្អាត ជាពិសេស​ត្រូវលាងដៃមុនពេល​លាងសម្អាតមុខ។

ចំណែកជំហាន​សំខាន់​ពិសេស​ដែល​សម្រស់​របស់ ហ្វាន់ ពីងពីង ​តែងតែ​យកចិត្តទុកដាក់​គឺ​ការ​លាង​មុខ​ជាមួយ​ទឹកឃ្មុំ។ ព្រោះ​ទឹកឃ្មុំមានផ្ទុកនូវវីតាមីន B1, B2, B3, B6, C ជាច្រើន​ដែល​ជួយធ្វើឲ្យ​ស្បែក​ទន់ កាត់​បន្ថយភាព​គ្រើម និងធ្វើឲ្យមុខស្អាត ហើយថែមទាំងការពារការសំយោគនៃសារធាតុ melanin ដែល​បណ្ដាល​ឲ្យ​ខ្មៅ ជួយកាត់បន្ថយ​ស្នាម​អុច​ខ្មៅ និង​ស្នាម​សង្វារ។

ដោយឡែក​ ​យោង​តាម​របាយការណ៍​ខ្លះ​បាន​បញ្ជាក់​ថា ហ្វាន់ ពីងពីង ប្រើ​ម៉ាស​ច្រើនជាង ៦០០ ក្នុងមួយឆ្នាំដើម្បី​ថែរក្សាស្បែក​របស់នាង។ យ៉ាង​ណា​ក៏​ដោយ ក្រោយ​មក​នាង​បាន​កែ​ពាក្យ​ចចាមអារ៉ាម​នេះ​ថា​មិន​ត្រឹម​ត្រូវ។ តាមពិតតារា​វ័យ​៤១​ឆ្នាំ​តែង​តែ​លាប​មុខ​រៀងរាល់​២-៣​ថ្ងៃ​ម្តង ប៉ុន្តែ​ពេល​ខ្លះ​ម្តង​ក្នុង​មួយ​ថ្ងៃ។ លើសពីនេះ នាងក៏ប្រកាន់ខ្ជាប់នូវរបបអាហារ​ដែលមានសុខភាពល្អ និង​លេងកីឡាដើម្បីបង្កើនកាយសម្បទារបស់នាងផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Liu Yifei ធ្លាប់ជាជនរងគ្រោះនៃអំពើហិង្សាក្នុងសាលារៀន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម