ជីវិតកម្សាន្ដ

កំពូលតារាចម្រៀង ៣ ដួងទទួលបានគ្រឿងឥស្សរិយយស

បានផុស

១ year មុន

នៅ

ថ្ងៃសុក្រ ៨ ធ្នូ ២០២៣

ដោយ

កំពូលតារាចម្រៀងប្រុស-ស្រី ៣ដួងបានសម្តែងក្តីរំភើបខ្លាំងបន្ទាប់ទទួលបានគ្រឿងឥស្សរិយយស ពីអង្គភាពប្រឆាំងអំពើពុករលួយ ខណៈដែរតារាចម្រៀងទាំង ៣ដួងនេះ មានស្នាដៃចូលរួមសម្តែង ស្ម័គ្រចិត្តក្នុងទិវាជាតិ-អន្តរជាតិ ៩ធ្នូប្រយុទ្ធប្រឆាំងអំពើពុករលួយ។ តារាចម្រៀងប្រុស-ស្រីទាំង ៣រូបនោះរួមមាន, លោក ឆាយ វីរៈយុទ្ធ,កញ្ញា សុខ ពិសី និងលោក សុខ មេសា ហៅនាយចឺម។ ជាមួយគ្នានេះដែរ ក៏មានមហាជនអ្នកគាំទ្របានចូលរួមអបអរសាទរកំពូលតារាចម្រៀងមកពីផលិតកម្មសាន់ដេទាំង ៣ដួងនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆាយ វីរៈយុទ្ធ បានបង្ហាញអារម្មណ៍រំភើបថា «ថ្ងៃនេះជាមហា កិត្តិយសខ្លាំងបំផុតដែលខ្ញុំបាទបានទទួលគ្រឿងឥស្សរិយយសព្រះរាជាណាចក្រកម្ពុជា ថ្នាក់មហាសិរីវឌ្ឍន៍ពីសម្តេចកិត្តិសង្គហបណ្ឌិត ម៉ែន សំអន ក្នុងឱកាសអបអរសាទទិវាជាតិ និងអន្តរជាតិប្រយុទ្ធប្រឆាំងអំពើពុករលួយ ៩ធ្នូ ក្រោមការដឹកនាំរបស់ ឯកឧត្តម កិត្តិនីតិកោសលបណ្ឌិត ឱម យ៉ិនទៀង»។

ចំណែកតារាចម្រៀងសំនៀងផ្អែមលំដាប់ជួរមុខរបស់សាន់ដេ កញ្ញា សុខ ពិសី បានលើកឡើងដែរថា “សូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំសំរាប់ការផ្ដល់កិត្តិយសដ៏ធំមួយនេះសម្រាប់នាងខ្ញុំ សុខ ពិសី”។

ដោយឡែកសម្រាប់តារាចម្រៀងនាយ ចឺម ក៏មិនខុសពី គ្នាតារា ២ដួង ខាងលើទេ លោកបានលើកឡើងថា «ខ្ញុំពិតជាមានមហា កិត្តិយសខ្លាំងបំផុតដែលខ្ញុំបាទបានទទួលគ្រឿងឥស្សរិយយសព្រះរាជាណាចក្រកម្ពុជាថ្នាក់មហា សេនាពីសម្ដេចកិត្តិសង្គហបណ្ឌិត ម៉ែន សំអន ក្នុងឱកាសអបអរសាទរទិវាជាតិ និងអន្តរជាតិប្រយុទ្ធប្រឆាំងអំពើពុករលួយ ៩ធ្នូ ក្រោមការដឹកនាំរបស់ឯកឧត្តមកិត្តិនីតិកោសលបណ្ឌិត ឱម យ៉ិនទៀង»។

សូមបញ្ជាក់ថា កាលពីថ្ងៃទី០៦ ខែធ្នូ ឆ្នាំ២០២៣ អង្គភាពប្រឆាំងអំពើពុករលួយបានរៀបចំ«ទិវាជាតិ-អន្តរជាតិ ៩ធ្នូ ប្រយុទ្ធប្រឆាំងអំពើពុករលួយ»ដោយមានការចូលរួមពីមន្ត្រីគ្រប់ជាន់ថ្នាក់ និងស្ថាប័នពាក់ព័ន្ធព្រមទាំងក៏មានការចូលរួមពីសិល្បករ-ការិនី មួយចំនួនផងដែរ៕

អត្ថបទ៖ ចាន់រ៉ា