ជីវិតកម្សាន្ដ

Miss Grand Cambodia តំណាងខេត្តព្រះសីហនុឆ្នាំនេះលេចធ្លោមិនចាញ់រៀមច្បង

បានផុស

៣ years មុន

នៅ

ថ្ងៃសុក្រ ២១ កក្កដា ២០២៣

ដោយ

កញ្ញា ណង និត ដែលបច្ចុប្បន្នមហាជនជ្រាបហើយថា នាងជាបេក្ខភាពម្នាក់កំពុងត្រៀមខ្លួនក្នុងការប្រកួត «Miss Grand Cambodia 2023» ដ៏លេចធ្លោ ក្នុងចំណោមបេក្ខភាពចំនួន ២៥ រូប។ បេក្ខភាព «Miss Grand» រូបនេះ ចេញមកតំណាងឱ្យខេត្ដព្រះសីហនុ។

ទន្ទឹមនឹងការលេចវត្តមានចូលរួមប្រកួតដណ្ដើមមកុដរបស់ស្រីស្អាតតំណាងខេត្តព្រះសីហនុ កញ្ញា ណង និត រូបនេះដែរក៏មានការលើកឡើងដោយបានមើលឃើញពីសមត្ថភាព និងរូបសម្រស់នាងផងដែរ។ ក្នុងនោះនៅលើផេក«Universe Pageant» បានបង្ហោះថា ឆ្នាំមុនបវរកញ្ញាតំណាងឱ្យខេត្ដព្រះសីហនុ បានក្លាយទៅជាម្ចាស់មកុដ «Miss Grand Cambodia 2022»។ ហើយបើក្រឡេកមកមើលឆ្នាំ ២០២៣ វិញម្ដង បវរកញ្ញាតំណាងឱ្យខេត្តរូបនេះ ក៏នៅតែលេចធ្លោមិនចាញ់រៀមច្បងប៉ុន្មានទេ។

ប្រភពបានបញ្ជាក់ដែរថា «ទាំងរូបសម្រស់ ចំណេះ និង Catwalk គឺល្អតែម្ដង។ រងចាំមើលថា តើក្នុងឆ្នាំនេះ បវរកញ្ញាតំណាងឱ្យខេត្តព្រះសីហនុ អាចធ្វើបានដល់កម្រិតណាក្នុងការប្រជែងដណ្ដើមមកុដ Miss Gr and Cambodia 2023 …?»។

ជាមួយគ្នានោះ ក៏មានការបញ្ចេញមតិដែរថា “ទម្រង់មុខ និងដងខ្លួនគាត់ស្អាត ចាំមើលថាការដើររបស់គាត់ និង Q&A គាត់យ៉ាងណាដែរ បវរកញ្ញាខេត្តផ្សេងទៀតកុំភ្លេចខ្លួនស្ងាត់ៗ ប្រយ័ត្នមកុដជារបស់គាត់ទៅ”។

ទោះបីជាយ៉ាងណា គេនៅមិនទាន់ដឹងទេថា Miss Grand តំណាងខេត្តព្រះសីហនុរូបនេះ អាចយកឈ្នះបេក្ខភាពផ្សេងៗ បាន ឬអត់នោះទេ ព្រោះគេក៏សង្កេតឃើញថា បេក្ខភាពប្រកួតឆ្នាំនេះសុទ្ធតែមានសមត្ថភាព និងភាពខ្លាំងរៀងៗខ្លួន៕

អត្ថបទ ៖ ចាន់រ៉ា