ដោយសារតែរ៉ូបរបស់ Angelababy ធ្វើឲ្យអ្នកតែងខ្លួនឲ្យនាង ត្រូវគេបញ្ឈប់ការងារ

តារាចិននាង Angelababy ដែលមានឈ្មោះល្បីល្បាញ តែងតែរៀបចំខ្លួនជាមួយសំលៀកបំពាក់ម៉ាកល្បីៗ ម៉ូដថ្មីៗបំផុត ស្រាប់តែត្រូវមហាជនប្រទះឃើញស្លៀករ៉ូបក្លែងក្លាយទៅវិញ ។

តារាស្រីវ័យ ៣៤ ឆ្នាំរូបនេះ ត្រូវអ្នកគាំទ្រសង្កេតឃើញស្លៀករ៉ូបពណ៌ស្វាយលាយខ្មៅដ៏ស្រស់ស្អាត ប៉ុន្តែការពិតជារ៉ូបក្លែងក្លាយពីស្នាដៃអ្នកច្នៃម៉ូដអង់គ្លេសឈ្មោះ David Koma សោះ ។

ចំពោះរ៉ូបខាងលើ មហាជនធ្លាប់ឃើញតារាស្រី ២ នាក់ទៀតស្លៀករបស់ពិតគឺ Song Qian និង Wu Jinyan ។

បញ្ហានេះធ្វើឲ្យអ្នកគាំទ្រមិនពេញចិត្តជាខ្លាំង ដល់ថ្នាក់បន្ទោសអ្នកតុបតែងខ្លួនឲ្យ Angelababy តែម្ដង ។

ដូច្នេះអ្នកគ្រប់គ្រងបានសម្រេចចិត្តបណ្ដេញអ្នកតុបតែងខ្លួនរបស់នាងចេញ ហើយសុំការអភ័យទោសពីមហាជន និងសន្យាថារកអ្នកជំនួសផ្សេងទៀតឆាប់ៗ ៕

ប្រែសម្រួល៖ វារី

ប្រភព៖ 8days

ចុចអាន៖ Angelababy ត្រូវគេរិះគន់ថា សម្រស់នាងមិនសមនឹងពាក់សក់ទេ