Lisa រក្សាភាពស្ងៀមស្ងាត់ ក្រោយអ្នកកាសែតសួរនាំទំនាក់ទំនងជាមួយ Park Bo Gum

កាលពីថ្ងៃទី២៨ ខែមិថុនា ឆ្នាំ២០២៣ កន្លងទៅនេះ តារារ៉េប Lisa សមាជិកក្រុម BLACKPINK បានធ្វើឲ្យទស្សនិកជនលើកឈ្មោះរបស់នាងមកជជែកគ្នាពេញបណ្ដាញសង្គម បន្ទាប់ពីលេចមុខក្នុងព្រឹត្តិការណ៍ម៉ាកប្រណីត BVLGARI គម្រប់ខួប ៧៥ឆ្នាំ នៅទីក្រុងសេអ៊ូល ប្រទេសកូរ៉េខាងត្បូង។

បង្ហាញខ្លួនក្នុងព្រឹត្តិការណ៍លំដាប់អន្តរជាតិមួយនេះ Lisa ត្រូវបានទស្សនិកជន ក៏ដូចជាអ្នកកាសែតតាមចាប់អារម្មណ៍ទាំងស្ទីលតែងខ្លួនថ្មីប្លែក និងសម្លៀកបំពាក់ប្រណីត ដែលមានតម្លៃដល់ទៅជិត ៦ពាន់ដុល្លារ ក្នុងមួយឈុត។

ទោះយ៉ាងណា ​នេះមិនមែនជាអ្វីដែលអ្នកសារព័ត៌មានចាប់អារម្មណ៍តែមួយប៉ុណ្ណោះទេ ដោយសារនាពេលថ្មីៗកន្លងទៅ Lisa រងពាក្យចចាមអារ៉ាមស្នេហាជាមួយតារាសម្ដែង Park Bo Gum ដូច្នេះបន្ទាប់ឃើញវត្តមាននាងជាសាធារណៈ អ្នកកាសែតបានតាមសួរនាំអំពីពាក្យចចាមអារ៉ាមទាំងនោះ។

យ៉ាងណាមិញ ជុំវិញសំណួរអ្នកកាសែតលើរឿងឯកជនរបស់​នាង Lisa បានរក្សាភាពស្ងៀមស្ងាត់មិននិយាយអ្វីទាំងអស់ ដោយនាងព្យាយាមគេចមិនឆ្លើយ និងបែរមុខឆ្វេងស្ដាំឱ្យគេថតរូបជំនួសវិញ។ ពេលនេះពាក្យចចាអារ៉ាមនៅតែជាមន្ទិលសង្ស័យពីទស្សនិកជន ព្រោះតែ Lisa មិនព្រមបកស្រាយ ខណៈ Park Bo Gum ឯណោះវិញក៏ពុំចេញមុខឆ្លើយតបអ្វីដែរ៕

ប្រែសម្រួល៖ សន្យា

ចុចអាន៖ អ្នកគាំទ្រមានការសង្ស័យ Lisa សមាជិក Black pink ណាត់ជួប Park Bo Gum

ចុចអាន៖ Lisa ខកចិត្តដែលអ្នកគាំទ្រយល់ច្រឡំលើស្នាមសាក់របស់នាង