ហ្វេនព្រួយបារម្ភ V ខណៈកាតព្វកិច្ចយោធារបស់លោក គឺជាអង្គភាពប្រឆាំងភេរវកម្ម

V បាននិយាយអំពីការងាររបស់លោកទាក់ទងនឹងការចូលរួមក្រុមកាតព្វកិច្ចពិសេស ដោយត្រូវបម្រើយោធានៅប្រទេសកូរ៉េខាងត្បូងឆាប់ៗ ខណៈពេលដែល ARMY ទូទាំងពិភពលោកមានការព្រួយបារម្ភនឹងសមាជិកក្រុម BTS រូបនេះយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Big Hit Music ធ្លាប់បានប្រកាសជាផ្លូវការប្រាប់ដល់ ARMYs ជាមួយនឹងការចុះឈ្មោះចូលយោធារបស់សមាជិក BTS បួននាក់ដែលនៅសល់គឺ RM, Jimin, V និង Jungkook រួចហើយនៅក្នុងខែវិច្ឆិកា។ ហើយពួកគេបានបដិសេធមិនផ្តល់ព័ត៌មានលម្អិតបន្ថែមអំពីដំណើរការនេះទេ លើកលែងតែ Jimin និង Jungkook នឹងត្រូវបានព្រាង ប្រព័ន្ធដៃគូដែលនឹងត្រូវបែងចែកទៅមជ្ឈមណ្ឌលបណ្តុះបណ្តាល និងអង្គភាពតែមួយ។

លើសពីនេះ ប្រព័ន្ធផ្សព្វផ្សាយកូរ៉េបានចេញព័ត៌មានថា V ត្រូវបានគេរំពឹងថានឹងចូលរួមក្នុងក្រុមកាតព្វកិច្ចពិសេស ដែលជាអង្គភាពប្រឆាំងភេរវកម្មផ្ទាល់ក្រោមការត្រួតពិនិត្យរបស់ Blue House ខណៈដែល ARMY មួយចំនួនមានការសង្ស័យ និងបានសម្តែងការព្រួយបារម្ភអំពីព័ត៌មាននេះ។ ដោយសារតែភ្នាក់ងារនេះមានកម្មវិធីបណ្តុះបណ្តាលយ៉ាងតឹងរ៉ឹង ហើយជារឿយៗត្រូវបានចូលរួមនៅក្នុងប្រតិបត្តិការដែលមានហានិភ័យខ្ពស់មិនធម្មតានផោះទេ។

ក្នុងនោះផងដែរ V ក៏បាននិយាយជាពិសេសអំពីការភ័យខ្លាចរបស់លោកចំពោះកម្ពស់នៅលើគណនីផ្ទាល់របស់ក្រុម Weverse ។ អ្នកគាំទ្របានបញ្ចេញមតិថា ពួកគេមានការព្រួយបារម្ភ ពីព្រោះការបណ្តុះបណ្តាល SDT តម្រូវឲ្យរៀនវាយកម្ទេចអគារ និងឧទ្ធម្ភាគចក្រ ប៉ុន្តែ V បានបន្ទរពីការព្រួយបារម្ភរបស់ Army ហើយបាននិយាយថា គាត់នឹងត្រលប់មកវិញដោយសុខភាពល្អ។

យ៉ាណាមិញក្រោយបានឮពីការអះអាងរបស់ V រួចរាល់ អ្នកគាំទ្រហាក់ធូរទ្រូង និងមានមោទនភាពយ៉ាងខ្លាំងចំពោះអាកប្បកិរិយារបស់លោកចំពោះកាតព្វកិច្ចយោធា។ អ្នកគាំទ្រសូមជូនពរឲ្យសមាជិកក្រុម BTS មានសុខភាពល្អនិងសុវត្ថិភាពរហូតរហូតដល់ពេលដែលអាចជួបគ្នាម្តងទៀតប៉ុណ្ណោះ៕

ប្រែសម្រួល៖ សាង ស្រីល័ក្ខ

ប្រភព៖thethaiger

ចុចអាន៖Jisoo បង្ហោះអបអរ ក្រោយ YG ប្រកាសបន្តកុងត្រាថ្មីរបស់ BLACKPINK