ជីវិតកម្សាន្ដ

មហាជនស្រក់ទឹកភ្នែក ក្រោយឃើញម្ដាយកូនយំឱបគ្នា ពេលរម្លឹកពីជីវិតជួបព្យុះមិនចេះចប់

បានផុស

២ years មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

តារាសម្ដែងស្រី Ice Preechaya ក្នុងឆ្នាំនេះនាងជួបរឿងជាច្រើនចូលមកដល់ជីវិតសឹងនឹកស្មានមិនដល់ដោយទើបដួលសន្លប់ច្រើនដងដោយសារហត់នឿយនិងតានតឹង។ ក្រោយមកស្រាប់តែលេចឮដំណឹងទិញថ្នាំពុល Cyanide រហូតត្រូវគេលុបចោលការងារ រួមផ្សំនឹងឪពុកឈឺនិងម្តាយមានរោគមហារីកថ្លើមថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញនាពេលថ្មីៗនេះ Ice Preechaya និងម្តាយបានផ្ដល់បទសម្ភាសន៍តាមរយៈកម្មវិធី Exposure នៅលើប៉ុស្តិ៍ GMM25 ជាមួយពិធីករទាំងយំស្រាក ក្រោយរម្លឹកនូវរឿងរ៉ាវដ៏ឈឺចាប់ឥតលោះពេល ចូលមកក្នុងជីវិតនិងក្រុមគ្រួសាររបស់នាង។

នៅក្នុងបទសម្ភាសន៍ម្តាយរបស់នាងតារាសម្ដែង Ice បានប្រាប់ពីជីវិតគ្រួសារដែលក្ស័យធនត្រូវផ្លាស់ទៅរស់នៅខេត្ត Phetchabun និងអំពី Ice ត្រូវបានគេធ្វើបាបតាំងពីកុមារភាព។ បន្ទាប់មកក៏ផ្លាស់ទៅរស់នៅទីក្រុងបាងកកដើម្បីសិក្សា។ នាងត្រូវគេចំអកថាជាក្មេងមកពីខេត្ត រហូតចប់វិទ្យាល័យ Ice បានទៅសិក្សានៅ ABEC ជាកុមារដែលត្រូវគេសម្លុតធ្វើបាប។ ជីវិតនាងបានប្រសើរឡើងក្រោយការចូលក្នុងឧស្សាហកម្ម និងសម្ដែងភាពយន្ត។ ប៉ុន្តែមានរឿងមួយដែលផ្លាស់ប្តូរជីវិតរបស់ Ice មកពេលនេះគឺគ្រោះថ្នាក់ចរាចរណ៍ត្រូវកែមុខមាត់ថ្មី។

តារាសម្ដែង Ice បាននិយាយបន្ថែមពីម្ដាយថា នាងគឺជាមនុស្សដែកកម្រនិយាយប្រាប់រឿងរ៉ាវដល់អ្នកណា។ បើជួបបញ្ហាដោះស្រាយខ្លួនឯងបាន តែពេលខ្លះមិនដឹងថាគួរធ្វើវារបៀបណា ហើយដោះស្រាយវាបានឬអត់ទេ។ យ៉ាងណាក៏ដោយ ម្តាយរបស់នាងបានប្រាប់កូនថាមិនបាច់បារម្ភ ហើយលោកប៉ាក៏បានប្រាប់នាងវិញថា កុំគិតពីគាត់ច្រើនអី! ព្រោះមិនចង់ធ្វើជាបន្ទុកដល់កូន។

ទោះយ៉ាងណាក៏ដោយ ម្តាយរបស់ Ice បាននិយាយថា គាត់មាននាងប្រៀបដូចជាកូនស្រីទេវតាដែលបានធ្លាក់ពីលើមេឃ។ នាងបានប្រាប់គាត់ថា ឪពុកម្តាយមិនមែនជាបន្ទុកទេ។ កាតព្វកិច្ចរបស់កូនគឺត្រូវថែរក្សាឪពុកម្តាយ ដើម្បីតស៊ូជាមួយគ្នា ត្រូវឆ្លងកាត់ឧបសគ្គជាមួយគ្នា។ មនុស្សខ្លះបន្តរីកចម្រើន ប៉ុន្តែក្រុមគ្រួសាររបស់តារាសម្ដែងរូបនេះគឺពីកំពូលធ្លាក់ដល់បាត។ វាពិបាកក្នុងការសម្របខ្លួន ព្រោះម្នាក់ៗមិនអាចការពារទាន់ពេល។ ប្រាក់សន្សំក៏អស់ដោយសារត្រូវយកឪពុកទៅព្យាបាល ហើយ Ice អត់មានការងារចូលមកទេ។ តែយ៉ាងណានាងនៅតែប្រឹងស៊ូបើទោះបីជាវិស័យសិល្បៈមិនបានស្វាគមន៍នាងដូចមុនក៏ដោយ៕