ជីវិតកម្សាន្ដ

ពេជ្រ សូលីកា អះអាងថា សម្ពាធផ្លូវចិត្ត និងការមិនឱ្យតម្លៃទេជារឿងគួរខ្លាចបំផុត

បានផុស

២ years មុន

នៅ

ថ្ងៃចន្ទ ១៧ កក្កដា ២០២៣

ដោយ

អ្នកនាង ពេជ្រ សូលីកា បន្ទាប់ពីឆ្លងកាត់រឿងរ៉ាវចាក់ស្រេះជាច្រើននៅលើវិថីជីវិតផ្ទាល់ខ្លួន បច្ចុប្បន្នគេសង្កេតឃើញថា អ្នកម្ដាយ Single រូបនេះ ហាក់មានភាពរឹងមាំឡើងវិញ ពិសេសជារឿយៗ នាងបានបង្ហាញការតុបតែងខ្លួនយ៉ាងស្រស់ស្អាតមិនចាញ់ក្រមុំ ហើយឧស្សាហ៍ធ្វើដំណើរកម្សាន្តដើម្បីរំសាយឱ្យអស់ទុក្ខកង្វល់នានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់ជីវិតដ៏លំបាក និងការតស៊ូជាច្រើនកន្លងមកនេះបានបង្រៀនតារាចម្រៀង ពេជ្រ សូលីកា ឱ្យកាន់តែមានភាពរឹងមាំសម្រាប់ជីវិតមួយនេះ។ ម្យ៉ាងទៀត គេកត់សម្គាល់ថា ពេជ្រ សូលីកា សព្វថ្ងៃក៏បានបំពេញតួនាទីយ៉ាងល្អក្នុងការមើលថែរក្សាកូន ថ្វីត្បិតនាងក្លាយជាស្ត្រីមេម៉ាយមួយរយៈធំមកនេះ។ មុននេះដែរ អ្នកនាងបានអះអាងថា មានតែសម្ពាធផ្លូវចិត្ត និងការមិនឱ្យតម្លៃទេជារឿងគួរខ្លាចបំផុត។

តារាចម្រៀងមេម៉ាយចាយសម្រស់ ពេជ្រ សូលីកា បានបញ្ជាក់ថា «ជីវិត single mom បានបង្រៀនខ្ញុំមកច្រើនណាស់ ការក្លាយជា single mom គ្មានអ្វីគួរឱ្យខ្លាចនោះទេ ហើយអ្វីដែលគួរឱ្យខ្លាច គឺយើងរស់នៅទាំងមានសម្ពាធផ្លូវចិត្ត និងគ្មានតម្លៃ អរគុណបញ្ហាដែលធ្វើឱ្យខ្ញុំរឹងមាំមកដល់ថ្ងៃនេះ»។

ជាការពិតតារាចម្រៀង ពេជ្រ សូលីកា ត្រូវបានគេចាត់ទុកថា នាងជាស្រ្តីម្នាក់ដែលមានភាពរឹងមាំគ្រប់ជំហាន ទោះបីកន្លងមកតារាស្រីរូបនេះ ទើបតែជួបប្រទះបញ្ហាប្រឈមមុខមួយចំនួនក៏ដោយ។

សូមជម្រាបដែរថា ស្រីស្រស់ ពេជ្រ សូលីកា អំឡុងមួយរយៈចុងក្រោយនេះ ហាក់ជួបប្រទះនូវរឿងរ៉ាវស្មុគស្មាញ និងមិនសប្បាយចិត្តមួយចំនួន ពោលចាប់តាំងពីមានដំណឹង នៃការបែកបាក់ស្វាមី។ ជាការកត់សម្គាល់ អ្នកនាង ពេជ្រ សូលីកា ថ្មីៗនេះ រំលងបញ្ហាមួយចូលដល់បញ្ហាមួយ ខណៈសាមីខ្លួនស្ទើរតែបាក់ទឹកចិត្តទៅហើយ៕

អត្ថបទ ៖ ចាន់រ៉ា