ជីវិតកម្សាន្ដ

បវរកញ្ញា រ៉េត ស្រីនាថ តំណាងកម្ពុជាចេញទៅប្រកួត Miss CosmoWorld 2023នៅម៉ាឡេស៊ី

បានផុស

២ years មុន

នៅ

ថ្ងៃព្រហស្បតិ៍ ១៦ វិច្ឆិកា ២០២៣

ដោយ

ដូចការគ្រោងទុកទីបំផុតបវរកញ្ញាតំណាងប្រទេសកម្ពុជាកញ្ញា រ៉េត ស្រីនាថ ប្អូនស្រីបង្កើត រ៉េត សារីតា បានឡើងយន្តហោះចេញទៅប្រកួតសម្រស់កម្មវិធី Miss CosmoWorld 2023 លើឆាកអន្តរជាតិនៅលើទឹកដីម៉ាឡេស៊ី។

ការចេញដំណើរទៅប្រកួតលើឆាកអន្តរជាតិរបស់បវរកញ្ញា រ៉េត ស្រីនាថ នៅថ្ងៃទី១៥ ខែវិច្ឆិកា ឆ្នាំ២០២៣ នេះ គឺមានការចូលរួមជូនដំណើរពីសំណាក់មិត្តភក្តិមួយចំនួន ខណៈបងស្រីបង្កើតកញ្ញា រ៉េត សារីតា បានជូនពរប្អូនស្រីឲ្យជោគជ័យលើការប្រកួតឆាកអន្តរជាតិ និងបានស្នើសុំការគាំទ្រផ្តល់កម្លាំងចិត្តពីសំណាក់ប្រជាជនកម្ពុជា។

តួយ៉ាងថ្ងៃប្អូនស្រីចេញដំណើរកញ្ញា រ៉េត សារីតា បានលើកឡើងថា“ជូនពរប្អូនស្រីបណ្តូលចិត្តខ្ញុំជោគជ័យលើវេទិកាអន្តរជាតិមួយនេះចូលរួមគាំទ្រប្អូនស្រីរបស់នាងខ្ញុំផងរំភើបណាស់“។

ដោយឡែកអ្វីចាប់អារម្មណ៍ កញ្ញា ស្រីនាថ មិនត្រឹមតែបង្ហាញភាពជឿជាក់ដោយស្នាមញញឹមទេនាងក៏បានរំលេចសម្រស់ជាមួយការបង្ហាញទង់ជាតិកម្ពុជាដោយភាពថ្លៃថ្នូរបង្ហាញភាពជាកុលស្រ្តីទៅកាន់ឆាកអន្តរជាតិ។

គួរបញ្ជាក់ថាកញ្ញា រ៉េត ស្រីនាថ ជាប្អូនស្រីរបស់បង្កើតរបស់កញ្ញា រ៉េត សារីតា (MUC 2020) ត្រូវបានជ្រើសរើសក្លាយជា Miss Cosmo World Cambodia 2023 តំណាងឲ្យស្រ្តីនៃប្រទេសកម្ពុជាចូលរួមការប្រកួត Miss CosmoWorld 2023 នៅប្រទេសម៉ាឡេស៊ី។

កញ្ញា រ៉េច ស្រីនាថ កន្លងមកត្រូវបានគេដឹងថា នាងក៏ធ្លាប់ប្រឡូកក្នុងវិស័យបវរកញ្ញាគឺ បានចូលរួមក្នុងការប្រកួតMiss Grand Cambodia 2017 ដែលកាល នោះ កញ្ញា ស្រីនាង ទើបមានអាយុ ១៨ឆ្នាំប៉ុណ្ណោះហើយក៏ទទួលបានជ័យលាភីTop៦។ កញ្ញា រ៉េត ស្រីនាថ មិនត្រឹមតែមានរូបរាងស្អាតកម្ពស់ខ្ពស់ សម្បុរស្រអែមនោះទេ តែនិយាយពីចំណេះវិញគឺពេញខ្លួនមិនចាញ់បងស្រីឡើយ។

បច្ចុប្បន្នកញ្ញា រ៉េត ស្រីនាថ គឺមានអាយុ ២៦ឆ្នាំ កម្ពស់ ១,៦៧ម៉ែត្រ នឹងអាចនិយាយបានដល់ទៅ ៥ភាសាមានដូចជា, អង់គ្លេស ,បារាំង ,ចិន បាគីស្ថាន បូករួមជា មួយភាសាដើមកំណើតខ្មែរផងដែរ។ដំណឹងនេះបានធ្វើឲ្យអ្នកគាំទ្រវិស័យបវរកញ្ញានៅកម្ពុជាកំពុងបង្ហាញការអបអរ ព្រោះរូបសម្រស់ និងសមត្ថភាពរបស់នាង ដោយគេរំពឹងថាអាចនឹងដណ្តើមបានតំណែងមួយក្នុងកម្មវិធីនេះ៕

អត្ថបទ៖ ចាន់រ៉ា