ពេជ្រ សូលីកា ចាយសម្រស់ក្បែរប្រាង្គចំណាស់របស់ខ្មែរ ជាមួយឈុតសហសម័យ ឆ្លុះបញ្ចាំងពីកេរដំណែលមិនអាចកាត់ថ្លៃ

មុននេះ រាជិនីមនោញ្ចេតនា ពេជ្រ សូលីកា បានបង្ហាញរូបភាពជាច្រើនសន្លឹក ជាមួយនឹងការតុបតែងខ្លួនបែបសហសម័យ ផ្សារភ្ជាប់សំណង់បុរាណខ្មែរ និងធម្មជាតិ ហាក់កំពុងឆ្លុះបញ្ចាំងពីគុណតម្លៃនៃអរិយធម៌ដ៏រុងរឿងរបស់ខ្មែរ ជាមួយនឹងខ្លឹមសារដ៏មានន័យថា “កម្ពុជាទន់ភ្លន់ តែមិនទន់ជ្រាយ សត្រូវមកពីមុខឱ្យរំលង សត្រូវមកពីខ្នងឱ្យរលាយ អាណាចក្រអង្គរ”។

ជាការកត់សម្គាល់ អំឡុងដែលកម្ពុជាកំពុងរងការឈ្លានពានពីសំណាក់កងទ័ពសៀម ដែលប៉ងលួចទាំងដី ទាំងវប្បធម៌ សិល្បករសិល្បការិនីខ្មែរជាច្រើនរូប កាន់តែបន្តផុសផុលផ្សព្វផ្សាយកេរតំណែលមិនអាចកាត់ថ្លៃរបស់ខ្មែរទ្វេដង មិនថាវប្បធម៌ ឬទេសចរណ៍នោះឡើយ ខណៈបើក្រឡេកមើលតារាចម្រៀងដ៏មានប្រជាប្រិយ ពេជ្រ សូលីកា ក៏មិនខុសគ្នានោះដែរ។

តាមរយៈឈុតសហម័យ អមដោយកាយវិការបញ្ជាក់ន័យពីភាពទន់ភ្លន់ ទន្ទឹមនឹងភាពរឹងមាំដែលខ្មែរមាន តារាចម្រៀងស្រីរូបនេះ ក៏ទទួលបានការស្រលាញ់ពេញចិត្តពីសាធារណជន ពិសេសអ្នកគាំទ្រផងដែរ។